أستغفر الله العظيم ... سبحان الله وبحمده



العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير


مواضيع مميزة  


آخر عشرة مواضيع المواضيع النشطة


19-12-2009, 08:57 PM
moseba غير متصل
الوسـام الماسـي
رقم العضوية: 164154
تاريخ التسجيل: Sep 2008
الإقامة: DamasGate
المشاركات: 5,149
إعجاب: 1,525
تلقى 977 إعجاب على 185 مشاركة
تلقى دعوات الى: 7 موضوع
    #1  

محمود ومراته الخنيقة فى السينما


الموضوع إنهارده يا أحباب داماس الكرام
عن برنامج إذاعى قديم لـ(فؤاد المهندس)
إسمه ساعة لقلبك
المهم نبتدى
فى يوم من الايام محمود قرر ياخد مراته ويروحوا السينما يتفرجوا على فيلم المهم راحوا السينما سوا وقطعوا التذاكر ودخلوا قعدوا فى مكانهم فى اليوم ده السينما كانت مليانة المهم الفيلم ابتدى عادى جدا والناس بقى انسجمت مع الفيلم من ضمنهم محمود فمرة واحدة وفى نص الفيلم تقوم مرات محمود تبصله وتقوله:
محمود.......
قالها : نعم
قالتله: ساكت ليه ياحبيبى؟
قالها:ياستى باتفرج على الفيلم
قالتله : متتكلم يامحمود.....
قالها: ياستى ميصحش نتفرج فى السينما ونتكلم
قالتله : طب احكيلى الفيلم يامحمود
قالها : حاضر ..... اللهم طوللك ياروح .. شوفى ياستى .. الراجل اللى قدامك دهه دلوقتى بيحب الست دى
قام واحد من المتفرجين فجاة اتضايق منهم وقال :
يااستاذ؟
محمود: نعم
الراجل: عاوزين نسمع الفيلم .. الحكاوى دى تبقى فى الفسحة فى بيتكم .
محمود: حاضر انا اسف ياسيدى
فتقوم مرات محمود تبص لمحمود وتقوله :
وبعدين يامحمود .. كمل ياحبيبى
محمود: وهما دلوقتى الراجل والست اللى بيحبها قاعدين فى الجنينة بيشربوا شاى
قالتله : هما اللى بيحبوا بعض بيشربوا شاى يامحمود؟
محمود وهو متنرفز : امال يعنى هيشربوا لبان دكر .... شاى طبعا شاى
قالتله : طب ماتقوم نشرب شاى يامحمود
محمود : ياستى احنا دلوقتى بنتفرج على الفيلم
قالتله : يعنى مش عاوز نشرب شاى مع بعض يامحمود؟
محمود خلاص هيموت من الفرسة والغيظ فقال:
ياخبر اسود ومنيل ... ياستى مش وقته
قالتله : انت مش بتحبنى يامحمود ؟
محمود وهو متغاظ : ياستى بحبك بحبك ... ان شا الله اعدمك بحبك .. ان شا الله تدوسنى طيارة بحبك .. اوف
قالتله :وانا بحبك كمان ياحبيبى
محمود: طيب ياختى حبك برص
قالتله: مش انا بحبك يامحمود؟
محمود: اه بتحبينى يااختى
قالتله: طب متقوم نشرب شاى بقى يامحمود.
محمود هيموت من الغيظ وقالها:
سيبينى بقى اتفرج على الفيلم ... سيبنى بقى اتفرج ... ياساتر.
قالتله:انت زعلان ياحبيبى؟
محمود: ايوة زعلان
قالتله: ليه .. هو الفيلم درامى ياحبيبى ؟
قالها: لا .. كوميدى
قالتله: طب مادام كوميدى ماتضحك يامحمود
قالها: حاضر.... قام ضحك ضحكة عبيطة جدا عشان هى تسكت
فقالتله: بتضحك على ايه يامحمود؟
هو خلاص هينفجر وقال:
يانهار اسود ومهبب ومنيل .. بضحك على الفيلم ياستى بضحك على الفيلم اوف
قالتله: طب ماتضحكنى معاك ياحبيبى
قال: الصبر يارب الصبر ... حاضر ياستى حاضر ... وبعدين ياستى ابوها اللى قدامك دهه شافها مع الواد ده قام اتغاظ منه فراح وقاله ....
فيقوم واحد من المتفرجين اللى قاعدين يزعقله ويقوله:
محمود
يرد ويقول: نعم
المتفرج : اتكتم بقى ياحبيبى
محمود: حاضر يااستاذ حاضر
مراته تندهله وتقول: محمود
يرد: نعم
قالتله: كمل ياحبيبى
قالها: حاضر ... بصى هناك بصى... وبعدين لما شافها ابوها قاعدة مع الواد دهه اتغاظ منه
قالتله: اتغاظ منه ليه يامحمود؟
الراجل اللى بيتفرج جنبهم يزعقلهم ويقول: عشان مش عارف يتفرج على الفيلم عشان مش عارف يسمع
محمود: حاضر يااستاذ انا اسف
فمراته تبصله وتقوله: خلاص الفيلم كده ياحبيبى؟
قالها: لا ياستى لسه...
قالتله: طب ساكت ليه ياحبيبى؟
قام معيط وقال : احترت يارب احترت ... الناس عايزة تتفرج اسكتى بقى اسكتى بقى اسكتى
قالتله:طيب ياحبيبى هاسكت اهه
قالها : ايوة كده ياساتر
قالتله: كمل انت بقى ياحبيبى..
هو خلاص طرشأ من جنابه وقال : ياخبر اسود ومنيل ... اوف
قالتله: مالك بس ياحبيبى؟
قالها: متغاظ متغاظ
قالتله: ومتغاظ انت ليه ياحبيبى ؟ هو انت ابو البنت اللى فى الفيلم ده ؟
فى الاخر محمود اغمى عليه وضغطه ارتفع وروحوه على نقالة







المواضيع المشابهه
الموضوع كاتب الموضوع المنتدى مشاركات آخر مشاركة
حكايات عمو محمود للأطفال جزئين - محمود المصري AvilmA كتب و قصص للاطفال 4 21-11-2016 05:08 PM
تصميم ببرنامج السينما فور دي awadmukky خلفيات فوتوشوب - فريمات وزخارف للفوتوشوب GFX 4 02-01-2013 12:03 AM
واحد راكب عربيته هو ومراته AHMED_NABIL صور - طرائف - الغاز - مسابقات - تسالي - مرح - نكت - فوازير 4 08-06-2012 03:13 PM
عمل مسدس ببرنامج السينما 4دي abo caram خلفيات فوتوشوب - فريمات وزخارف للفوتوشوب GFX 12 28-12-2011 05:17 PM
محمود ومراته فى المصيف moseba صور - طرائف - الغاز - مسابقات - تسالي - مرح - نكت - فوازير 13 09-02-2011 03:48 PM
19-12-2009, 09:44 PM
abcman غير متصل
عضوية الشرف
رقم العضوية: 13021
تاريخ التسجيل: Aug 2004
الإقامة: Saudi Arabia, Jiddah
المشاركات: 7,508
إعجاب: 1,708
تلقى 1,706 إعجاب على 352 مشاركة
تلقى دعوات الى: 1 موضوع
    #2  
ههههههههههههههههههههه

طريفة فعلاً

إن شاء الله لا نكون مثل محمود ده

شكراً للموضوع الطريف

بالتوفيق


19-12-2009, 10:18 PM
raedms غير متصل
VIP
رقم العضوية: 81535
تاريخ التسجيل: May 2007
المشاركات: 23,957
إعجاب: 618
تلقى 4,106 إعجاب على 733 مشاركة
تلقى دعوات الى: 1331 موضوع
    #3  
ههههههههههههههه
شكرا لك أخي الحبيب
بارك الله فيك


سبحان الله وبحمده سبحان الله العظيم


20-12-2009, 12:56 AM
المطبعجى غير متصل
الوسـام الماسـي
رقم العضوية: 205092
تاريخ التسجيل: Jan 2009
الإقامة: مصر
المشاركات: 6,238
إعجاب: 2,257
تلقى 2,254 إعجاب على 350 مشاركة
تلقى دعوات الى: 148 موضوع
    #4  
بيتهيألي إن مرات محمود دي كانت
الممثلة خيرية أحمد ، وكنت عمال أتخيل طريقتها في الكلام
ومطها لكلمة محموووووود _ يا حودة
على ما أذكر كانت ظريفة جداً
وموضوعك كمان ظريف جداً

خالص تحياتي


20-12-2009, 10:50 PM
moseba غير متصل
الوسـام الماسـي
رقم العضوية: 164154
تاريخ التسجيل: Sep 2008
الإقامة: DamasGate
المشاركات: 5,149
إعجاب: 1,525
تلقى 977 إعجاب على 185 مشاركة
تلقى دعوات الى: 7 موضوع
    #5  
المشاركة الأصلية كتبت بواسطة abcman 
ههههههههههههههههههههه

طريفة فعلاً

إن شاء الله لا نكون مثل محمود ده

شكراً للموضوع الطريف

بالتوفيق
العفووووو يا جميل
تشرفت بمرورك
المشاركة الأصلية كتبت بواسطة raedms 
ههههههههههههههه
شكرا لك أخي الحبيب
بارك الله فيك
العفوووو أنت تأمر بس
أنا تحت أمر كل من بالبوابة
المشاركة الأصلية كتبت بواسطة المطبعجى 
بيتهيألي إن مرات محمود دي كانت
الممثلة خيرية أحمد ، وكنت عمال أتخيل طريقتها في الكلام
ومطها لكلمة محموووووود _ يا حودة
على ما أذكر كانت ظريفة جداً
وموضوعك كمان ظريف جداً

خالص تحياتي
ههههههههههههه
أنا مش عارف إسمها
بس أنا عارف شكلها
أصل أنا مش بحفظ اﻷسماء
بس هما كانوا موجودين فى فيلم (ﻹسماعيل يس)
كانوا جيرانه كان فيلمه مع (عبد السلام النابولسى)
اللى (زينات صدقى) قالت فيه "حسناء هيفاء سمراء...............فى ربيعها اﻷول"
عرفت الفيلم وﻻ؟؟؟؟
أصل أنا مش فاكر إسمه
إسم الفيلم
.
.
.
.
.
.
.
.
.
أقولك أحسن
إعتبره فازوره وأدينى مستنى الحل

 


محمود ومراته الخنيقة فى السينما

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.