أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى العام


مواضيع مميزة  


آخر عشرة مواضيع المواضيع النشطة


17-09-2009, 08:45 PM
مازاجانجى غير متصل
عضو جديد
رقم العضوية: 308826
تاريخ التسجيل: Sep 2009
المشاركات: 2
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

سرى للغاية - top secret - حكاية بلد اسمها مصر من البداية والله وحده يعلم النهاية ...


للغاية secret حكاية اسمها البداية
الحمد لله والصلاة والسلام على محمد رسول الله وعلى آله وصحبه والتابعين وتابعيهم الى يوم الدين
اما بعد فهذا نقاش سياسى يحمل افكارا فى مجملها توضيحات لمسائل كثيرة ولكن بإسلوب بسيط ورؤية محايدة دون سفسطة

وهذا نقاش جرئ جدا بين اتنين بيدور النقاش حول وجهة نظر فى تعاطى الأحداث السياسية على ارض الواقع و بيتكلم عن آراء فى هذه الأحداث .

MMMMMMM: البلد دى فيها اكتر من يد خفية بتتحكم فينا
someone: ازاى يعنى؟
MMMMMMM: بص يا سيدى انا كنت ملتزم زمان بالسلفية انا قلتلك قبل كده صح
someone: تمام
MMMMMMM: بص يا حج الى هقولهولك ده مش مهم توافقنى فيه بس دا فكرى
someone: اوك
MMMMMMM: مبدأيا السلفية دى اقرب ما يكون للطائفة المنصورة الى قال عليها الرسول صلى الله عليه وسلم
MMMMMMM: انا بقول هنا السلفية وليس رجالها الموجودون الآن
someone: اها
MMMMMMM: يعنى لما هنقضهم هكون بنقض الناس مش المنهج نفسه عشان مبآش ضد الإسلام والله أعلم بالنوايا
someone: تمام
MMMMMMM: بص يا معلم السلفية دى مكونة من اكتر من نوع من الناس
MMMMMMM: نوع زى ما كنت انا ،،، يعنى حصله صدمه وحب يبعد عن الدنيا و زهد فى الدنيا
someone: تمام
MMMMMMM: ونوع تانى متعلم العلم الشرعى واختار المنهج ده لان مافيهوش غلو ولا بدع ولا كلام من ده
someone: اها
MMMMMMM: ونوع تالت وده النوع الى مبوظ المنهج السلفى ومطفش منه ناس ياما
MMMMMMM: النوع دا يا باشا من بقايا بذور الفرق المنتهية زى جماعة التكفير والجماعة الإسلامية الى كانت بتدمر فى الأقصر وجزء من جماعة الجهاد
MMMMMMM: دول ناس معظمهم كان بيتسجن وعندهم عقده من الدولة والناس العادية وبيعاملوا الناس على انهم ناقصين فى كمال الإيمان ودى قضية خطيرة
MMMMMMM: بص يا سيدى الفئة الثالثة معظمها سنها كبير وزى ما قلتلك بقايا جماعات مندثرة كانت على غير فهم لصحيح الدين لأنها مسلكتش الطريح الصحيح للعلم الشرعى انما اخدته عن ناس متعصبة ضد كل شئ لا يوافق هولهم ودا مش الإسلام
someone: اها
MMMMMMM: الناس دول بئه (الفئة الثالثة) اتربو على ايد مين؟ اتربو على ايد الناس الى كانت بتتعذب ايام جمال عبد الناصر الى كان صح فى حاجات وغلط فى حاجات كتير
someone: زي سيد قطب كده؟
MMMMMMM: سيد قطب كان منحرف وكان مخرف فى حاجات ياما وكتاباته وصلت من الإنحراف لأبعد ما يمكن وكان احد اسباب انحراف العقيدة والفهم الصحيح عند كثير من الناس وإلى الآن الفئة الثالثة دى معتقدين انه صح حتى بعد ما الشيخ الألبانى (رحمه الله) قال فيه ما قال عن إنحرافه،،، والشيخ الألبانى معظم المسلمين اجمعوا انه مجدد الدين فى هذا العصر نظرا لكم الأحاديث التى اخرجها وبين صحيحها من ضعيفها
MMMMMMM: وطبعا ايام جمال عبد الناصر كانت الناس منحلة والنسوان بتلبس مينى جيب يمكن لحد التمانينيات تخيل بئه ،،،وجود الأوضاع كانت نتيجتها الجماعات دى
MMMMMMM: ودول عندهم تطرف فكرى أصلاً وانحراف فى العقيدة نتيجة التعذيب وكده فنشأ التطرف فى تفكيرهم لأنهم شايفين حاجات فعلا غلط بس معندهمش آليات العمل والمنهج الصحيح لتصحيح هذا الخطأ ،،،المنهج الصحيح الذى تتبعه معظم القنوات الدينية الآن وبعض السلفيين الذين تلقوا العلم الشرعى من منابع صافية دون انحراف او زيغ عن نهج الحبيب المصطفى (صلى الله عليه وسلم) وهؤلاء يعرفون ان السبيل الوحيد لقلوب الناس ولتعلميهم الدين الصحيح هو الكلمة الطيبة
MMMMMMM: نرجع ونقول ان الفئة الثالثة هذه هى بقايا للجماعات المنحرفة التى تربت على يد سيد قطب (غفر الله له ) وتربت على العنف وكره المجتمع والتغلظ مع الناس والتقليل من شأنهم والتقليل من إيمانهم وعلاقاتهم بالله
someone: دول كالحمار يحمل اسفارا
someone: و ربنا قال عليهم في القرآن
MMMMMMM: يعنى بيعاملونا اكننا ناقصين الدين
MMMMMMM: المهم
MMMMMMM: اكملك
someone: اتفضل
MMMMMMM: الناس دى انا اتعاملت معاها وجها لوجه وهقولك قصة صغيرة
someone: تمام
MMMMMMM: انا لما سقط فى الكلية زهئت ونزلت اعدت فى الجامع وكل يوم اصلى فى الجامع وربنا مدينى ايمان عالى ومحببنى فى الجامع وفى صلاة الجماعة وكنت ماشى كويس
MMMMMMM: لحد ما اصطادونى وبعتولى واحد عشان اصلحله الكمبيوتر بتاعه وبدأت اتعرف عليهم وبدأو يخدونى احفظ قرآن طبعا كل ده واهلى مصدومين بس سايبنى اما يشوفو اخرتها
someone: تمام
someone: كمل
MMMMMMMe: وبدأت احفظ قرآن والتجويد واتعلمت التجويد الحمد لله
someone: تمام
MMMMMMM: وانا بحفظ قرآن قاولى تعالى احضر دروس علم واتعلم احاديث وحاجات طيبة جميلة قلت ماشى لحد كده جميل العلم كويس
MMMMMMM: بدأو يكلمونى على لبسى ان لازم البس كما يلبسون
someone: اها
MMMMMMM: بس فى ناس محترمة ومخها متفتح (سلفيين على الطريق الصحيح انا بسميهم كده) قالولى انت طالب جامعى مش مهم اللبس خليك زى الشباب الى فى سنك عشان كده صح ومتخنأش نفسك بلبس معين يعنى البس اى لبس المهم تدارى عورتك ،،،، بس طبعاً الكلام ده مكنش عاجب الفئة الثالثة المتشددة و قالولى حرام اللبس من كمال الإيمان وكده المهم اقنعونى ولبست الجلباب(القميصة) والطقية (القلنسوة)
someone: تمام
MMMMMMM: كان فيه شيخ سلفى صغير فى السن معيد وبيحضر ماجيستير وعلى علم وحافظ احاديث كتير كان يقولى براحة على نفسك وكده بس كنت بحسبه مش فاهم عشان كنت الى حد ما معجب بشخصية التانيين لأنهم حاطولى خطة محبكة لبرمجتى
someone: اها
MMMMMMM: المهم لبست وبتاع وفترة حسيت انهم عاوزين يغسلو دماغى لحد ما جات فترة حسيت انى انا فى الدنيا دى المسلم وكل الناس كفرة او مش مسلمين بجد لدرجة انى قلت لواحد منهم انا حاسس ان اقل واحد اعرفة فى الملتزمين احسن عندى من ابويا وامى والعياذ بالله
MMMMMMM: راح قايلى وهو دا المطلوب ............هنا بس بدأت افهم الى انا وصلتله
someone: لا اله الا الله
MMMMMMM: انا بتبرمج
MMMMMMM: بدأت بئه احس حاجة غريبة
MMMMMMM: انهم عاوزين يحطونى فى قالب معين زى كتير من الناس
someone: اها يتحكموا تحكم كامل فيك
someone: ويسلبوك الارادة
MMMMMMM: حاولت اكون مختلف لقيتهم مش عاجبهم وبدأت اهرب وبدأو يفهموا انى عاوز اهرب
MMMMMMM: المهم قلت اعمل ايه،،، لو سيبت الإلتزام حرام لانى مقتنع ان دى حياة الرسول ومن جه تانية الناس دى هتبوظلى مخى وهضيعنى وهتبعدنى عن الحياة كلها
MMMMMMM: قلت من الآخر اخد جمب مع نفسى ومليش دعوة بيهم واعبد ربنا لوحدى وارجع زى الأول اصلى جماعة وخدش دينى إلا من ناس متعلمة وثقة
MMMMMMM: وفعلا عملت كده حسو انى عاوز اعمل فيها ديك ومش مقتنع برأيهم بدأو يحاربونى حرب نفسية رهيبة عشان يحسسونى انى ولا حاجة وفعوا اشياء والله تهتز لها الجبال من تجسس على حياتى الخاصة وبدأو يبعدو عنى اصحابى ويكرهو الناس فيا وعاوزين يخلونى وحيد تماما عشان ارجعلهم تانى لما ملأيش حد تعبونى نفسيا ،،،بس الحمد لله وقفت على رجلى تانى وفؤت
someone: تمام ،، ارجع وقولى ايه الى حصل لما سيبتهم؟
MMMMMMM: فضلو بئه يحاربونى حرب نفسية قذرة
someone: قول ازاي ؟
MMMMMMM: مثلا اكون واخد وصلت نت،،، أخدو وصلة ويجيبوا برامج و يتجسسو ويبوظلولى الجهاز
someone: بجد والله ؟
MMMMMMM: انا مكنتش أعرف انهم هما الى بيعملو كده غير بعدين خالص بعد سنتين عرفت (انا مش بركز فى الى بيحصلى كتير بسيبها على الله) بس لما لقيت احداث كتير اوى و حياتى اصبحت مزعجة من ساعة ما سيبتهم وقفت مع نفسى وربطت الأحداث وبدأت افهم الكارثة ،،،دول اصبحوا ارهابيين بمعنى تانى ،،ارهاب نفسى قذر
MMMMMMM: طبعا والناس الى بيخططوا لده واجهتهم مشرقة معايا ولا اكنهم بيعملوا حاجة ،،،بس والحمد لله ربنا فضحهم وعرفتهم وعرفت مدى حقارتهم فى انهم يحاربونى ويزهأونى من غير سبب إلا انى عاوز اعبد ربنا لوحدى بدون مشاكل ودون انفصال عن الحياة
MMMMMMM: وصل جبروتهم انهم يحاربونى فى الرزق كنت فاتح محل تصليح والعاب كمبيوتر وكده وكنت فاتحه العلب بس يعنى مش نت ولا شات ولا اى حاجة حرام مجرد صيانة والعاب للأطفال
someone: اها
MMMMMMM: بعتولى واحد منهم وقالى عاوز الجهاز استأجره منك اشوف عليه اسطوانات كورة وكان ساكن اول الشارع الى انا ساكن فيه قلتله تحت امرك وكان ساكن فى الدور الخامس شيلت الجهاز وطلعطهوله
MMMMMMM: جابهولى مينفعش طبلة ولا طار زى ما بيقولو قلت خير نصيبه كده وأخده ثلاث ايام ولما جه يحاسبنى مرضتش آخد منه فلوس قلت زى بعضه جارى قالى لازم تاخد فلوس وحلف وبتاع إدانى خمسة جنية وطبعا دى مش ايجار ربع يوم حتى بس كله عند ربنا
MMMMMMM: شوية وعملو شوية حاجات المهم خلونى اقفل الدكان الى كان مسلينى
someone: وبعدين
MMMMMMM: سيبت الدكان وخلاص وصفيت وخت جهاز البيت وخلاص على كده
MMMMMMM: تعرف انا لو كنت عارف انهم قاصدين يخلونى اقفل كنت جبت ميت جهاز وعاندت،،، بس انا لقيت كل حاجة مش ماشية والى مأجر منه الدكان عاوز ياخده وبيأرفنى زهقت وسيت المشروع
someone: اها
someone: و بعدين قولي
MMMMMMM: وبعدين جالى واحد منهم يعتبر معرفة من ناحية امى عشان امه كانت جارة امى وهوه اكبر منى بسنة، قالى عاوزك تحطلى قرآن على فلاشة قلت اوك وسابلى الفلاشة ومشى
someone: تمام
MMMMMMM: وانا سبحان الله قلت ياد متحطش الفلاشة الا لما يجى وتعرف عاوز يحط اصوات مين عشان ميشتغلكش كل شوية ومرديتش احط الفلاشة
MMMMMMM: جالى تانى يوم قالى ايه الأخبار قلتله تعالى انت حط الفلاشة عشان تختار الى انت عاوزه
MMMMMMM: قالى انت لسه محطيتهاش قلتله لا
someone: قالك ايه
MMMMMMM: قالى طاب اوك ودخلته عندى وقالى حط الفلاشة وأول ما حطتها الجهاز بالسلامة جاله فيروس ضرب البوردة نفسها وحصل نفس المشكلة للجهاز الى اديته للواد الى كان فى اول الشارع يعنى نفس الفيروس المدمر
MMMMMMM: فى ساعتها الشريط كله لف دماغى من ساعت ما سيبتهم والى كان بيحصلى والجهاز الى باظ والمرة دى وربط الأحداث مصدأتش نفسى
someone: كل ده ؟
MMMMMMM: قالى انا هستأذن وبعدين قالى الجهاز انساه وذاكر احسن وبتاع و اقسم بالله وكان بيضحك
someone: ابن التييييييييييييييييييييييييييييييييييييت
MMMMMMM: قلت حسبى الله ونعم الوكيل وجبت جهاز جديد والجهاز الأديم مركون ملوش بيعه
MMMMMMM: عارف ايام ما كنت بلعب سيلك رود
someone: اها
MMMMMMM: كنت واخد وصلة وكانو عندهم برامج يهنجوا الأجهزة الى على الشبكة كنت اول ما ادخل اللعبة الجهاز يفصل وكل ما ادخل تاكسى اول ما ادفع الجهاز يفصل عشان كده مكنتش بلفن الا فى اوقات معينة يكونو اتخمدو
MMMMMMM: بس آخر شهر لعبت فيه كنت جايب راوتر ومستريح بس برده بئو يقطعو الكهرباء وعلى فكرة من ادواتهم للضغط والحرب النفسية التحكم فى مكاتب الكهرباء فى كثير من المناطق
وقطع الكهرباء متى يشائون إلا لو اتصلت بالعمال وفضلت تتكلم كذا مرة بيقلقوا وبيكشو واقسم بالله هما ورا انقطاعات الكهرباء فى كثير من الأوقات وفى كثير من المناطق والله اعلم متحكمين فى ايه تانى
someone: اها
MMMMMMM: دول جهلاء السلفية وللأسف هما الى مسيطرين على السلفيين خصوصا فى الأرياف
MMMMMMM: والناس الطيبين مش بيقدرو يتدخلو فى شئون الجماعة دول الى بيخططو
MMMMMMM: اكيد وللأسسف مش باينين وسط الكويسسين يعنى لو اعد اتنين متعرفش مين المنحرف منهم بيقدرو يستخبو
MMMMMMM: هقولك معلومة هتعرف الناس دى وصلة للأى درجة من التحكم فينا وفى مصر ،،،،
MMMMMMM: خروج الشيخ عمر عبد الكافى وخروج عمرو خالد وغيرهم من مصر كان سببه المتشددون
لأنهم يفتنون عليهم بكلام غير صحيح عن طريق ناس منهم لهم علاقات بالنظام وبأمن الدولة والله على ما أقول شهيد
وأكثر من ذلك يحدث لأنهم عندما يجدوا من يتحدث حديثا متزناً عاقلا ويلتف حوله الناس ويحبونه
يقومون بإستخدام سلطتهم التى تضخمت كثيرا ويبعدونه حتى يخلو لهم الجو لينشروا افكارهم المتطرفة
وللأسف الحكومة فى غفلة
MMMMMMM: اكملك موضوع الأيدى الخفيه
someone: اها انا معاك
MMMMMMM: بص يا عم الى كلمتك عليهم دول (الفئة المتطرفة والمتحكمة فى جماعة السلف للأسف) عاوزينك معاهم حتى لو أغضبو الله فى طريقة استدراجك بالعافية المهم يدخلوك معاهم وعندهم الغاية تبرر الوسيلة مهما كانت الوسيلة
MMMMMMM: النوع التانى ودول اصبح لا حول لهم ولا قوة وهما الحكومة ومعندهاش غير الكورة والفن دى سياستها واهم اسلحتها فى تغفيل الشعب وقول فى الحتة دى زى ما تحب.
MMMMMMM: النوع التالت الى بيظبط فينا صح حاجة مش هتتخيلها
someone: ميييييييين
MMMMMMM:رجال الأعمال وخصوصا رأس المال المسيحيى المتشدد (مشكلة المسيحيين المتشددين بسيطة بتتلخص فى ان مصر مرت بمراحل معينة من علاقة المسلم بالمسيحى أولها لما فتح عمرو بن العاص (رضى الله عنه) مصر وخلص المسيحين من عصور الظلم التى كانوا يلاقونها على ايدى ابناء دينهم ومنذ هذا الوقت والعلاقة معروفة انهم فى حماية المسلمين ولهم علينا حقوق ثم ومع تدهور الخلافة الإسلامية وإنهيارها اصبحت مصر لها شأنها الخاص فطمع المسيحيين المتطرفين فى مصر على إعتقاد منهم انها بلدهم وان المسلمين اغتصبوها متناسيين اننا خلصانهم من عصور الظلم والإستبداد وفعلا بدأت العلاقة تتغير فى بعض الأحيان حتى أملوا فى ان تصبح مصر علمانية كخطوة مبدأية وساعدهم فى ذلك الإنحلال الذى كان موجود فى مصر وهذه مرحلة ،،،،،المرحلة الأخرى وهى الآن بعد ان استفاق المصريين وعادوا الى رشدهم واصبحت هناك قنوات دينية ومشايخ تدعوا الى الإسلام بالحسنى والكلمة الطيبة وانجذب الناس اليها مما أدى الى انهيار خطتهم ومما اسرع بظهور ما كانوا يخفون لنا فظهر اقباط المهجر وظهر القسيس الذى يسب الإسلام ويعاديه وأشكال اخرى من العداء ،،،
MMMMMMM: هذا بإختصار سبب اتجاه المتشددين المسيحيين من رجال الأعمال الى تضييق الحياة على المصريين
MMMMMMM: زى ما فيه متشددين مسلمين فيه متشددين مسيحين ودول قلة لأن معظم المسيحين الى اعرفهم طيبين جدا ،،، المتدشددين المسيحين ومنهم رجال اعمال
بيضربو فينا من ناحية تانية ازاى؟ كل ما الشعب يتجه للدين يغلو الأسعار زى عائلة سويرس نجيب بتاع اواسكوم تيليكوم واخوه بتاع السياحة الى متعلم فى امريكا دا غير ابوهم
الى يعتبر من اغنياء مصر دول وغيرهم بيتحكموا فى السوق المصرى بنسبة كبيرة محدش يتخيلها والكلام دا معيرفوش كتير من الناس حتى المسيحين الطيبين من جيرانا والعاديين
الى اتربوا معانا وعارفين انهم بيحبونا
someone: ماشي بس مين اللي مسيطر و معاه القوة الضاربة و العصا المنفذة فى الثلاث أيادى
MMMMMMM: شوفت بئه احنا بنتظبط فكريا وعقائديا وسياسيا وماديا دا غير يا باشا شوية العلمانيين و البهائيين والصوفيين الى معظمهم شيعة و الشيعة الى بيجيلهم تمويل من ايران وبيعملوا موائد عن يأكلوا الناس عند الحسين والبوى والأضرحة وبينشروا المذهب بتاعهم وغير الإخوان الى معظم كوادره وقياداته نسخة طبق الأصل من الفئة الثالثة أى انهم عندهم تطرف عقائدى وفكرى (وعلى الرغم المتشددين السلف والإخوان بينهم عداوة إلا أن بعضهم من كلا الفريقين على اتفاق فى اشياء معينة وبالتاى يوجد تنسيق بين الجماعتين ولكن غير واضح بمعنى أن الإخوان الغير متشددين والسلف الغير متشددين كثير منهم لا يعلم هذه النقطة بالذات)
ولو حكموا مصر تلك الفئة المتشددة من الإخوان أو السلف بنفس تفكيرهم يبقى عليه العوض ومنه العوض هتبقى مذابح اقسم بالله العلى العظيم مذابح
MMMMMMM: كله عاوز ياخد النصيب الأكبر من الكعكه
someone: طب و تفتكر احنا ممكن نعمل ايه ؟
MMMMMMM: اقولك بئه دور الحاجة الحكومة رضى الله عنها
MMMMMMM: الحكومة يا سيدى بتلعب بالنار ازاى
MMMMMMM: الإخوان زادو افتح للسلفية المنابر وعينهم خطباء واضربهم فى بعض
MMMMMMM: السلفية كترو افتح لأقباط المهجر واضرب المسيحين فى المسليمن
MMMMMMM: شوية ولم الأوراق
MMMMMMM: شوية وافتح للبهائيين
MMMMMMM: وشوية سيب الشيعة ينشرو مذهبهم ولما يجى نصر الله يشتم النظام المصرى يعتقلوا الشيعة ويضيقوا عليهم وماشية كده هيه الدنيا معاهم
MMMMMMM: وكده تضرب كله فى بعضه
MMMMMMM: واحنا تايهين
Someone:طب دا ذكاء من الحكومة؟
MMMMMMM: لا عشان هيه حكومة فاشلة بتاخد تعليماتها من امريكا
MMMMMMM: مش ساعات نسمع ان الإخوان بيعدو مع الامريكان
MMMMMMM: دا صحيح امريكا بتلعب بكله عشان مصالحها
someone: لا بس فيه موضوع كبير قوي الناس مش تخدة بالها منه
MMMMMMM: ايه؟
someone: ان امريكا عمرها ما بتمشي على مبدا واحد
someone: و معندهاش حاجة اسمها صديق العمر
someone: دايما ماشية على سياسة الحبلين
someone: تلاقيها في العراق مع الشيعة ضد السنة
someone: و في لبنان مع السنه ضد الشيعة
MMMMMMM: لا
someone: لا ايه
MMMMMMM: هيه ضد السنة فى كل مكان وحزب الله تابع لأمريكا ودا موضوع بئه كبير عاوز شرح طويل
MMMMMMM: امريكا عاوزة ايه غير ان اسرتئيل تنعم بالسلام فى ظل حكومات فاسدة بترعى مصالحها فى المنطقة ومتخذة من الدول ترسانات حربية ومطارات حربية تهدد كل مناطق العالم منها دى امريكا باختصار دون الخوض فى مقاصدها من ناحية كل بلد
MMMMMMM: مشربش الشاى اشرب ازوزة
MMMMMMM: هههههه تحيا امريكا ويحى الحاج اوباما
MMMMMMM: الناس عندنا كانو بيقولو اوباما اخوان مسلمين ههههههه
MMMMMMM: كنت بضحك ضحك
someone: انت عارف ان ابوه مسلم
someone: اسمه حسين اوباما
MMMMMMM: وهوه اصلا ناس بتأكد انه اسلم وارتد عن الإسلام وسمعتله حوار زى كده
MMMMMMM: هوه آل فى حوار له انه جرب الإسلام شوية ورجع تانى للمسيحية عشان كذا وكذا مش فاكر بالظبط
someone: اكيد هو مسيحي
someone: ده امن امريكا القومي
someone: هو فيه مسلم برضه هيحكم امريكا ؟
MMMMMMM: سيبك منه دول ميتألش فيهم الا كلمة واحدة
MMMMMMM: قد تستطيع الثعابين أن تغير من جلدها اكثر من مرة ولكنها تبقى سامة
MMMMMMM: لماذا ؟ لأنها تبقى ثعابين
MMMMMMM: بص يا عم هسألك سؤال سهل ممتنع،،
someone: قول يا حاج
MMMMMMM: تقدر تقولى ايران ليه عاوزة تعمل مفاعل نووى قوى وامريكا مش موافقة انها تكبر المفاعل على الرغم ان المفاعل موجود وشغال وامريكا مش عاوزة ايران تكبره طاب ليه ؟
someone: يا عم دي مشكلة مفتعلة
MMMMMMM: قول؟
someone: لشغل امنطقة
MMMMMMM: لا
someone: ماهي اسرائيل و معظم دول المنطقة عندها
MMMMMMM: اشمعنه ايران عاوزة تكبر المفاعل وتخليه طاقته اعلى؟
someone: قول انت
MMMMMMM: بص يا حج
someone: ايوة
MMMMMMM: ايه هوه المصدر المالى الوحيد لدول العرب الغنية
someone: البترول
someone: و التعدين عامة
MMMMMMM: تمام
MMMMMMM: دلوقتى البترول فضله من 40 الى 70 سنة اكتر او اقل ويصبح غير كافى للتصدير يعنى مش هيجيب دخل بالمليارات زى دلوقتى وبعد كده هينتهى ودى حقيقة علمية
someone: الله اعلم ؟
MMMMMMM: لما يخلص البترول ايه الى هيحصل؟
someone: هيحصل حاجات كتير قوي
MMMMMMM: الدول العربية هتدور على مصدر طاقة
MMMMMMM: بص يا عم لو ايران عملت مصنع نووى قوى هتقدر توفر مصادر طاقة لكل الدول العربية بذلك هتتحكم فى اقتصاد المنطقة وده امر محتم ربنا لا يقدره
MMMMMMM: امريكا بئه عارفه نواياه كويس وعارفة ان المسألة اقتصادية
MMMMMMM: ومش عاوزاها تعمل كده
MMMMMMM: سبوبة يعنى
MMMMMMM: بالنسبة لأمريكا اما بالنسبة لإيران
MMMMMMM: ايران عاوزة تعمل مفاعل قوى جدا تصدر منه كهرباء نظيفة للمنطقة وبكده تتحكم وتكوش على اقتصاد العرب خليك معايا مش مفاعل عادى
MMMMMMM: بالنسبة لإيران عاوزة تتحكم فى اقتصاد المنطقة عشان تنشر منهجها الشيعيى
someone: الموضوع هو مجرد مشكلة متفق عليها بين ايران و امريكا لالغاء اي امل لان اي حد يفكر يعمل مفاعل الماء الثقيل
someone: اللي هو ممكن ينتج اليورانيوم الخاص بتصنيع الاسلحة دى وجهة نظرى ان المسألة متفبركة
MMMMMMM: وجهة نظر بس برده المسألة اقتصادية لأغراض سياسية
MMMMMMM: ايران مش عاوزة تعمل قنبلة
MMMMMMM:ايران راعية المذهب الشيعى واى شيعى بيعظمها وبيتخذها دولته الأم
MMMMMMM: والحديث عن الشيعة ومخططاتهم موضوع كبير مش هينفع دلوقتى
someone: طاب احنا اصحاب قضية؟ ايه هيه؟
MMMMMMM:ايوة احنا اصحاب قضية،،، اقرأ كلام الله فيه شفاء ورحمة للمؤمنين

اعوذ بالله من الشيطان الرجيم
للغاية secret حكاية اسمها البداية

وَأَنزَلْنَا إِلَيْكَ الْكِتَابَ بِالْحَقِّ مُصَدِّقاً لِّمَا بَيْنَ يَدَيْهِ مِنَ الْكِتَابِ وَمُهَيْمِناً عَلَيْهِ فَاحْكُم بَيْنَهُم بِمَا أَنزَلَ اللّهُ وَلاَ تَتَّبِعْ أَهْوَاءهُمْ عَمَّا جَاءكَ مِنَ الْحَقِّ لِكُلٍّ جَعَلْنَا مِنكُمْ شِرْعَةً وَمِنْهَاجاً وَلَوْ شَاء اللّهُ لَجَعَلَكُمْ أُمَّةً وَاحِدَةً وَلَـكِن لِّيَبْلُوَكُمْ فِي مَا آتَاكُم فَاسْتَبِقُوا الخَيْرَاتِ إِلَى الله مَرْجِعُكُمْ جَمِيعاً فَيُنَبِّئُكُم بِمَا كُنتُمْ فِيهِ تَخْتَلِفُونَ (المائدة : 48 )

وَمَن يَرْغَبُ عَن مِّلَّةِ إِبْرَاهِيمَ إِلاَّ مَن سَفِهَ نَفْسَهُ وَلَقَدِ اصْطَفَيْنَاهُ فِي الدُّنْيَا وَإِنَّهُ فِي الآخِرَةِ لَمِنَ الصَّالِحِينَ (البقرة : 130 )

أَمْ تَقُولُونَ إِنَّ إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالأسْبَاطَ كَانُواْ هُوداً أَوْ نَصَارَى قُلْ أَأَنتُمْ أَعْلَمُ أَمِ اللّهُ وَمَنْ أَظْلَمُ مِمَّن كَتَمَ شَهَادَةً عِندَهُ مِنَ اللّهِ وَمَا اللّهُ بِغَافِلٍ عَمَّا تَعْمَلُونَ (البقرة : 140 )

وَإِذْ قَالَ إِبْرَاهِيمُ لأَبِيهِ آزَرَ أَتَتَّخِذُ أَصْنَاماً آلِهَةً إِنِّي أَرَاكَ وَقَوْمَكَ فِي ضَلاَلٍ مُّبِينٍ (الأنعام : 74 )

وَجَاهِدُوا فِي اللَّهِ حَقَّ جِهَادِهِ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمينَ مِن قَبْلُ وَفِي هَذَا لِيَكُونَ الرَّسُولُ شَهِيداً عَلَيْكُمْ وَتَكُونُوا شُهَدَاء عَلَى النَّاسِ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ فَنِعْمَ الْمَوْلَى وَنِعْمَ النَّصِيرُ (الحج : 78 )

قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَاء مِنكُمْ وَمِمَّا تَعْبُدُونَ مِن دُونِ اللَّهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاء أَبَداً حَتَّى تُؤْمِنُوا بِاللَّهِ وَحْدَهُ إِلَّا قَوْلَ إِبْرَاهِيمَ لِأَبِيهِ لَأَسْتَغْفِرَنَّ لَكَ وَمَا أَمْلِكُ لَكَ مِنَ اللَّهِ مِن شَيْءٍ رَّبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ (الممتحنة : 4 )


اللهم صلى وسلم وبارك على محمد وعلى آله وأصحابه الغر الميامين وعلى التابعين وتابعيهم بإحسان الى يوم الدين اللهم آمين

اللهم انصر نا على اعدائنا وعلى من يخفون فى انفسهم مل لا يبدون لنا وعلى كل من تكاتل على ضعاف المسلمين فى غزة وفى كل ارض الإسلام
اللهم طهر عراقنا من كل عدو وانصر اهل العراق على كل غدار

اللهم يا مقلب القلوب والأبصار ثبت قولبنا على دينك وعلى ملة ابينا ابراهيم

وفى النهاية او لعلها البداية أقول يجب على المسلمين ان يستفيقوا من الغيبوبة كل المسلمين وخصوصا السلفية أقول لعقلاء السلفية
قال رسول الله صلى الله عليه وسلم "إن الله أجاركم من ثلاث خلال؛ أن
لا يدعو عليكم نبيكم فتهلكوا جميعا، وأن لا يظهر أهل الباطل على
أهل الحق، وأن لا تجتمعوا على ضلالة"
،،،،،،،،،،،


قال رسول الله صلى الله عليه وسلممثلالقائم على حدود الله والمدهن فيها كمثل قوم استهموا على سفينة في البحرفأصاب بعضهم أعلاها وأصاببعضهم أسفلها فكان الذين في أسفلها يصعدون فيستقون الماء فيصبون علىالذين في أعلاها فقال الذين فيأعلاها لا ندعكم تصعدون فتؤذوننا فقال الذين في أسفلها فإنا ننقبها منأسفلها فنستقي فإن أخذوا على أيديهمفمنعوهم نجوا جميعا وإن تركوهم غرقوا جميعاقال أبو عيسى هذا حديث حسن صحيح
فأنتم البقية إن شاء الله الباقية من عهد الإسلام الأول لابد ان أن تتوكلوا على الله بصدق ولا تتسرعوا ولابد ان تنقوا منهجكم من التشدد ومن المتدشددين حتى تصبحوا اهل تمكين ويمكن الله لكم فى الأرض وتعود أمجاد الإسلام وتعود الأندلس وتعود الحضارة الإسلامية لتملأ الأرض عدلا وخير .
للغاية secret حكاية اسمها البداية


لست من فرسان الزمان إن عُد فرسان الزمان
ولكن قلبى الشجاع كان دوما شاعراً
بقدر ما يحب الحقيقة والجمال
بقدر ما يكره الغدار والجبان







المواضيع المشابهه
الموضوع كاتب الموضوع المنتدى مشاركات آخر مشاركة
تثبيت أرتش لينكس من البداية الى النهاية وكل ما تحتاجة بعد التثبيت MAHMOED الأنظمة المفتوحة المصدر Open Source OS 17 28-10-2017 02:01 PM
كتاب رائع لتعلم لفوتوشوب Photoshop من البداية الى النهاية رمزي الجزائري كتب تعليم البرامج والتقنية 44 23-10-2016 02:26 AM
تعلم وورد 2007 من البداية حتي النهاية شادي فلسطين أرشيف المواضيع المخالفة والمحذوفات 0 01-02-2010 03:12 PM
ملف صوتي سريع في البداية وبطيء في النهاية !! ماهو الحل ؟ بو شاكيرا برامج تحرير الفيديو وتحويل الصيغ وبرامج الصوتيات والملتيميديا 0 27-06-2008 01:16 AM
جميل للغاية و عجيب حتى النهاية arabic-lion برامج 0 01-10-2003 05:08 PM
 


سرى للغاية - top secret - حكاية بلد اسمها مصر من البداية والله وحده يعلم النهاية ...

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.