أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


09-08-2009, 12:33 AM
rereen غير متصل
عضو جديد
رقم العضوية: 303933
تاريخ التسجيل: Aug 2009
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

هل لهم الحق فى الانتفاع بالشقه


الحق الانتفاع بالشقه ورحمه الله

معلش لو حطول على حضرتك بس بجد انا مش عارفه اعمل ايه

البيت اللى انا فيه ملك ل ست اخوات بنات وامى واحده منهم .. وكل واحده فيهم لها بيتها .. والدتى كانت مستاجره لشقه من البيت ده يعنى والدتها كانت عملالها عقد ايجار وعقد الايجار ده ايجار قديم قيمته سبعه جنيه فى الشهر .. وامى توفت فى شهر 6 اللى فات والمشكله دلوقتى انى خايفه ان اخواتى اللى من امى لانى ليا اخوات من امى واخوات من ابويا .. فاخواتى من امى ليهم طبعا ورث معايا فى كل شئ يخص امى .. فانا عايزه اعرف هل ليهم حق الانتفاع بالشقه او ان كل واحد يجى يقفل حجره ويقول دى ورث ؟ ولا محدش ليه حق غيرى فى المكوث فى الشقه وده لانى انا المستنفعه وكنت عايشه معاها ومولوده فى الشقه دى وعشت فيها 27 سنه .. مع العلم انهم مكنوش عايشين معانا انا وامى ونا اللى كنت معاها ومحدش غيرى كان معاها .. وهل موضوع انى اعمل محضر اثبات حاله ده ينفعنى انى اثبت انى الوحيده اللى كنت فى الشقه مع امى ولا ملوش لازمه اعمله ؟ وهل اخوات امى دول ليهم الحق انهم يبيعوا البيت ونا قاعده فيه بدون موافقتى ولا لأ ؟ بما انى حقى بالنسبه ليهم فى ورث امى جزء صغير بالنسبه لحق اخواتى الصبيان وحقهم .. يعنى لو مردتش ابيع فهل كده اوقف ليهم موضوع انهم يبيعوا البيت ولا ايه ؟ وهل ليا حق الزواج فى الشقه بنفس العقد القديم بتاع امى ولا لأ؟

معلش طولت على حضرتك وجزاك الله خيرا





المواضيع المشابهه
الموضوع كاتب الموضوع المنتدى مشاركات آخر مشاركة
تجربتي مع الترقية لويندوز 10" لمن اراد الانتفاع بها" Ahmed Nbeh مشاكل وحلول الويندوز, اسئلة واستفسارات وشروحات الويندوز 7 11-08-2015 04:21 AM
هل المهاجر له الحق فى الاحتفاظ بالشقه الايجارت القديمة سمير سيف مُسْتَشارُكَ القّانُونيْ 14 07-02-2012 04:10 PM
يقيم اخى مع والدتى بالشقه لكونه اخر العنقود وقد تزوج بالشقه وانجبت زوجته ولدا !!!!!!!!!!!! hishoahly مُسْتَشارُكَ القّانُونيْ 2 19-11-2010 04:32 PM
هل يمكن رفع دعوى طرد مستعجله مع الحجز على المنقولات بالشقه فى نفس الوقت احمد حسين عباس عليوه مُسْتَشارُكَ القّانُونيْ 6 15-11-2010 12:08 AM
الحق ما تلحق العاب كلها جديده جداً..الحق قبل وقوف الروابط المبرمج العاب كمبيوتر PC Games 16 21-08-2004 03:07 AM
09-08-2009, 11:55 AM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1333 موضوع
    #2  
عليكم السلام ورحمة الله
أختى الكريمة
بالفعل ما دمتى أنتى التى كنت تسكنين فعليا
قبل وفاة والدتك فعقد الايجار يمتد اليكى وحدك
دون غيرك .
وبالطبع يحق لك الزواج والاقامة فى هذه الشقة .
أما
مسألة البيع فحصتك قليلة وغير مؤثرة فى هذا الأمر .
لذا
أنصحك بأنك تكونى معهم ويكون هناك تشاور فى أمر
البيع من عدمه .
أما مسألة عمل محضر اثبات حالة فلن ينفعك مطلقا
فى هذه الحالة . وأنتى لا تحتاجينه بالمرة ...

وبالتوفيق


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

13-08-2009, 02:49 PM
rereen غير متصل
عضو جديد
رقم العضوية: 303933
تاريخ التسجيل: Aug 2009
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #3  
شكرا يا استاذ جمال
انا ليا استفسارات اخرى وهى
دلوقتى جات واحده من خالاتى قالتلى ان عقد الشقه اللى معايا باطل وده لان البيت باسم خالاتى اللى امى واحده منهم .. وعقد الشقه اللى معايا مكتوب من جدتى الى امى يعنى جدتى هى اللى مؤجره الشقه لامى .. فهما بيتكلموا على اساس ان جدتى ملهاش حق انها تأجر لحد لان البيت مش باسمها .. واللى انا اعرفه ان البيت كانت فيه جدتى وخالاتى صغيرين وهى اللى مؤجره لامى وللناس اللى فى الدور التانى والاول .. وغير كده ان كان فى بنات منهم قصر .. فنا مش عارفه هلى كده يكون العقد باطل ولا لأ .. مع العلم ان امى كانت مقيمه مع جدتى وعقد الايجار المؤجر فيه جدتى والموستأجر امى .. فهل حتى لو العقد ده باطل يمتد الايجار من جدتى لامى عادى وبالتالى يمتدلى ولا ايه ؟ وغير كده ان بعد ما جدتى توفت خالاتى دول لو العقد باطل بالفعل ليه محدش منهم اشتكى؟ انا سالتهم السؤال ده وقالولى كنا حنرمى لحمنا ؟ اللى هى اختهم .. وطبعا هما لو كانوا لاقوها قرش كانوا خدوها .. فهو لو باطل ليه سابوها او على الاقل ليه سابو اللى ساكنه بالدور الثانى وغير ده كله انهم بيستلموا مننا ايجار من امى وموقعين على ايصالات بالايجار ده .. فهل ده كله فى صالحى ولا لأ .. وهل اخواتى اللى من امى ليهم حق انتفاع بالشقه ولا لاعلى العلم ان كل واحد منهم ليه بيته وهما مش عايشين هنا دول فى بلد تانيه .. ودلوقتى لو انا عايزه اقوم اتجوز بكره انت قلتلى ان ليا حق الجواز فى الشقه .. بس هما قالولى انهم يعملولى عقد ايجار جديد باسمى بالمده .. فهل ده ينفع ونا معايا عقد قديم ؟ .. انا كل اللى مخوفنى ان يكون العقد مش سليم .. بس اللى بفكر فيه انه لو مش سليم ايه مصبرهم على اللى فى البيت لحد ما اختهم ماتت ولا هما بيخوفونى وخلاص علشان يطلعونى من البيت ..

16-08-2009, 12:25 AM
rereen غير متصل
عضو جديد
رقم العضوية: 303933
تاريخ التسجيل: Aug 2009
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #4  
ومعلش ليا سؤال تانى انا عارفه انى طولت اوى بس بجد مش عارفه اسال مين وانتم جيتولى نجده

لو خالاتى محدش رضى يستلم الايجار هل احطه فى المحكمه ولا اخليه معايا ويوم ميقولوا مش بتدفع ايجار اديهولهم ..وهل لو خدوا الايجار اديهولهم بوصل عن امى ولا عنى يعنى اكتب انهم استلموا الايجار منى انا ولا من والدتى ؟غير ده حضرتك قلتلى ان اثبات الحاله ملوش لزوم وانى مش محتاجاه طب لو نفرض انى لاقيت اخواتى وعيالهم وزوجاتهم جولى وقعدولى فى الشقه ومرديوش يخرجوا وقتها ايه العمل وعلى ما اثبت ان انا اللى كنت فى الشقه لوحدى طبعا فيها سنين ولا شهاده الشهود وحدها تكفى ؟

ولكم جزيل الشكر واثابكم الله خيرا عن فائدتكم لنا وعن وقتكم ومجهودكم

16-08-2009, 01:01 AM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1333 موضوع
    #5  
أختى الكريمة
عقد الايجار الموجود معكى صحيح مائة فى المائة
حتى ولو كانت جدتك لا تملك هذه الشقة !!!!
ولأنه بصدور ايصال واحد منهم أقروا بوجود
واستمرار هذا العقد .....
وكذلك حال الشقة التى بالدور الثانى !!!!
لذا
لا تقلقى من هذا الأمر ........
أما موضوع الايجار ففببساطة شديدة وطبقا للقانون
اذا امتنع المؤجر ( المالك ) أو ورثته من استلام
الايجار . فعلى المستأجر أنيرسل الايجار بموجب انذار
على يد محضر للمالك فان استلم المالك الايجار برئت
ذمة المستأجر وإن رفض المالك الأجرة يقوم المحضر
بوضع القيمة الايجارية خزنة المحكمة على ذمة المؤجر .
وتكون ذمة المستأجر بريئة من الأجرة ....
على أن يتم ذلك فى خلال النصف الأول من الشهر ...

أما اثبات الحالة فليس له لزوم . ما دام أنك معكى عقد
ايجار فالشقة لكى وحدك ولا يمكن لأحد أن ينازعكى فيها .
والمستأجر له حماية قانونية لعقد ايجاره ..
وان أردتى ان تحررى محضر بعدم التعرض فلا مشكلة .

وبالتوفيق

06-09-2009, 04:20 PM
rereen غير متصل
عضو جديد
رقم العضوية: 303933
تاريخ التسجيل: Aug 2009
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #6  
متشكره اوى يا استاذ جمال ..

طب دلوقتى انا عرضت الايجار عليهم ومرديوش ياخدوه .. قلت بدل مروح المحكمه انا وادوخ نفسى اجيب محامى حيفهم اكتر منى .. ورحت لمحامى اخو صاحبتى ودخلنى فى متاهه تانيه وهى انه عايز يعملى عقد جديد يعنى عقد امتداد للعقد القديم بنفس البنود ونفس الايجار .. ونا خايفه من الموضوع ده لانى مش عايزه الغى العقد القديم مدام وجودى فى الشقه بالعقد ده وجود سليم قانونا يبقى ليه اعمل عقد باسمى جديد ؟
هو قالى ده عشان لو هما عملو دعوه طرد .. او انى حبيت اغير اى حاجه عداد او اصلاح فى الشقه فمحتاجش لاخواتى ويكون العقد باسمى وليا التصرف . فنا الصراحه مش عارفه اعمل ايه ياريت حضرتك تفدنى

06-09-2009, 08:09 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1333 موضوع
    #7  
للأسف محاميكى يريد أن تضاف اليه قضية جديدة
بصرف النظر عن مصلحتك الشخصية !!!!
وبالبلدى
ها تفتحى باب العداوة ليه مع أقاربك برفعك قضية !!!

أما الايجار فهو مجرد عرض الايجار عليهم .
ان رفضوا استلامه يودع على ذمتهم لحين
قيامهم بصرفه ..

ونصيحة أخيرة

خليكى مدعى عليا
ولا تكونى مدعية
ان استطعتى ...

وبالتوفيق

07-09-2009, 12:54 AM
rereen غير متصل
عضو جديد
رقم العضوية: 303933
تاريخ التسجيل: Aug 2009
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #8  
حضرتك فعلا معاك حق ونا قلتله كده انى مش عايزه اجر مشاكل .. بس هو قالى ان العقد ده حيبقى باسمى يعنى ينفعنى لو عايزه اغير عداد او اعمل اى حاجه للشقه وقتها حعملها باسمى ومش ححتاج انى الجا لاخواتى او لخالاتى انهم يوافقوا على اللى حعمله وانى وقت لو حبيت انى اتنازل عن الشقه مقابل فلوس وقتها حيكون المبلغ اللى حيدفعوه ليا لوحدى بما انى انا اللى كنت قاعده فيها مع امى وغير كده وقتها حيكون العقد بتاعى انا وهما ملهمش دخل .. تمام يعنى انا عشان مكنش سبب فى مشاكل حنذرهم بالايجار بس وموضوع العقد ده حسيبه مش حعمله .. بس فى حاله لو هما رفعوا دعوه طرد ليا او رفعوا اى قضيه مثلا ان عقدى باطل او طعنوا فيه .. وقتها اعمل العقد اللى باسمى ولا لا ؟ يعنى حيسندنى ولا ممكن يسبب ليا مشكله بعد كده بما انى مش حتعامل بعقد امى ؟ وان العقد ده حيكون بتاريخ جديد طبعا فهل فى قانون يقول ان الايجار القديم بس فى وقتنا ده يكون الحق لصحاب البيت انهم يطلعوا المستأجر ولا لأ

07-09-2009, 01:33 AM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1333 موضوع
    #9  
فى حالة رفعوا عليكى دعوى طرد .
انتى ستقيمى دعوى فرعية بأحقيتك
فى امتداد عقد الايجار لكى باعتبارك
المستفيدة الوحيدة من عقد الايجار ..

وبهذا يكون موضوعك ماشى تمام !!!

وفى جميع الأحوال الكلمة لكى أنتى وحدك
لأنك قانونا المستفيدة ..
وأى اتفاق لن ينفع بدونك .
ولأنك المقيمة الوحيدة بالشقة ..

وبالتوفيق

07-09-2009, 01:39 AM
rereen غير متصل
عضو جديد
رقم العضوية: 303933
تاريخ التسجيل: Aug 2009
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #10  
ربنا يبارك لحضرتك وشكرا بجد لمجهودك الرائع

07-09-2009, 01:42 AM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1333 موضوع
    #11  
عفوا وكل عام وأنتم بخير

03-05-2010, 12:56 AM
rereen غير متصل
عضو جديد
رقم العضوية: 303933
تاريخ التسجيل: Aug 2009
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #12  
ورحمه الله

انا عارفه ان الموضوع مكتوب بقاله كتير بس انا قصدت اخليه فى نفس الموضوع عشان حضرتك تفتكر الموضوع
ولان كله ليه صله ببعضه ..

دلوقتى خالاتى فعلا رفعوا عليا قضيه طرد من الشقه .. والانذار اللى جالى بيقولوا فيه انى كنت ضيفه بالشقه واستغليت الروابط الاسريه ومردتش اطلع من الشقه وانهم اتفاجؤا بعرض على يد محضر منى بعرض الايجار اللى هما مرديوش يستلموه يوم معرضته عليهم قبل ميرفعوا القضيه ..

وزى مذكرت قبل كده انى معايا عقد ايجار من جدتى لامى وامى توفت ونا كنت عايشه معاها بالشقه لمده 27 سنه ..
دلوقتى المحامى اجل القضيه للاطلاع على اوراق الخصم اللى هما مقدمنها .. وطلب مد عقد الايجار ليا .. وقدم مستندات وهى عقد الايجار اللى معايا والايصالات اللى كانوا بيمضوا عليها لما بياخدوا الايجار .. وبطاقتى الشخصيه وشهاده ميلادى وجواب القوه العامله وورق تانى مثبت فيه ان عنوانى على الشقه اللى انا فيها موضوع النزاع ..
وعملنامحضر اثبات حاله طلبه المحامى .. انا واتنين شهود من الشارع رحنا القسم وعملناه ..

دلوقتى القضيه حتتحول لخبراء المحامى بيقلى انهم حييجوا يعاينو الشقه ويسالوا شهود من الشارع ..
دلوقتى انا اتجوزت فى الشقه دى .. وطبعا غيرت فيها حاجات كتير من سباكه لتوضيب ودهانات وسيراميك وعفش .. هل كل ده حيأثر فى الموضوع لما يجوا يعاينو وليه اتحولت القضيه للخبراء مع ان نفس القضيه مرفوعه عالساكنه اللى تحتى من خالاتى بردوا ومتحولتش للخبراء؟

وهلده فى صالحى ولا لا؟ يعنى فى امل وخصوصا انى ماليش مكان تانى اعيش فيه وكمان اتجوزت ومفيش لزوجى مكان تانى غير بيت اهله .. فراى حضرتك ايه فاللى وصلت ليه القضيه .. فى امل فى بقائى بالمستندات اللى معايا فى الشقه ؟ واسفهانىطولت على حضرتك

03-05-2010, 01:32 AM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1333 موضوع
    #13  
نعم موقفك قانونا تمام ولا غبار عليه .
والمستندات المقدمه منك تمام وزى الفل .
وتحويل القضية للخبير هو من مصلحتك بلا مشاكل .
والتغييرات التى حدثت بالشقة ليس لها صلة بالموضوع أصلا ...

وعملتى خير ان مشاركتك فى نفس الموضوع الأصلى للارتباط
ولوحدة الموضوع ...........

ربنا يوفقك .........

03-05-2010, 02:24 AM
rereen غير متصل
عضو جديد
رقم العضوية: 303933
تاريخ التسجيل: Aug 2009
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #14  
شكرا ليك يا استاذ جمال

 


هل لهم الحق فى الانتفاع بالشقه

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.