أستغفر الله العظيم ,, اللهم لك الحمد



العودة   منتديات داماس > برامج الكمبيوتر والانترنت > صيانة الكمبيوتر وحلول الحاسب الألي - هاردوير


مواضيع مميزة  


آخر عشرة مواضيع المواضيع النشطة


22-07-2009, 02:14 AM
علاء جابر غير متصل
عضو جديد
رقم العضوية: 210773
تاريخ التسجيل: Jan 2009
المشاركات: 5
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #1  

رجاء .. المساعدة .. الكمبيوتر يفصل من نفسه وأحاول الدخول ولكنه يفصل مره أخرى ..



المساعدة الكمبيوتر وأحاول الدخول

عندى مشكله فى الكمبيوتر بتاع إبنى وهى ..
الكمبيوتر كان شغال عادى جداً ، وأنا إللى كنت منزل عليه الويندوز والبرامج وكل شيئ من حوالى 6 شهور تقريباً ، وهوه عليه ويندوز XP PRO SP3 ،
وعليه جميع التحديثات ، وجميع الهارد وير فى حاله طبيعية ، وأخدت نسخة إحتياطية منه بواسطة النورتن جوست وحفظتها ، وفضل الكمبيوتر شغال بدون أى مشكله ، لغاية من كام يوم فى مرة واحدة قفل من نفسه ورجع يفتح تانى من نفسه برضه لكن ، ميقومش ويقعد يقفل من نفسه تانى ويفتح تانى من نفسه كام مرة ورا بعض ومش قادر يقوم أو مش عاوز يقوم . فشال الفيشة من ورا ورجع حطها تانى وحاول يجرب ولكن نفس المشكله ترجع تانى .. لغاية هنا وسابة وقام وقال لى على إللى حصل ده بالظبط . ده كل إللى حكاه لى إبنى ..
فقلت بسيطة أشوف فيه أيه وأجرب أفتح وأشوف الويندوز فيه أيه يمكن ملف البوت سقط وعشان كده مبيقومش مثلاً ، وحتى لومقمش خالص برضه بسيطه ، أناعامل نسخة وحافظها على ال D فأحط السى دى بتاع الجوست وأرجعة تانى من الأول زى ماأنا كنت سايبة أو عاملة ، كلها عشر دقايق والمشكلة تنتهى ..
لكن إتكيت على الكمبيوتر عشان أفتحة لقيته مبيكملش كام ثانية ويقوم قافل من نفسه قبل مايبدأ يخش على شاشة الويندوز أصلاً ، والمشكلة إنى مبلحقش أتكه على أى زرار ، أو أخش على الدوس ويدوبك آجى أتكة على أى زرار ويقوم فاصل ويرجع يفتح من نفسه تانى وبرضه يفصل تانى ، كذا مرة ورا بعض ومش قادر أخش على الويندوز خالص ، فين وفين بعد ولا عشرين مرة يقفل ويفتح كدة لغاية مادخلت على الويندوز ، أنا قلت ياإما عليه فيروس أو الهارد دسك خلاص خربت مثلاً . المهم يدوبك لسه بتكه على ماى كمبيوتر لقيته فصل تانى . ومره ورا مره ونفس المشكلة ، ومرة واحدة يفتح الويندوز لكام دقيقة كدة ويقوم فاصل تانى من نفسه . زهقت وقلت خلاص أجرب أحط السى دى بتاع الجوست وأرجع النسخة من تانى لقيت المشكله أصعب ويدوبك السى دى يلف ويقوم الجهاز فاصل ، ومرة ورا مرة إشتغل السى دى وبدأ الجوست يقوم من الدوس ويقوم الجهاز فاصل تانى ومرة ورا مرة قام الجوست كلة وبدأت أنزل فى النسخة من تانى وفى النص كدة قام الجهاز فاصل تانى لغاية مادماغى خربت وعاوز أقوم أرمية من الشباك .. قلت طيب أفرمت الويندوز كله من تانى عشان لو عليه فيروس ولا حاجة ، وإللى حصل مع سى دى الجوست حصل مع سى دى الويندوز ، يقفل ويفتح والسى دى شغال ، المهم عملت له فورمات وفى النص قام فاصل تانى ، وأعيد من جديد وبدأ الويندوز ينزل لغاية ماخلص وخلص صبرى معاه وروحى طلعت ، قلت الحمد لله ، وبدأت أشوف الويندوز وأنزل كام حاجه كده وقام الجهاز فاصل من تانى . ونفس القضية هى هياها .. لغاية هنا أنا قمت فاتح الجهاز كله وبدأت أتأكد من كل قطع الهارد وير عل وعسى تكون فيها مشكلة وفصلت كابلات السيديهات وجربت ، وفصلت كابلات الفلوبى وجربت ، وغيرت الرامات وجربت ، وفصلت كابلات المروحه بتاع الصندوق وجربت ، وغيرت الكوابل بتاع الهارد دسك وبتاع السيديهات والفلوبى وجربت ، وغيرت الهارد دسك كله بهارد دسك تانى شغال وجربت ، وإتأكدت من المراوح والحرارة وكلهم تمام وشغالين ومش متوسخين لأن أنا إيدى دايما فى الأجهزة عندى ومبتلحقش تلم تراب مثلاً .. وأنا متأكد إن كل القطع سليمة فعلاً حتى الهارد دسك ملهوش أى صوت يدل على إنه فية باد سيكتور أو أى حاجة .. المهم معتش قدامى غير المينبورد ومنظم الكهربا ، المينبورد مفهمش فيها ومقدرش ألعب فيها ، ومنظم الكهربا ممكن أغيرة لأن عندى إتنين من جهازين تانيين .. بس المشكلة فيه فرق فى الوات.......
فأنا مش عارف المشكلة ممكن تكون فين وعاوز اسأل إخوانى الفنيين .. هل عندكم حل تفيدونى بيه من واقع خبرتكم .. أنا بشك فى منظم الكهربا ، ومش عاوز أغيره بمنظم أقل منه فى الوات . عشان أتأكد هل هو المشكلة ولا لأ .. فرجاء إنكم تساعدونى بخبرتكم فى هذه المشكله عشان أفرح إبنى ويعرف يقعد على الكمبيوتر تانى .. وآسف على الإطالة أوى .. أنا قلت أحكى لكم أو أوصف المشكلة بإستفاضة حتى تكون واضحة ......
فمرة أخرى أنا آسف على الإطالة ، وأشكر لكم مساعدتكم ...


والمساعدة الكمبيوتر وأحاول الدخول وبركاته





المواضيع المشابهه
الموضوع كاتب الموضوع المنتدى مشاركات آخر مشاركة
لماذا يفشل رفع الملف عادل فوزي صيانة الكمبيوتر وحلول الحاسب الألي - هاردوير 6 07-03-2012 11:09 AM
المساعدة .. سؤال واحد فقط يفصل بين إستخدامي لوندوز و اللينكس ؟!! يوسف عبد الرحمن الأنظمة المفتوحة المصدر Open Source OS 9 01-06-2007 12:19 PM
الكمبيوتر يفصل كل 10 دقائق بسبب الـ USB BIRD صيانة الكمبيوتر وحلول الحاسب الألي - هاردوير 5 26-04-2007 12:01 PM
هل يوجد برنامج يفصل الصوت عن الفيلم ... ثم يلصقه مرة أخرى !!! بشير99 برامج تحرير الفيديو وتحويل الصيغ وبرامج الصوتيات والملتيميديا 4 10-02-2007 10:42 PM

22-07-2009, 02:41 AM
Dreams غير متصل
مؤسس وإداري
رقم العضوية: 82004
تاريخ التسجيل: May 2007
الإقامة: بلاد الله
المشاركات: 7,401
إعجاب: 7,652
تلقى 7,186 إعجاب على 539 مشاركة
تلقى دعوات الى: 3376 موضوع
مواضيع لم تعجبه: 0
تلقى عدم اعجاب واحد على مشاركة واحدة
    #2  

اخى الكريم يبدو ان المشكله من الفان او مروحه المعالج جرب تغير الفان ونحن معاك باذن الله الى ان تحل مشكلتك


اللهم لك الحمد كما ينبغي لجلال وجهك ولعظيم سلطانك

دليل المواقع الاسلاميه


Quran

tv Quran

DamasGate
------------------------------

{فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ}
***********************
Dreams' Boot
الاصدار الاول
الاصدار الثانى
الاصدار الثالث
الاصدار الرابع
الاصدار الخامس





22-07-2009, 03:02 AM
علاء جابر غير متصل
عضو جديد
رقم العضوية: 210773
تاريخ التسجيل: Jan 2009
المشاركات: 5
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #3  
المشاركة الأصلية كتبت بواسطة ahmed012 

اخى الكريم يبدو ان المشكله من الفان او مروحه المعالج جرب تغير الفان ونحن معاك باذن الله الى ان تحل مشكلتك

جزاك الله خير أخى أحمد .. أنا شايف المروحه شغالة وبتلف عادى جداً فى الجهاز .. والمعالج حرارته عاديه جداًً ،وأنا فكيته كمان وفكيت المروحه ونضفتهم من أى تراب خفيف عليهم ..

22-07-2009, 03:27 AM
Dreams غير متصل
مؤسس وإداري
رقم العضوية: 82004
تاريخ التسجيل: May 2007
الإقامة: بلاد الله
المشاركات: 7,401
إعجاب: 7,652
تلقى 7,186 إعجاب على 539 مشاركة
تلقى دعوات الى: 3376 موضوع
مواضيع لم تعجبه: 0
تلقى عدم اعجاب واحد على مشاركة واحدة
    #4  
اذن عليك بتجرب تغير البور سبلاى ونشوف النتيجه ___ لو كان فى مشكله فى الوحه الام لم تقوم من الاصل وهاذه العيب ناتج من شييان هم البور ومروحه البروسوسر

22-07-2009, 03:31 AM
علاء جابر غير متصل
عضو جديد
رقم العضوية: 210773
تاريخ التسجيل: Jan 2009
المشاركات: 5
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #5  
المشاركة الأصلية كتبت بواسطة ahmed012 
اذن عليك بتجرب تغير البور سبلاى ونشوف النتيجه ___ لو كان فى مشكله فى الوحه الام لم تقوم من الاصل وهاذه العيب ناتج من شييان هم البور ومروحه البروسوسر

أنا هجرب أغير الباور .. بس بكرة إن شاء الله ، وأشوف النتيجة هتكون أيه إن شاء الله .
وجزاك الله كل خير

22-07-2009, 03:36 AM
Dreams غير متصل
مؤسس وإداري
رقم العضوية: 82004
تاريخ التسجيل: May 2007
الإقامة: بلاد الله
المشاركات: 7,401
إعجاب: 7,652
تلقى 7,186 إعجاب على 539 مشاركة
تلقى دعوات الى: 3376 موضوع
مواضيع لم تعجبه: 0
تلقى عدم اعجاب واحد على مشاركة واحدة
    #6  
ان شاء الله خير

22-07-2009, 03:59 AM
علاء جابر غير متصل
عضو جديد
رقم العضوية: 210773
تاريخ التسجيل: Jan 2009
المشاركات: 5
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #7  
المشاركة الأصلية كتبت بواسطة ahmed012 
ان شاء الله خير

إن شاء الله الخير على قدوم الواردين زى مابيقولوا ياأخ أحمد .. بس بخصوص الباور سبلاى ، عندى إستفسار بسيط .. إللى راكب فى الكمبيوتر ، خارج منه طبعاً السلوك إللى بتغذى الهارد دسك ، والفلوبى ، والسيدى أو الديفيدى ، والمزربورد كلها .. دى السلوك الخارجة من أى باور سبلاى .. لكن عنى فيه سلك تانى برضه داخل على المزربورد ، بس من جنب الفيشه بتاع النت من وراها كده ، والسلك ده فيه فيشه بأربع إخرام ، ده بيغذى أيه بالظبط بالكهربا ... يمكن أنا بسألك السؤال ده لأن الباور الإحتياطى إللى عندى هنا فى البيت وناوى أجربه بكره إن شاء الله مفيهوش السلك ده .. فمش عارف بكده يبقى أجرب إللى عندى ولامش هينفع خالص بأه .. وعلى العموم أنا عندى ست أجهزه هنا فى البيت كلهم شغالين وتمام والحمد لله ، فممكن آخد أى باور من واحد فيهم مثلاً وأركبه فى التانى ده وأجربه فيه مثلاً .. ولا أيه رأيك .. وشكراً

22-07-2009, 04:50 AM
Dreams غير متصل
مؤسس وإداري
رقم العضوية: 82004
تاريخ التسجيل: May 2007
الإقامة: بلاد الله
المشاركات: 7,401
إعجاب: 7,652
تلقى 7,186 إعجاب على 539 مشاركة
تلقى دعوات الى: 3376 موضوع
مواضيع لم تعجبه: 0
تلقى عدم اعجاب واحد على مشاركة واحدة
    #8  
ان كنت تقصد كابل ATX الزى هو بهاذه الشكل



هناك مزرات لا يوجد بها هاذه الكابل وهى نوع قديم مثل الجيل الثلاث الثانى فى الاجهزا
وانت تقول ان المزر التى لديك يوجد بها هاذه الكابل ولبد من تركيبه حيس انه يحتوى على 12 فولت ولبد من وجوده فى الباور لكى تعمل

 


رجاء .. المساعدة .. الكمبيوتر يفصل من نفسه وأحاول الدخول ولكنه يفصل مره أخرى ..


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.