أستغفر الله العظيم ... سبحان الله وبحمده



العودة   منتديات داماس > برامج الكمبيوتر والانترنت > برامج


مواضيع مميزة  


آخر عشرة مواضيع المواضيع النشطة


17-04-2009, 09:31 PM
البرماوي غير متصل
عضو مشارك
رقم العضوية: 204279
تاريخ التسجيل: Dec 2008
المشاركات: 42
إعجاب: 0
تلقى 40 إعجاب على 16 مشاركة
تلقى دعوات الى: 0 موضوع
    #1  

لا حيرة بعد اليوم


حيرة اليوم
كثير من الناس لمن يبغوا يشتروا لاب توب يحتاروا
وتلاقيهم فرريرة على أصحابهم يسألوهم ايش جهازك
وايش تنصحني ، وتلاقي صاحبو بنفسو ما يفهم شيء
في عالم الكمبيوترات فراح يمدح في جهازو وجهازو كرسيدة تمانين
المهم أنا هنا راح ألخص لك نبذة نقول إنها راح تفيدك إن شاء الله لمن تجي تشتري لاب توب :>
أول حاجة / لازم تعرف مستواك في عالم الكمبيوترات
ليش قلتلك مستواك .. عشان ما تدفع فلوس زايدة في حاجات انتا ما تستهلكها
فمثلا انتا تبغى تشتري لاب توب عشان افلام ونت ودا ما يكلفك كتير
لكن لو واحد يبغى اللاب توب عشان برامج هندسة وغيرها فدا يكلف أكتر
ولو واحد يبغى جهاز عالي الجودة عشان كل شيء من برامج وألعاب يكلف أكتر وأكتر وهكذا
فلو كنت مستخدم ميييييييح يعني أميّ في الكمبيوترات
خلي بالك في 3 أمور مهمة
المعالج / في أي لاب توب دائما دور معالج من نوع سنترينو - بنتيوم إم
حاليا احنا في عام 2009 وشهر 4 ميلادي
في معالج من عائلة سنترينو اسمه انتل كور 2 ديو هو تقريبا أفضل معالج لاب توب نازل لحد الآن
واللي أقل منو برضو طيب مو بطال المهم من عائلة سنترينو - بنتيوم إم
لأنو هادي المعالجات خفيفة ومصنعة للاب توبات
عكس بنتيوم 4 أو بنتيوم 3 أو سيليرون لا تآخد لاب توب بهادي المعالجات
فهادي مصنعة عشان الكمبيوترات الكبيرة "المكتبية " لأنها بطيئة وتقيلة وتحتاج مراوح تهوية عشان الحرارة
فأنت لما تحط معالج جهاز مكتبي في مكان معالج لاب توب راح تتعب من حرارة الجهاز وممكن كمان يفلسع
الرام / الرام سبب ظاهر في سرعة الجهاز وانو ما يعلق ويشتغل بسرعة وتتحرك فيلو بسرعة
وكمستخدم جديد افضل شيء تخليه ما يقل عن 1 جيجا
الهارديسك / هوا حجم التخزين في الجهاز .. يعني زي الميموري حق الجوال
وحاليا تقريبا أقل حاجة تلاقيها في السوق فوق 120 جيجا في ارخص لاب توب
وانتا لو حق أفلام يفضل إنه ما يقل عن 200 جيجا
طبعا والباقي على حسب الذوق
اللون وحجم الشاشة بلوتوث كام .. إلخ
فجهاز بهادي المواصفات
يجيك سعره ما بين 2000 ريال إلى 2600 ريال
ما تلاقي سوني كذا بس تلاقي شركات زي توشيبا وديل وأيسر
====
أما لو كنت مستخدم متوسط يعني تدخل نت وتشغل فوتوشوب شويا ونت وافلام
فالأفضل تركز أكتر في المواصفات
فمثلا الرام مايقل عن 3 جيجا
والهارديسك ما يقل عن 250 جيجا
والمعالج أفضل شيء من عائلة سنترينو ويكون انتل كور 2 ديو
والشاشة أفضل مقاس أشوفه هو 15 بوصة ولو 14 مافي مشكلة
بلوتوث وكام ووايرليس من نوع H802.11b\g
لأنو دا النوع من الوايرلس يوصل مداه 50 متر
فجهاز بهادي المواصفات
يجيك سعره ما بين 3000 ريال إلى 4700 ريال
وتحصل سوني أو توشيبا أو الشركات الباقية
====
أما لو كنت مستخدم محترف وتفكر بالألعاب زي حقت السوني مثلا
فطبعا كل شيء هاي
لازم الرام ما يقل عن 4 جيجا
وكرت الشاشة عن 1 جيجا
والهارديسك ما يقل عن 400 جيجا
والشاشة تكون بحدود 17 بوصة
ومخارج الجهاز ضروري تكون متكاملة
مخارج يو إس بي متعددة سريعة يعني يو إس بي 2
مخارج التلفزيون - تي في آوت
فجهاز بهادي المواصفات
يجيك سعره ما بين 5000 ريال إلى 8000 ريال
وتحصل شركات سوني وغيرها
===
معلومات تفيدك حاليا ومستقبلا
لو كنت تبغى كمبيوتر تخرج بيلو كتير فاشتري نت بوك من شركة توشيبا أو إل جي
اسعارها رخيصة بحدود 2500 ريال وفوق كذا خفيفة جدا وصغيرة وشاشة 12 بوصة وفيه منها شاشات تدور
----------------------
في شركات تعطيك ضمان أكتر من غيرها
زي سوني مثلا تعطيك 3 سنوات ضمان على الجهاز والبطارية
-----------------------
أغلب الشركات تعطيك نسخة اصلية من سيدي فيلو تعاريف الجهاز وفيلو ويندوز فيستا أصلي
لكن في كتير وكلاء حرامية ما يعطوك السيدي فانت اطلبهم ويمكن يحنوا ويعطوك
------------------------
تأكد أن البطارية من نوع ( Li-Ion )
وهدي البطاريات لها عمر افتراضي فيعني ما تتأثر سواء كنت جالس على الكهرباء وهيا مشبوكة أو مفصولة
وعشان كذا لا تشتري جهاز مستعمل كتير بالكتير سنة ماشي بس أكتر من سنة تلاقي البطارية تعبت
لأنو كتير بطاريات عمرها الافتراضي غالبا يكون 4-5 سنوات اقصى حد
-----------------------
في بطاريات تجلس كتير وسمعت من بعض الناس فيه أجهزة من إل جي بطارياتها تجلس 7 ساعات :|
بس زي ما شفت معظم الاجهزة اللي عند اصحابي من سوني وتوشيبا ودل وأيسر وكومباك
أكتر بطارية هي سوني 3 ساعات وتقدر تزيدها لمن تخفض الاضاءة
-------------------------
تلاقي بعض الاجهزة مكتوب هارديسك ؟؟؟؟ جيجا وجنبها 7200 آر بي إم مثلا
وهادا يعني ان الهارديسك سريع النسخ والكتابة والنقل عشان قرصو يدور 7200 دورة في الدقيقة
وطبعا كلما كانت الدورات اكتر كلما كان الهارديسك أسرع
زي مكينة السيارة في الطبلون ما تشوف عداد الهوا ؟
-------------------------

لمن اخترعو سنترينو و اللي فيها معالجات بنتيوم إم صار المعالج أصغر من البنتيوم العادي
وعشان كدا صار الجهاز أخف واقل سحب للبطارية وافضل اداء بدون حرارة كمان.

و اما بالنسبة للسرعة فمافي هناك شيء أكيد يحدد مين أسرع سرعة معالجات الـ سنترينو ولا سرعة معالجات بنتيوم العادية
و لكن معالجات الـ سنترينو تتفوق على معالجات بنتيوم العادية بالأداء والإمكانيات .

فمثلا

أداء معالجPentium M ( Centrino ) 1.6 GHz
أعلى من أداء معالج Pentium 2.4 GHz
فلا أحد يضحك عليك ويقولك شوف دا أسرع من سرعة معالجك وهوا سيليرون ولا بنتيوم عادي راكب في لاب توب
-----------------------
المصلحات عشان لمن تشتري تشوف وتعرف
المعالج = Processer
الرام = RAM
الهارديسك = HARD DISK
كرت الشاشة = VGA
دي في دي كامل = DVD Multi أو DVD Dual
كرت الشبكة وهوا نفسه مدخل الدي إس إل = LAN
كرت الشبكة اللاسلكية = Wireless LAN
مخرج التلفزيون = S-Video
------------------------
برامج أشوفها أساسية بالنسبة لي
1- Internet download maneger= برنامج تسريع واستكمال التحميل من النت
2- MSN + msn plus= ماسنجر مايكروسوفت
3- photoshop 8 or 9 or 10 = فوتوشوب
4- Office 2007= أوفيس يعني وورد وباور بوينت واكسس واكسل
5- Skype = برنامج محادثة
6- Nod32 anti virus = مكافح فايروسات مريح وقوي جدا
7- Total video converter= محول صيغ الفيديو
8- Camtasia Studio 6= برنامج الشروحات والدروس للكمبيوتر
9- Kodec = برنامج ميديا بلير كلاسك وفيه أكواد لتشغيل أي نوع فيديو
10- Firefox = متصفح انترنت سريع
11- real player 11 = ريال بلير لتشغيل بعض مقاطع الفيديو والصوت
12-Win RAR = برنامج ضغط وفك الضغط عن الملفات وتقسيمها
13- Acrobt = أدوبي أكروبات أو أي برنامج يفتح لك ملفات الكتب بضيغة بي دي إف
---------------------------
إن شاء الله يفيدكم الشرح الخفيف وتتوفقوا في شراء أجهزة بأنفسكم
ومحد يضحك عليكم وأنا حاولت بقدر الامكان أبسط الشيء المفيد
وما أدوشكم بالمسميات والبايت والكيلو وغيرها
وهادا الشرح بعد تجربة شخصية من خلال شراء أجهزة متنوعة واستخدام الكمبيوتر لمدى 10 سنوات الحمد لله
وعشان الفضوليين أنا من النوع اللي استخدم جهاز متوسط بحكم إني ما أهتم للألعاب
فأنا برامجي هي فوتوشوب وبرامج التصميم الثلاثي الأبعاد وتصفح نت وافلام وطباعة عربية
وجهازي من نوع توشيبا موديل إيه 205 ومن سنة بالضبط اشتريتوا بـ 3450 ريال


الموضوع: لا حيرة بعد اليوم بقسم برامج




المواضيع المشابهه
الموضوع كاتب الموضوع المنتدى مشاركات آخر مشاركة
ساكن انتقل من حجرة سكنه الى حجرة اخرى بالدور العلوى؟ محسن سرحان مُسْتَشارُكَ القّانُونيْ 1 22-02-2013 10:30 PM
حيرة واختيار ahmed01010 مُسْتَشارُكَ القّانُونيْ 1 19-07-2010 09:01 PM
تصميم جديد بكوريل درو - حجرة داخل حجرة الباشفنان خلفيات فوتوشوب - فريمات وزخارف للفوتوشوب GFX 11 22-02-2010 02:24 AM
حيرة قلم jinansomaya منتدى الشعر العربي والخواطر والنثر 2 22-02-2008 03:26 PM
حيرة سفير الحب منتدى الشعر العربي والخواطر والنثر 5 09-08-2007 07:10 PM
17-04-2009, 10:25 PM
Dreams غير متصل
مؤسس وإداري
رقم العضوية: 82004
تاريخ التسجيل: May 2007
الإقامة: بلاد الله
المشاركات: 7,457
إعجاب: 8,149
تلقى 7,394 إعجاب على 585 مشاركة
تلقى دعوات الى: 4034 موضوع
    #3  
جزاك الله خير اخى الحبيب على الشرح وجعله الله فى ميزان حسناتك


اللهم لك الحمد كما ينبغي لجلال وجهك ولعظيم سلطانك

دليل المواقع الاسلاميه


Quran

tv Quran

DamasGate
------------------------------

{فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ}
***********************
Dreams' Boot
الاصدار الاول
الاصدار الثانى
الاصدار الثالث
الاصدار الرابع
الاصدار الخامس





17-04-2009, 11:02 PM
جلال3 غير متصل
عضو مميز
رقم العضوية: 50536
تاريخ التسجيل: Aug 2006
المشاركات: 314
إعجاب: 1
تلقى 5 إعجاب على 4 مشاركة
تلقى دعوات الى: 0 موضوع
    #4  
جزاك الله خير ا

18-04-2009, 02:48 AM
EGYPTHERO غير متصل
عضو مميز
رقم العضوية: 221103
تاريخ التسجيل: Feb 2009
الإقامة: مصر (kfs)
المشاركات: 375
إعجاب: 8
تلقى 28 إعجاب على 11 مشاركة
تلقى دعوات الى: 0 موضوع
    #5  
لا يا شباب انا ليا وجهه نظر تانيه في الموضوع دا
انا اقولك حاجه يعني انت قاعد في البيت وشغلك في البيت طيب ليه لاب توب خليك ديسكتوب احسن
طبعا فرق الامكانيات وطبعا ممكن تغير وتبدل احسن من الاب توب
طبعا هناك بورده جديده نازله 8xطبعا دي الاحدث وسمعت انو هناك رامات 16جيجا ولكن لسه راح اسالكوا
وهناك ايضا شفت دي حقيقه هارد ديسك 1500جيجا
ولكن نصيحتي لاي حد ياجماعه ابعد عن التجميع والله دي اجهزه معفنه انت هات جهاز hp$dell$appel اي حاجه من دوووووووووووووووول طبعا الابل افضل في الاب توب يعني مفيش جديد تقريبا يبقي خليك في الاتش بي طبعا اجهزه خارقه وملهاش حل


18-04-2009, 11:20 PM
البرماوي غير متصل
عضو مشارك
رقم العضوية: 204279
تاريخ التسجيل: Dec 2008
المشاركات: 42
إعجاب: 0
تلقى 40 إعجاب على 16 مشاركة
تلقى دعوات الى: 0 موضوع
    #6  
اشكر الجميع علي المرور العطر
وانتظرو الجديد

19-04-2009, 12:34 AM
ابو محمد عبد غير متصل
عضو فعال
رقم العضوية: 119678
تاريخ التسجيل: Apr 2008
المشاركات: 196
إعجاب: 0
تلقى 21 إعجاب على 18 مشاركة
تلقى دعوات الى: 0 موضوع
    #7  
شكرا اخى العزيز


 


لا حيرة بعد اليوم

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.