أستغفر الله العظيم ... سبحان الله وبحمده



العودة   منتديات داماس > المنتديات العامة > منتدى الشعر العربي والخواطر والنثر


مواضيع مميزة  


آخر عشرة مواضيع المواضيع النشطة


28-03-2009, 03:25 AM
المرستان غير متصل
الوسـام الذهبي
رقم العضوية: 44993
تاريخ التسجيل: Jun 2006
المشاركات: 1,732
إعجاب: 259
تلقى 862 إعجاب على 101 مشاركة
تلقى دعوات الى: 11 موضوع
    #1  

قصيدة أبكتنى :- «ريما» من طفلة فلسطينية فى غزة إلى: تسيبى ليفنى.. وكوندوليزا رايس


قصيدة أبكتنى «ريما» طفلة فلسطينية

قصيدة أبكتنى «ريما» طفلة فلسطينية اخوانى

وجدت أثناء تصفحى الأنترنت قصيدة لشاعر عرب
عن فتاة فلسطينية اسمها ريم
تتحدث عن حالها وحال بلدها وأهلها
قصيدة جميلة جعلتنى أبكى
ويا لكثرة دموعنا وأه لحكام أصبحت نفوسهم سوداء
حسبى الله ونعم الوكيل
******
القصيدة
الاسم.. ريما

العمر.. كام يوم، وليلة
العينين.. حلوين قوى
والشعر.. سايح
والجبين.. أبيض كما لون الحنين
والإيدين.. صغيرين
والأب.. صالح
أمى.. رباب
واخواتى.. تسعة
وجدى.. من بيت «الحسينى»
وجدتى.. من دير ياسين
.. لكنها دايماً حزينة
تضحك ساعات
تبكى ساعات
ومن سكات
بتحسب كام ولد من بيتنا راح..
وكام ولد لسه باقى..
وعلى الصوابع بتعد السنين:
سنين الهجرة، وسنين العذاب
واللى راح منهم كتير:
عمى الكبير..
بيتنا القديم.. اللى فى يافا..
كرم العنب.. شجر الجوافة..
خالى سعد.. واخواتى التلاتة..
شجر الزتون
بيارات البرتقان
والقمر.. اللى كان دايماً بيطلع،
فى ليالى الصيف هناك
قبل ما يشوفوا الهلاك
***
كنت حاضنة لعبتى
ومرعوبة موت
مش من الموت بترعش
أنا ماعرفش طعم الموت ده إيه!!
لإنى لسه صغيرة خالص، وطفلة
لكنى مرعوبة من صوت القنابل
والغارات.. والطيارات
صواريخ بتنزل من السما
صوتها يشبه لصوت أمنا الغولة
تصرخ زى وحش جعان
وتفوت قوام
وتنفجر جوه البيوت
وبعدها بنعرف إن حد مات جنبنا
أمى تاخدنى فى حضنها بحنان، وتبكى:
ماتخافيش يا ريم يا بنتى
***
وفى ليلة..
شفتهم على شاشة التليفزيون بتاعنا
واحدة بيضة، وواحدة سمرا
أمّى قالت:
هما دول سبب البلاوى، والمؤامرة..
ليفنى.. ورايس
كنت بلعب بالعرايس
بس ماعرفتش يوميها،
يعنى إيه كلمة «مؤامرة»!
لكن مادام انتو السبب..
قلت أكتب لك جواب يا ست ليفنى..
وانت أبعت لك رسالة يا طنط رايس:
***
البيوت متكسرة
والشوارع غرقانة دم
والجثث متنطورة
والناس فى رعب وخوف وغم
دباباتكم واقفة على باب البناية
والطيارات فى كل ثانية..
ترمى علينا منشورات، ويّا القنابل
توصف لنا شكل النهاية
والصاروخ طار لفوق، لفووووق..
وراح نازل على مدرستنا
احنا لسه فى الحضانة..
عاجبك كده يا طنط ليفنى..!
أهو كل صحباتى وزامايلى ماتوا:
ياسمين ومريم، وإسماعيل..
مصطفى ورمزى، والياس وريم..
مازن وفيصل، وإبراهيم..
محمود وحنا..
وجانيت ووصفى..
كل دول تلاميذ فى صفى!!
يا طنط رايس..
يا ست ليفنى..
كل لعبة لعبنا بيها..
جُمْ عساكرك وكسروها..
وكل فصل من فصول مدرستى..
دمروها.. واحنا جوه لسه فيها
كل شىء حولينا والع:
المدارس.. والجوامع.. والشوارع!!
يا طنط ليفنى..
إنت بينك وبين أصحابى إيه؟؟
همَّا كانوا عملوا إيه؟؟
بسألك، ومحتاجة لجواب:
- لعبتى، وقلمى، والدفاتر، والكتاب!!
- كل رسوماتى اللى كنت رسمتها فى أعياد الميلاد!!
- شجرة العام الجديد، والمسطرة!!
- جزمتى، وعلبة الألوان، والمريلة!!
- ضفاير شعرى، فستانى الجديد!!
- كل دول كانوا عملوا إيه؟؟
- يا طنط رايس ساكتة ليه!!
أمى جاوبتنى وقالت:
هى الست دى مش بتحبكم!
علشان كده، ماتكتبيش يا ريما جوابات لحد
ومن الغارات والدبابات والطيارات..
عرفت فعلاً.. إنك إنتِ مستحيل تحبى حد
علشان ماعندكيش أطفال زينا
لو كنتى خلفتى بنات صغيرين
زى ياسمين وريم..
كنتى عرفتى إيه معنى الحياة..
كنتى حسيتى بالخوف العظيم..
وهو بيترسم جوه عيون طفلة حلوة صغيرة
كنتى حسيتى بغلاوة الضنا!!
عارفة كام طفل من أصحابى مات؟؟
عارفة كام منهم لسه تحت أحجار البيوت؟؟
عمرك ما اتهزيتى لحظة وإنتِ بتسمعى:
صوت بنت لسه فى الحضانة..
بتصرخ بعلو حسها وتقول:
- مش عايزة أموت!!
عارفة كام واحد من اخواتى مات
كلهم..!!
طار الصاروخ فى الجو طار..
عدى على بيت عم حسان الأغا..
وفات بيت غانم، وجالنا..
وانفجر فى وسط دارنا..
وكل اخواتى وجدى ماتوا..
وأبويا وأمى وجدتى..
وأنا نجيت من الموت بأعجوبة، يا ليفنى
بس قالوا لعمى خدها..
ابقى ربيها مع عيالك..
وأمانة ما تزعلها خالص، علشان يتيمة
وأنا وعمى وخالتى ناهد..
فى انتظار الدبابات والطيارات
يا ترمى صواريخها علينا..
يا إما ترمى منشورات
علشان كمان إحنا نموت
وأروح لأبويا وأمى، واخواتى وجدى
وأقولهم:
طنط ليفنى..
وطنط رايس..
صعب عليهم إنى أعيش لوحدى.. بدون عرايس
فبعتونى أعيش معاكم فى النعيم!!

ريما صالح من غزة





المواضيع المشابهه
الموضوع كاتب الموضوع المنتدى مشاركات آخر مشاركة
انا لا اريد رجلا احارب من اجله الدنيا فيتركني ولا اريد رجلا مترددا aymn.almasry المنتدى العام 6 09-12-2013 06:15 AM
ثمانٍ أعجبتني حتى أبكتني منى المنتدى العام 11 28-02-2011 01:09 AM
طفلة فلسطينية تموت امام الكاميرا فارس المنتدى العام 0 02-01-2009 05:58 PM
في ذكرى المولد** قصيدة فلسطينية a9laam المنتدى العام 6 02-04-2007 03:18 AM
قصة أبكتني أبو الريم المنتدى الاسلامي 0 31-05-2005 11:47 AM
02-04-2009, 12:40 AM
زائر الليل غير متصل
عضو مشارك
رقم العضوية: 235951
تاريخ التسجيل: Feb 2009
المشاركات: 42
إعجاب: 1
تلقى 0 إعجاب على 0 مشاركة
تلقى دعوات الى: 0 موضوع
    #2  
*


شكرا لك أخونا ...

وشكرا .. لريما صالح ونأمل أن تكون هي بألف خير

قد ذكرتني كلماتها بتغريبة أبو .. صالح ..

ولازال الدرب طويل , والهموم كِثار ...


دمتم في رعاية الله


*


02-04-2009, 03:05 PM
Big Shark غير متصل
عضو ماسـي
رقم العضوية: 87990
تاريخ التسجيل: Jul 2007
المشاركات: 1,003
إعجاب: 128
تلقى 266 إعجاب على 66 مشاركة
تلقى دعوات الى: 0 موضوع
    #3  
شكرا اخي الكريم مقدمة من جميع اهل فلسطين
تحياتي



:: متغيب للصيانة ::
(:)
:love:
(:)


02-04-2009, 08:07 PM
المرستان غير متصل
الوسـام الذهبي
رقم العضوية: 44993
تاريخ التسجيل: Jun 2006
المشاركات: 1,732
إعجاب: 259
تلقى 862 إعجاب على 101 مشاركة
تلقى دعوات الى: 11 موضوع
    #4  
المشاركة الأصلية كتبت بواسطة زائر الليل 
*


شكرا لك أخونا ...

وشكرا .. لريما صالح ونأمل أن تكون هي بألف خير

قد ذكرتني كلماتها بتغريبة أبو .. صالح ..

ولازال الدرب طويل , والهموم كِثار ...


دمتم في رعاية الله


*
الهم واحد فى كل بلادنا انتقم الله منهم جميع ومن أعوانهم الخونة

02-04-2009, 08:08 PM
المرستان غير متصل
الوسـام الذهبي
رقم العضوية: 44993
تاريخ التسجيل: Jun 2006
المشاركات: 1,732
إعجاب: 259
تلقى 862 إعجاب على 101 مشاركة
تلقى دعوات الى: 11 موضوع
    #5  
المشاركة الأصلية كتبت بواسطة Big Shark 
شكرا اخي الكريم مقدمة من جميع اهل فلسطين
تحياتي
بارك الله فيك أخى الحبيب

 


قصيدة أبكتنى :- «ريما» من طفلة فلسطينية فى غزة إلى: تسيبى ليفنى.. وكوندوليزا رايس

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.