أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى العام


مواضيع مميزة  


آخر عشرة مواضيع المواضيع النشطة


07-02-2009, 02:17 PM
zoomcroom غير متصل
عضو جديد
رقم العضوية: 94170
تاريخ التسجيل: Aug 2007
المشاركات: 12
إعجاب: 1
تلقى 5 إعجاب على 2 مشاركة
تلقى دعوات الى: 0 موضوع
    #1  

كلام من القلب


كلام القلب
احبتى واخواتى...
الموضوع ده مجرد فضفضه احب تشاركونى فيه
وده مجرد كلام
من القلب للقلب


هناك ما يسمى بالحقيقة.. لكن ليس معنى(ان الناس تعرف بوجود الحقيقه) (انهم يعرفون الطرق الصحيح للوصول اليها)
مثال: الحب شىء حقيقى.. الكل يعرف بوجود الحب..لكن ليس الكل يعرف الطريق الصحيح للوصول للحب

----------------------------------------
امثلة من الواقع:انت حبيت او حبيتى وعاوز تعرف انت فين من الطريق
اللى انت ماشى فيه؟

انا حبيت مره واتنين وتلاته ..
قلت مع الوقت اللى حبتها فيهم حب حقيقى اكيد مش هنساها
والاتنين التانين هنساهم مع الوقت لانه كان حب موهوم
النتيجه: (منستش ولا واحده)..بس اكيد برده انا محبتهمش كلهم فى نفس واحد
يعنى باختصار فى ناس كل ما يشوف واحده فى الشارع
ولو بصت علية يبقى هى بتحبة ولو مبصتش يبقى مكسوفة تبصله لانها بتحبة

------------------------------------------------
طب انا عاوز الطريق الصح اللى يوصلنى لحب بجد مش مجرد وهم

هل مفيش حب خالص؟.....
لا اكيد فى .. واحتمال الجواب بان مفيش حب خالص مستبعد


طب اوكى فى حب ..اللى انا بعمله ده بقى اسمه ايه؟!......
الاحتمال الاقرب ان احساسى بالحب ده
احساس متلخبط مع احساس تانى يشبه له


طب زى ايه؟......
الاعجاب مثلا ..ليه نفس تأثير الحب لكنه مش حب وبالفعل انا ممكن اعجب بواحده او اتنين او تلاته فى نفس الوقت


طب لو الحب موجود ..واللى انا بعمله ده مش حب..طب فين الطريق الصح للحب؟!

انا هسهل الاجابه من خلال 3 نظريات:
---------------------------------------------------------------------------
النظريه الاولى
:نسميها انا نفسى احب واتحب:-

حب واتحب برحتك يا سيدى بس اعرف حدودك ايه؟
اولا: كلنا عارفين ان ...الحب ملوش حدود
ثانيا: برده احنا عارفين ان... القلب بصفته الاحتوائية للحب ..له حدود فى الحب

طب تعالى نقسم الحب فى القلب حسب الاولويات

1 جزء لربنا ..نقول 99%حب
2 جزء لبابا وماما ..نقول 5.% حب
3 جزء للاقارب والجيران و..نقول 3.%حب
4 جزء للجنس الاخر..نقول2.%حب

انا عارف ان فى ناس كتير هتؤلى ان دى انواع مختلفة من الحب ازاى تقارن او تدى نسب مثلا لحب ربنا مع حب الجنس الاخر..يا عم ده حاجة وده حاجة
ارد واقولك ان كلهم ليهم مكان واحد ..يعنى كلهم فى القلب
وانا كلامى من الاول القلب هيقسم نصيب كل واحد ازاى؟

طب نرجع تانى ونقول لو هى دى التقسيمه الصح ..تفتكر احنا بندى كل جزء حئه؟
يبئى اسم النظرية الجديد
ادى كل جزء حئه

---------------------------------------------------------------------------
النظرية التانية
: هى اخرة الحب دلوقتى ايه؟


لو عاوز اعرف الطريق الصح للحب ..لازم اعرف اخر الطريق .. حب فعلا .. ولا ايه؟
هنعرض النظريه دى من خلال حالات


الحاله الاولى
: حبينا بعض.اهلنا ميعرفوش (ودى مشكله لوحدها). وبنخطط نتجوز كمان 4 سنين لما نخلص دراسه
تفتكر الحاله دى نسبة نجاحها كام؟
ده مع افتراض ان الاتنين نيتهم صادقه والولد مش هيرجع يقول للبنت اصل ماما جايبالى عروسه تانيه او او او؟
نقول نسبة نجاحها ..من 30%:40% تقريبا



الحاله التانيه
:حبينا بعض.اهلنا لسه مش عارفين.الولد هيتقدم لما يلاقى شغل ويجهز نفسه
نسبة نجاح الحب هنا.. من45%:55%تقريبا



الحاله التالته
:حبينا بعض.اهلنا مش عارفين.الولد هيجى يتقدم الولد جاهز وهيتقدم الاسبوع اللى جى ..هو قالى كده؟
نسبة نجاح الحب هنا 60%:79% تقريبا



الحاله الاخيره
: احنا بنحب بعض واهلنا عارفين ومتفئين عالجواز
هنا توصل النسبه من 80%:95% تقريبا



ها عرفت انت او انتى اخر طريقك فين؟

---------------------------------------------------------------------------
النظرية التالته
: نسميها انا نفسى اروح للطريق الصح


اولا فى المجتمعات الغربيه: نلاقى ان اخرة الحب عندهم ايه؟ مجرد علاقه جنسيه
(زنى والعياذ بالله)
ثانيا مجتمعاتنا الاسلاميه: نلاقى اخرة الحب جواز والحمد لله
يعنى نهاية الحب ـــــــــــ جواز
يعنى عشان تروح للطريق الصح لازم تتجوز

طب المجتمع بيفرض علينا ايه؟!
اولا : اهل العروسه مصعبين الجواز عالعريس هات وهات وهات
ثانيا: الجواز لازم يكون بعد نهاية التعليم..فمينفعش اتنين يتجوزا وهما بيتعلموا

طب ايه الحل؟؟!
ان الناس تبدء تشيل الافكار الغلط من دماغها وتبطل طمع
وده لما يتحقق ياخد وقت كبير جدا..لان ده يسمى تنميه مجتمع ثقافيا وهياخد وقت اكيد

الحل بقى اللى فى ايد الشباب: انهم ياخدو بكلام الرسول الكريم وبنصايحه
ويصوموا(
من استطاع منكم الباءة فليتزوج فإنه أغض للبصر وأحصن للفرج ومن لم يستطع فليصم)

طب الخلاصه ايه؟؟
ان مهما كان مدى احتياجك للحب لازم تعرف ايه الطريق الصح ليه..وكمان الوقت الصح!
والا فانت او انت بتضيع وقتك او بتتسلى بيه
وفى الاخر ربنا هيحاسبك عن عمرك فيما افنيته ..متنساش

ملحوظه هامه: لو عجبك الموضوع ادعى لصاحب الموضوع بالهدايه وادعى للمسلمين بالنصر القريب
واللى عاوز ينقله انا معنديش مانع ..مع العلم ان الموضوع ده مجرد فضفضه مع الناس
يعنى هقبل النقد واتمنى يكون نقد بناء









المواضيع المشابهه
الموضوع كاتب الموضوع المنتدى مشاركات آخر مشاركة
من القلب الى القلب لكل الأعضاء حاول ان تفهم وستكون عضوا مميزا اسامه الهرفي المنتدى العام 35 24-07-2017 12:58 PM
كلام من القلب شروق الامل المنتدى العام 10 12-09-2014 12:13 AM
كلام من القلب daliahelal233 الطب البشري - العلاج بالأدوية و الأعشاب الطبية 1 21-12-2013 03:38 PM
كلام من القلب فى مدرسة الحياه اتعلمت حاجات كثيرة aymn.almasry المنتدى العام 2 02-12-2013 05:37 PM
مقطع للشيخ احمد العجمى Mp3 يقطع القلب ( كلام الله اغلى من كل شيء ) Ahmed-Under المنتدى الاسلامي 1 05-11-2007 01:21 PM
 


كلام من القلب

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.