أستغفر الله العظيم ... سبحان الله وبحمده



العودة   منتديات داماس > برامج الكمبيوتر والانترنت > برامج


مواضيع مميزة  


آخر عشرة مواضيع المواضيع النشطة


10-11-2008, 05:26 PM
spider_man غير متصل
الوسـام الذهبي
رقم العضوية: 91058
تاريخ التسجيل: Jul 2007
الإقامة: In Your Heart
المشاركات: 2,212
إعجاب: 849
تلقى 865 إعجاب على 137 مشاركة
تلقى دعوات الى: 3 موضوع
    #1  

المميزات الهامة جداً اللى بتفرق فى أداء كروت الجرافيكس Vga


المميزات الهامة جداً اللى بتفرق فى أداء كروت الجرافيكس Vga

أعزائى أعضاء المنتدى الكريم

من فترة و أنا نفسى أكتب الموضوع ده الخاص بتقنيات صناعة كروت الجرافيكس الجديدة و المميزات الهامة جداً اللى بتفرق فى أداء كروت الفيجا بصفة عامة

أنا عارف أن موضوع أحسن كرت فيجا و أيه هو أفضل كرت موجود .. تم تناوله أكثر من مرة

لكن الكل ماكنش بيتناول الجانب الهام فى تقنية تصنيع الكروت الحديثة و حبيت أوضع بمعلومات بسيطة

أهم شىء لازم تأخذ بالك منه قبل ما تشترى أى كرت جديد سواء كان الكارت ده من أى تى أى أو كان جى فورس لأن

تكنولوجيا تصنيع الكروت دلوقتى أصبحت تعتمد أعتماد كلى على بروسيسور كرت الفيجا أو GPU

( Graphics Processor Unit )

و أيضاً على شىء هام جداً جداً الكتير ما بيخدش باله منه و هو

GPU Memory Clock

المميزات الهامة جداً اللى بتفرق


و

Ramdac Clock

يا جماعه المصطلحين دول هما من مكونات بروسيسور الجرافيكس الأهم على الأطلاق

و همه دول اللى ممكن يزودوا من سعر الكارت أو يقلله

بغض النظر تماماً عن ذاكرة الكرت سواء كانت 64 أو 128 أو حتى 256

فأنت قبل ما تشترى أى كرت مهما كان نوعه تبص على الحاجات دية من على النت أو من المانوال بتاع الكرت أهم مليون مرة من ذاكرة الكرت



و لتحدد جوده الكرت هناك قيم ثابتة على أساسها بتحدد جوده الكرت

المميزات الهامة جداً اللى بتفرق



أولاً:

GPU Clock وديه بتعنى الساعة الزمنية اللى بيشتغل بيها الكارت أو بطريقه أبسط الزمن اللى بيأخذه الكرت لمعالجة أى جرافكس فى أى لعبة

لازم تكون على الأقل 250 ميجا هرتز * و أن كانت الكروت الجديده بتصل حالياً الى 350 ميجا هرتز بس القيمة المثلى هى 250 و أى كرت

معالج الجرافكس بتاعه بيكون أقل 250 بيكون سىء جداً


ثانياً:

Ramdac clock الخاصية ديه بصراحة أنا معرفش معناها علشان أكون ما بفتيش لكن الى لاحظتة من خلال تجربة كروت كثيرة

أن الخاصية ديه بتفرق بصورة جبارة فى كرت الفيجا أن ماكانتش هى أساس معالج الجرافيكس فى أى كرت

القيمة المثلى لهذه القيمة هى 400 ميجا هرتز * و أى كرت أقل من هذه القيمة بيكون كرت ضعيف

و أعتقد أن الخاصية ديه هى المسؤل الأول و الأخير عن قوة ال Resolution الخاص بالكرت فى الألعاب

للعلم فأن الكروت ذات المعالجات القوية بتصل فيها قيمة ال Ramdac clock الى 650 مثل كروت

Geforce TI 4800

المميزات الهامة جداً اللى بتفرق


ATI Radeon 9800

المميزات الهامة جداً اللى بتفرق

و من كروت المخرج الجديد PCI Express

Geforce NX 6600

Geforce NX 6600GT

Geforce NX 6800

ATI RX800PRO-TD256


و أيضاً هناك شىء هام يفرق قى سرعة الكرت و هى

Process Technology و ديه بتكون طريقة فى تصنيع معالج الجرفكس بتعمل على تصغير عدد دوائر التشغيل من ما يسرع عملية تشغيل الألعاب

يعنى تقنية فى تصنيع المعالجات و القيمة المثلى بتكون 0.15u و حالياً كل الكروت الجديده بتكون 0.13u


و أيضاً هناك معلومه أخرى يجب أن تأخذ بالك منها قبل ما تقوم بشراء أى كرت

و هى أصدارة ال Open GL الخاصة بالكرت أيضأ عليها عامل

و أقل أصدارة للكرت تستطيع التعامل مع الألعاب هى 1.4 و الكروت الجديده بتصل الى 1.5


و هناك أيضاً شىء عليك بأخذة فى الأعتبار و هو أصدارة ال Shaders الخاصة بمعالج الجرافكس فى كرتك

الكروت القيديمة كلها عموماً بتكون 1.1 أما الكروت الجديدة بصفه عامة بتكون 2.0 و العالى منها بيصل الى 2.2


و عشان تعرفة أهميه الخاصية السابقه ... أنها السبب الوحيد فى عدم قدرة كروت ال Geforce MX بكل أصدارتها من تشغيل الألعاب الحديثة

لأن معالج الجرافكس MX لا يدعم أساساً ال Shaders و الألعاب الجديده كلها تعمل بصفة أساسية ب Shaders

مثل لعبة Medal of Honor Pacific Assault التى تطلب منك قبل التشغبل تحديد أصدارة ال Shaders لدى كرتك قبل التشغيل

و أيضاً لعبة Prince of Persia بجزئيها الأول و الثانى و ألعاب كثيرة جديده


على فكرة يا جماعه شركات تصنيع الكروت بتهتم بشكل أساسى بأبعاد المستخدمين عن هذه المعلومات

علشان لو حد أستطاع أنه يعرف المعلومات دية نصف الكروت اللى فى السوق مش هتتباع

و بتهتم بزيادة الرامات بتاعت الكرت علشان المشترى يبهر برامات الكرت و يشترية من غير ما ياخد بالة من المعلومات ديى على أعتبار أنه

شارى كرت 128 ميجا مثلاً فأيه بقى اللى مش هيعرف الكرت ده يشغله

الحركه ديه عملتها شركة NVIDIA لما لقت أن كروت MX440 مبيعتها قلت راحت ساحبة كل الكروت ديه من السوق

و زودتها رامات لتصبح 128 ميجاً بدلاً من 64 و غيرت أسم معالج الجرفكس ال MX4000 و طبعاً المطب ده و قع فيه ناس كتير و أشتروا الكرت الجديد على أنه 128 بقة

و مفيش لعبة مش هتشتغل علية * ثم يكتشفوا الخدعه الكبرة أنا ما يفرقش أى شىء عن MX440 * و برضة ما بيشغلش الألعاب الجديده

المقلب الكبير ده وقع فيه ناس كتير من صحابى أعرفهم و طبعاً باعوا الكرت بعد عناء ب 100 جنية و الله و هما شاريينة ب 350

الكروت الحالية بصفه عامه ما بقتش زى زمان تعتمد على ذاكرة الكرت و أصبح الأعتماد الكلى معالج الجرافكس

أنا هديكم مثل بسيط طبعاً أكيد فيه ناس كتير جابت كرت ال ATI RAdeon 9200SE 128MB وكانوا معتقدين أن كرت رهيب لكن لما شغلوه حصل لهم أحباط و السبب

أن الكرت ده أولاً أصدار ثانى - معاد تصنيه - و نصيحة أوعى تشترى أى كرت ATI متبوع بكلمة SE لأنه بيكون من الأخر كرت تعبان * و بيكون Second Edition* المهم قيم كرت السابق

GPU Clock >>>>>>>>>>> 180 MHZ

Ramdac clock >>>>>>>>>>> 350 MHZ

Open GL >>>>>>>>>>> 1.3

السبب الوحيد اللى مخلى الكرت ده يفتح الألعاب الجديده -لكن طبعاً بكفائة مش جيدة - أن المعالج بتاع الكرت بيدعم ال Shaders بأصدارة 1.1 فقط

طبعاً الكرت السابق ده مضروب لكن كروت ال ATI Redon 9200 من غير كلمة SE كروت جيده جداً


أكيد الكل دلوقتى هيقولى نعرف قيم الخصائص ديه أزاى

فيه برنامج أكثر من رائع بيجبلك قيم الخصائص ديه كلها بالضبط و خصائص أخرى كمان من عدد الترانزيستورات المستخدمة فى تصنيع الكرت و Pixel Pipelines و Pixel Shaders

و خواص أخرى كثيرة


البرنامج أسمة EVEREST Ultimate Edition


و ده لينك للتحميل المباشر


خطوات أيجاد هذه القيم بالترتيب بعد ما تفتح البرنامج

Display / GPU


أما بالنسبة للناس اللى لسه هتشترى جديد فأنا أنصحهم بأنهم يشوفوا الخصائص ديه على مواقع الشركات المنتجة للكروت قبل ما يشتروا أى كرت جديد

و أنا تحت أمر أى عضو فى أى أستفسار سواء عن أى كرت هيشترية أو أى معلومه بخصوص كروت الجرافكس

لكم منى خالص التحية

أتمنى أكون فيدتكم بالمعلومات القيلة ديه * و بصراحة أعذرونى عن أى خطأ أو سهو فى الشرح



و المميزات الهامة جداً اللى بتفرق و بركاته



منقول للاهمية وقمت باضافه الصورللتوضيح





المواضيع المشابهه
الموضوع كاتب الموضوع المنتدى مشاركات آخر مشاركة
هنا تحط المميزات اللي تحلم بيها في نسخة واحد سارع بالدخول كمنتر المنتدى العام لتصميم الأسطوانة 4 09-08-2011 06:21 PM
مكتبة الجرافيكس - دروس فوتوشوب + ملحقات الفوتوشوب + برامج الجرافيكس البرق خلفيات فوتوشوب - فريمات وزخارف للفوتوشوب GFX 83 05-08-2009 02:24 AM
محرر رائع جداً لتحرير الصور واضافة المميزات Magic Photo Editor hussain4810 برامج 7 19-07-2007 12:08 PM
برنامج يحتاجه الكثيرون فى مجال الجرافيكس evilgrin برامج 6 24-08-2004 09:11 PM
10-11-2008, 06:17 PM
spider_man غير متصل
الوسـام الذهبي
رقم العضوية: 91058
تاريخ التسجيل: Jul 2007
الإقامة: In Your Heart
المشاركات: 2,212
إعجاب: 849
تلقى 865 إعجاب على 137 مشاركة
تلقى دعوات الى: 3 موضوع
    #2  
اين انتم ياشباااااااااااااااااب

10-11-2008, 06:51 PM
ABU.AMR غير متصل
مشرف عام ( إجازة )
رقم العضوية: 87092
تاريخ التسجيل: Jun 2007
المشاركات: 11,191
إعجاب: 4,582
تلقى 13,312 إعجاب على 3,418 مشاركة
تلقى دعوات الى: 3740 موضوع
    #3  
الله موضوع رائع بارك الله فيك بس نسييت اهم حاجة وهى CORE MHZ لازم منة لانة اساسى فى عملية الجرافيك ودى مميزات كارتى الخاص GEFORCE NIVIDIA 8600GT وهو كارت
عملاق ومن الاخر "الغالى ثمنة فية" واهم حاجة فى الكارت دة انة DDR3 ودى طبعا بتفرق فى السرعة






وشكرا


10-11-2008, 06:58 PM
spider_man غير متصل
الوسـام الذهبي
رقم العضوية: 91058
تاريخ التسجيل: Jul 2007
الإقامة: In Your Heart
المشاركات: 2,212
إعجاب: 849
تلقى 865 إعجاب على 137 مشاركة
تلقى دعوات الى: 3 موضوع
    #4  
شكرا ليك اخى MR_NAGY على مرورك الطيب اتمنى ان نشارك جميعتا فى هذا الموضوع لكى نجمع اكبر قدر عن كروت الجرافيك يارت لو حد عنده اى اضافه يقوم بوضعها

11-11-2008, 02:41 AM
khwv129 غير متصل
عضو فعال
رقم العضوية: 168990
تاريخ التسجيل: Sep 2008
المشاركات: 37
إعجاب: 7
تلقى 0 إعجاب على 0 مشاركة
تلقى دعوات الى: 0 موضوع
    #5  
اخى العزيز /سبايدر مان شكرا جزيلا على هذه المعلومات المهمه 00 ولكن لى سؤال اى من الكروت الموجوده بالسوق يكون ذا توافقيه ممتازه مع نظام التشغيل جنو/ لينوكس فضلا عن نظام التشغيل الاحتكارى / ويندوز وامثاله وشاكر مره اخرى على هذه المعلومات القيمه

11-11-2008, 07:21 AM
وائل احمد ابو الخير غير متصل
عضو محترف
رقم العضوية: 62850
تاريخ التسجيل: Jan 2007
المشاركات: 452
إعجاب: 311
تلقى 17 إعجاب على 3 مشاركة
تلقى دعوات الى: 3 موضوع
    #6  
شكرا معلومات قيمة للغاية
يا ريت تتم جميلك وتعمل لستة باقوى الكروت المتوفرة حاليا والتى ترشحها للاعضاء عند الشراء
فانت تعلم ان هذة المعلومات التقنية صعبة على الكثيرين


11-11-2008, 01:51 PM
spider_man غير متصل
الوسـام الذهبي
رقم العضوية: 91058
تاريخ التسجيل: Jul 2007
الإقامة: In Your Heart
المشاركات: 2,212
إعجاب: 849
تلقى 865 إعجاب على 137 مشاركة
تلقى دعوات الى: 3 موضوع
    #7  
khwv129 اخى العزيزاولا شكرا على مرورك الطيب ليس لدى الخبرة فى نظام تشغيلك انا اقوم بالعمل على وندوز وساحاول فى قدر الامكان ان اقدم لك طلبك فى القريب ان شاء الله

وائل احمد ابو الخير شكرا على مرورك جارى انشاء قائمة باحدث واقوى كروت الفيجا الموجوده بالاسواق فى موضوع اخر
ياذن الله

11-11-2008, 02:44 PM
spider_man غير متصل
الوسـام الذهبي
رقم العضوية: 91058
تاريخ التسجيل: Jul 2007
الإقامة: In Your Heart
المشاركات: 2,212
إعجاب: 849
تلقى 865 إعجاب على 137 مشاركة
تلقى دعوات الى: 3 موضوع
    #8  
الان قائمة باقوى الكروت الجرافكس هنا

11-11-2008, 07:18 PM
spider_man غير متصل
الوسـام الذهبي
رقم العضوية: 91058
تاريخ التسجيل: Jul 2007
الإقامة: In Your Heart
المشاركات: 2,212
إعجاب: 849
تلقى 865 إعجاب على 137 مشاركة
تلقى دعوات الى: 3 موضوع
    #10  
شكرا على مرورك الكريم اخى العزيز محمد جرامنة

04-02-2009, 11:09 AM
البرنس2000 غير متصل
عضو مشارك
رقم العضوية: 13274
تاريخ التسجيل: Aug 2004
المشاركات: 31
إعجاب: 4
تلقى 0 إعجاب على 0 مشاركة
تلقى دعوات الى: 0 موضوع
    #12  
بارك الله فيك على هذا النقل المفيد..

17-02-2009, 12:07 AM
spider_man غير متصل
الوسـام الذهبي
رقم العضوية: 91058
تاريخ التسجيل: Jul 2007
الإقامة: In Your Heart
المشاركات: 2,212
إعجاب: 849
تلقى 865 إعجاب على 137 مشاركة
تلقى دعوات الى: 3 موضوع
    #13  
شكرا لمروركم اخوانى الكرام

17-02-2009, 12:47 PM
spider_man غير متصل
الوسـام الذهبي
رقم العضوية: 91058
تاريخ التسجيل: Jul 2007
الإقامة: In Your Heart
المشاركات: 2,212
إعجاب: 849
تلقى 865 إعجاب على 137 مشاركة
تلقى دعوات الى: 3 موضوع
    #15  
شكرا لمرورك ail_dk

 


المميزات الهامة جداً اللى بتفرق فى أداء كروت الجرافيكس Vga

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.