|
|||
|
يا ابن الفقير // للشاعر محمد أبو زيد الأسيوطي
يا ابن الفقير أوعي تشكي للوزير م الغلا ولا تعمل بلبلا أو تقول بقي فيه مجاعة في البلاد هيه إيه بقت اختراعة كل ساعة مشكلا قول تمام سمعنا وطاعة وان سمعت قول إشاعة مش إذاعة هيه ولا ولا إيه المسألة وان لقيتها صداع وخل والكلام أصبح ممل هوه حل يناس بسيط ع الغلي تعمل عبيط أوعي دمك يوم يشيط أو تزيط خليك ظريف نام خفيف يعني بناقص م العشي طول حياتها ملطشة ويا اهلك وأنت حالتك بالبلا يعني تشرب م البحور مش مهم ولا تسكن في القبور مش مهم المهم أن القصور مش ليك ياللا الغي عقلك خلي جهلك للأمور هوه الأساس أوعي تعمل فيها عنتر دا الشعوب يا ما فيها ناس غاوية الكلام والفرفشة وأنتا برضوا مش ح تقدر والمشاكل مالها لازمة وان قالو لك قول دي أزمة أيوة أزمة ومرحلة يابن وطني لا تشاكل أنت مش قد المشاكل أنتا بس غني طبل قوم و هبل قول براحتك بس وحدك في الخلا او يسمع حد بيك يشتكيك يطحنون زي الفريك يبقي يومك قندلا ولا تنهيها بعلقة علقة حلوة ولا غلوة تنسي فيها المرجلا وأما تغلي أي سلعة قول بناقص منها خالص أنت ناقص بهدلا لو يزيد السعر لم في الغدا أو مش مهم ضم أيدك في الفطار والخضار منه بناقص في العشا والرغيف لو مش نظيف أو خفيف ولا طعمه جلد ليف ولا شكله عاد مخيف قول بناقص منه خالص ولا يعني هوه كيف كل وجبة بالغموز هوه يعني جوز ولوز ولا عيش اعتبر انه مفيش يعني عيش يعني قصر في الكلام والعلام مش شرط يبقي في مدرسة والهدوم علي جتتك متقطعة عامله زي البردعة قديمة بس كويسة يعني مش لازم تغير كل يوم ع العموم مهما كان جيبك مفلس برضوا عيش أو تغلط أو تغلس وأوعي تطلع م الهدوم لا النجوم تفتن عليك متلاقيش وفي أيديك تلبس أساور من حديد والشاويش تلقاه معك لاء وتلبس إيه بقي قول جريمة قول قضية قول حبال المشنقة قول وقول قول بريء قول ضحية في النهاية هيه هيه طرحة علقة ميه مية وأنت جسمك عمره واخد ع الشقي واللي نحس مش ح يشعر لما يفطس ولا يغطس في الهموم حتى لو تعرف تعوم برضوا ح تودع فطيس والنصيحة كون حريص قبل ما تلبس قميص الجواز خلي عينك ع الجهاز دا المهور والعة وجاز وأنتا بيتك من قزاز متحدفش الناس بالطوب وأوعي تمشي بالحبوب لو تبقي في يوم عريس وأنت بقيت لا تفكر يوم تخلف أو تولف يوم تنام أو تقيل كل قيلولة بعيل والحكومة تشيل وتصرف ع العيال يعني مش لازم تسيب ليك فروع أو مجرد احتمال للوجود من أي نوع كون قتوع يا للي مش لاقي وعمرك كله جوع إيه اللي واخده من حياتك إيه مفيش يعني أصلا أنت مش مفروض تعيش شكرا لكم اخوكم الشاعر // محمد ابو زيد الاسيوطي 
من مواضيعي:
- يا ابن الفقير / للشاعر ( محمد أبو زيد الاسيوطي) - اخي في الله // للشاعر // محمد أبو زيد الأسيوطي - الحذاء نووي العراق 00للشاعر الساخر// محمد أبو زيد الأسيوطي - ماما أمريكا 000للشاعر // محمد أبو زيد الأسيوطي - تلات وردات قصيدة للشاعر محمد أبو زيد الاسيوطي - ألف رحمة يا وطن .. للشاعر // محمد أبو زيد الأسيوطي |
| المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تلات وردات قصيدة للشاعر محمد أبو زيد الاسيوطي | محمد أبو زيد | منتدى الشعر والادب | 2 | 13-04-2011 05:37 AM |
| أعذريني للشاعر أحمد وائل | jordanrest | منتدى الشعر والادب | 1 | 09-12-2010 04:24 PM |
| من أوباما الى ....للشاعر أحمد مطر | عبدالالاه نور | منتدى الشعر والادب | 6 | 07-06-2009 11:54 PM |
| قد عطيتك......للشاعر/محمد بن حمد | bent maser | منتدى الشعر والادب | 0 | 12-12-2008 02:03 PM |
| اخي في الله // للشاعر // محمد أبو زيد الأسيوطي | محمد أبو زيد | منتدى الشعر والادب | 0 | 18-11-2008 06:32 PM |
| أدوات الموضوع | |
