أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى العام


مواضيع مميزة  


آخر عشرة مواضيع المواضيع النشطة


01-10-2008, 05:41 AM
shicosoft غير متصل
عضو محترف
رقم العضوية: 112585
تاريخ التسجيل: Mar 2008
الإقامة: القاهرة
المشاركات: 441
إعجاب: 51
تلقى 189 إعجاب على 73 مشاركة
تلقى دعوات الى: 0 موضوع
    #1  

مصرنا المحروسة بتتقدم بينا (كلمة حق)


اى حد بيتفرج على تليفزيونا المصري وبرنامج البيت بيتهم .. اكيد هيكون زهق واتخنق ومرارته اتفقعت من اعلان (مصر بتتقدم بينا) والى اتعمل منه حلقات مختلفة لكل قطاع من قطاع التطوير والتقدم الى حصل فى مصرنا المخروسة خلال سنوات الازدهار فى العهود البائتة

واسعدنى الحظ انى اتفرجت على تقريرين منهم, واحد بتاع قطاع الاتصالات والتانى بتاع قطاع النقل.

قطاع الاتصالات وعديته, ... برضة الواحد ما ينكرش بقى عندنا القرية الذكية و3 شبكات مختلفة للمحمول وجيل ثالث وشركات انترنت وهواتف ثابتة وبرمجيات والرقم القومي وافلاام يعنى.. صحيح هو كله بفلوسنا ومن افانا بس طب ماشى وبعدين .. يعنى فلوسنا وطوروا بيها والحمد لله وشوفنا حاجة جديدة .. مع ان مش كلنا فارق معانا

ندخل بقى على تقرير النقل ... وهو ده بقى الفقع بعينه, مصوريين المطارات وخطوط السكك الحديد ومترو الانفاق والعربيات الى زى الفل والمواني .. وايه ده كله ايه ده كله .. وايه الحلاوة دى يا جدعان زى ما بيكونوا مصوريين حتة من اوروبا

اول خاطر خطر على بالي, هما حبايبنا دول شايفنا قصادهم هنود مثلاا ولا هما بيذيعوا الاعلان ده لناس قاعدين فى جزر البطيخ

اذا كنا احنا ده كله ... امال مين الى عنده قطورات بتدخل فى بعضيها وتهرس الى قاعدين جواها زى الكفته, ومين الى عنده عبارات بتغرق فى عرض البحر وتغدى وتعشي السمك والحيتان من ركابها , .. ومين الى عنده طيارات تولع فى الجو وتخلي ركابها كباب وطرب ,, مش هى دى مصر برضة ولا ده فيلم كرتون


مين الى عنده مطارات زى الزفت, مافيش حد بيدخل مطار القاهرة وهو جاى من اى دولة برة سواء كانت عربية او اجنبية الا و بيحلف بالطلاق على مطار القاهرة والمعاملة والنضافة والاستقبال والخدمة المقدمة فى مطار القاهرة


مين الى عنده موانى مهببة وفى منتهى القذارة والرسائل الى بتيجى من بره الى بتترمى على الرصيف بالايام لحد ما تاخد الافراج عليها والى اصلا ممكن تقع من الاوناش وتنزل تفتت 100 حتة, والرشاوى والعمولات الى عينى عينك على الأرصفة


مين الى عنده سفن وعبارات منتهية الصلاحية ولا تتوافر فى اى منها شروط الامان ولا الضمان والشي الطبيعي جدا لاى سفينة انها تعطل فى البحر فى وسط الرحلة ان ما كانتش بتغرق طبعاا


مترو الانفاق وقذارته وزحمته الغير طبيعية بسبب قلة عدد القطارات فى وقت الذروة, ومعاملة موظفين الشبابيك الطين, وتمن التذاكر والاشتراكات الى بتضاعف بطريقة مهولة.


الغريبة بقى فى التقرير انهم ما جابوش ولا عربية من عربيات المايكروباز والسرفيس و اتوبيسات علب السردين بتاعتنا ولا حتى مينى باصات ارز لبنان ام جنيه وبريزة والى بندفعها جنية وربع الى مالية الشوارع



والسؤال الذى يطرح نفسه بشده .. وهو ده كله اصللااااااااااااااا ليـــــــــــــــــــــــــــــــــــه ؟؟؟؟
ويا ترى البريزة بتروح فيييين .. ؟؟




(كلمة حق)

الى عندة غيرة يرد والى معايا يرد





المواضيع المشابهه
الموضوع كاتب الموضوع المنتدى مشاركات آخر مشاركة
التواصل الأسري كيف نحمي أسرنا من التفكك - عبد الكريم بكار AvilmA كتب و قصص للاطفال 1 03-03-2015 02:42 PM
الفرق بين (بينا) و (بينما) سناء واحة اللّغة العربيّة 9 14-10-2014 10:00 AM
المؤتمر الاسلامى الحاشد بالمنصورة ( معا بالاسلام نبنى مصرنا الحبيبة ) أبو بكر مح ـمد المنتدى الاسلامي 1 17-02-2011 12:21 PM
إلغاء مدارس الخطوط العربية فى مصر المحروسة أنا الشيخ المنتدى العام 1 25-09-2010 12:10 AM
02-10-2008, 02:22 AM
abcman غير متصل
عضوية الشرف
رقم العضوية: 13021
تاريخ التسجيل: Aug 2004
الإقامة: Saudi Arabia, Jiddah
المشاركات: 7,508
إعجاب: 1,708
تلقى 1,706 إعجاب على 352 مشاركة
تلقى دعوات الى: 1 موضوع
    #2  
هههههههههههههههههههههه

هم يبكي وهم يضحك
واتفق معك في كل ما قلت خاصة بمعاملة موظفي ومفتشي مترو الأنفاق وما ذكرته عن المواصلات أم جنيه وعشرة قروش وجنيه وأربعين قرش

لكن بخصوص مطار القاهرة أختلف معك هو بالفعل مطار من أفخم مطارات الشرق الأوسط

ولكن في النهاية ربنا يتولى كل المصريين ويرفع عنهم القهر والظلم


05-10-2008, 02:34 PM
shicosoft غير متصل
عضو محترف
رقم العضوية: 112585
تاريخ التسجيل: Mar 2008
الإقامة: القاهرة
المشاركات: 441
إعجاب: 51
تلقى 189 إعجاب على 73 مشاركة
تلقى دعوات الى: 0 موضوع
    #3  
المشاركة الأصلية كتبت بواسطة abcman 
هههههههههههههههههههههه

هم يبكي وهم يضحك
واتفق معك في كل ما قلت خاصة بمعاملة موظفي ومفتشي مترو الأنفاق وما ذكرته عن المواصلات أم جنيه وعشرة قروش وجنيه وأربعين قرش

لكن بخصوص مطار القاهرة أختلف معك هو بالفعل مطار من أفخم مطارات الشرق الأوسط

ولكن في النهاية ربنا يتولى كل المصريين ويرفع عنهم القهر والظلم

مشكور على ردك ونورت الموضوع بمرورك

08-10-2008, 04:13 PM
القمر غير متصل
الوسـام الماسـي
رقم العضوية: 25856
تاريخ التسجيل: Sep 2005
المشاركات: 2,576
إعجاب: 614
تلقى 505 إعجاب على 147 مشاركة
تلقى دعوات الى: 1 موضوع
    #4  
أخي الكريم

أنا مش من مصر

وعمري ما زرت مصر

بس احب أقول لك

عندنا وعندم خير

الله يعين الجميع

تقبل مني خالص التحية
القمر


11-10-2008, 02:37 AM
elkoopra غير متصل
الوسـام الماسـي
رقم العضوية: 80952
تاريخ التسجيل: May 2007
الإقامة: مصر- المنصوره
المشاركات: 2,536
إعجاب: 1,483
تلقى 652 إعجاب على 128 مشاركة
تلقى دعوات الى: 1 موضوع
    #5  
شكرا لموضوعك الجميل أخي الكريم
كلامك كله صحيح وأتفق معك به
لكن أعتقد أن عقليه الشعوب والأهالي العربيه عموما تحتاج لتطوير
فأنا لا أستطيع أن ألوم الحكومه على كل شيء ولكن أستطيع أن أقول أن عليها الدور الأكبر
فعلى سبيل المثال مشورع مثل مترو الأنفاق
أعتقد فعلا أنه من أهم المشاريع التي قامت بها مصر في أخر 30 سنه
ولكن من الذي جعله بهذا السؤ الأن ؟؟هل الحكومه فقط
بالطبع لا
ولكن نحن كشعوب وأهالي أيضا علينا دور
ودور كبير
ماذا لو مشورع مترو الأنفاق في أوربا ؟؟؟ هل سيكون مثل بهذا السؤ الموجود عندنا؟؟؟
بالطبع لا

شكرا لك ولموضوعك الجميل
تحياتي ......أخوك محمد


 


مصرنا المحروسة بتتقدم بينا (كلمة حق)

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.