بيرم التونسى من الشعراء الذين برعوا في الكتابة باللهجة المصرية العامية .
وقصائده تركت أثراً في الأدب والسياسة ..
وتميزت بالشهرة والإنتشار لسهولة عباراتها وموضوعاتها وموسيقاها
ولتفاعلها مع المجتمع بجميع طوائفه .. وقد نقلت لكم قصيدة يا اهل المغنى دماغنا وجعنا وقصيدة الجماهير
(1)
يااهل المغنى دماغنا وجعنا
يااهل المغنى دماغنا وجعنا
دقيقه سكوت لله
داحنا شبعنا كلام ماله معنى
ياليل وياعين ويااّه
*****
طلعت موضه غصون وبلابل
شابط فيها حزين
شاكى وباكى وقال موش عارف
يشكى ويبكى لمين
واللى جابت له الداء والكافيه
طرشه ماهش سامعاه
يااهل المغنى دماغنا وجعنا
دقيقه سكوت لله
*****
ردى عليه ياطيور بينادى
وارمى له الجناجين
وانت كمان يابورالــــوادى
قل له رايح على فين
قل له اياك يرتاح يابابـــــوره
ويريحنــــــــــا معــــــاه
ياهل المغنى دماغنا وجعنا
دقيقه سكــــــوت لله
*****
كل جدع فرحان بشبابه
يقول فى عنيَّه دمـــوع
ياللى جلبتى شقاه وعذابه
حلّى لنــــا الموضــــوع
طالع نازل يلقى عـــــوازل
واقفــــــــه بتستنــــــاه
ياهل المغنى دماغنا وجعنا
دقيقه سكوت لله
*****
حافضين عشره اتناشر كلمه
نقل من الجـــــــــورنال
شوق وحنين وأمل وأمانــــــي
وصد وتيـــــــه ودلال
واللى اتعـــاد ينزاد ياخــــــــــوانا
وليل ونهــــــــار هُـــوّاه
ياهل المغنى دماغنا وجعنـــــــــــا
دقيقه ســكوت لله
*****
(2)
الجمـاهير
م المستحيل إنت تخدع أي طفل صغير
و تلف عقله و تعطيه القليل بكتير
لكن بأهون طريقه تخدع الجماهير
لو كنت أغبى غبي تجري وراك و تسير
*****
خليل يصقَّف, يصقف شعب ويا خليل
من غير ما يسأل عن الأسباب والتفاصيل
*****
و حمار يغني, وجايب من يقول له: آه
حالاً تقول الخلايق كلها ويّاه
*****
الحق يخفى وفي وسط الزحام ينداس
وناس في فهم الحقيقه, تتكل على ناس
ويساعدك الحظ ياللي تحسن التجعير
*****
08-07-2008, 10:25 PM
مواضيع مشابهة
النمط الخطي
