أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى العام


مواضيع مميزة  


آخر عشرة مواضيع المواضيع النشطة


03-05-2008, 10:33 PM
AvilmA غير متصل
الوسـام الماسـي
رقم العضوية: 109959
تاريخ التسجيل: Mar 2008
الإقامة: Malaysia
المشاركات: 5,199
إعجاب: 271
تلقى 453 إعجاب على 221 مشاركة
تلقى دعوات الى: 830 موضوع
    #1  

شاب سعودي يخترق البنتاجون الأمريكي


شاب سعودي يخترق البنتاقون الأمريكي

حقيقة كان لي حلم اني اقوم باختراق لوزارة الدفاع الامريكية
و في يوم من الايام قررت اني اقوم باختراق البنتاقون و فعلا خططت وجمّعت جميع الادوات والبرامج اللي ممكن ان اخترق فيها احد سيرفرات (خوادم) وزارة الدفاع الامريكية (البنتاقون).

خبرتي في البرتكول( تس بي أي بي) واليونكس والوندوز ان تي وبرمجة الاسمبلي والسي بلس بلس ساعدتني كثير في هالمشروع.
قد يسأل البعض طيّب مادام انه قام باالاختراق وهو يعلم ان مثل هالمنتديات بإمكانها معرفة الكثير عنّك !! وعنوانك ومقدم الخدمة اللي تتصل منّه فليه يخاطر بنفسه في هالمنتدى؟
اقول مثل ما ذهبت متخفيا الى البنتاقون .. انا الحين متخفّي من الساحة!
عموما حددت المكان وساعة الصفر اللي اقوم فيها بالهجوم على البنتاقون
كانت الساعة 1 بعد الظهر من يوم السبت في ايام حرب حلف النيتو مع صربيا (اليوم هذا خذيت فيه اجازة من العمل لعدة اسباب)
1- ان الامريكان توهم طالعين من حوانيت الخمر ونايمين فالضغط على الشبكة العالمية قليل ! وهذه حقيقة يجب اخذها بعين الاعتبار.
2- ان الانترنت عندنا بعد هالوقت تغصّ فمالك امل حتى ان توصل لمقدم الخدمة طبعا( لقد تعثر مرورمكالمتك).
كنت محتفظ بالاي بي ادرس حق البنتاقون وكان اول محاولة اختراق عملتها عن طريق (التلنت) طبعا اخذت طرق طويلة جدا حتى وصلت للهدف متخفّي .
استغربة حقيقة انه من اول محاولة اختراق لاول جدار ناري وقع تحت ايدي فقلت اكيد انها مصيده ويبون يوقعون فيني لكني كنت امسح جميع (اللوق فايلز) اللي تكون تفاصيل خط سيري موجوده فيها .
صادف وجود اخوي الكبير في البيت فجئة جاني اخوي يركض بسرعة ويقول لي تعال تعال شف وش حاصل على (السي ان ان) ... حقيقة ماعطيته اهتمام لاني مشغول.
قلت لاخوي ياليت تخليني شوي مشغول وعندي شي لازم اخلصة وبعدين اجيك.
في الفترة هذي كنت قد اقتحمت الجدار الناري الثاني واذا بالفايلات كلها قدام عيني ... استغربة استغراب شديد وشلون البنتاقون بهذه الدرجه من الهشاشة لكن يبدو ان الاختراق السريع راجع لاني استخدمت برتوكول التي سي بي أي بي نظام (البوكتات) مما سهل علي طريقة الاختراق وكان ايضا لدي معجم يحوي ملاييين الكلمات وبرنامج يحاول التوصل الى كلمة السر بسرعة خياليه كنت قد صممته بنفسي مما ساعدني على الوصول لهدفي بسرعة وسهولة .
كنت حاط نصب عيني واهم حاجه على شان انهم مايتتبعوني اني امسح جميع اللوق فايلز ونجحت في ذلك .. عموما
انا ماكنت حقيقة اعرف وش ابي اخذ من الفايلات لاني مااعرف وش عندهم لكن قمت بنسخ بعض التكست فايلز وفايلات الصور اللي كانت موجوده ونزلتها بسرعة حتى اكتملت في جهازي وبعدها سويت قطع للاتصال وطفيت الجهاز.
رحت لاخوي اللي اكبر منّي وطبعا اخوي مااقدر اخبي عليه شي ابد ... قلت له تدري فيه واحد سوى ارباك للبنتاقون !
قال من؟!!
قلت له انا ...
قال صحيح ... قلت ايه نعم صحيح .. وعلشان اثبت لك تعال نطالع سوى وش في الفايلات اللي سويت لها داوون لود من السيرفر حقهم.
قال يالله مشينا
رحت للكمبيوتر وشغلته ورحت لمكان االفايلات اللي نسختها من موقع البنتاقون .
واذا بالمفاجئة ...!!! شي ماتخيلته ... الى هذه الدرجة وصلت بالبنتاقون انهم يحتفظون بأشياء عنّا ماتوقعونها ابدا؟؟!!!
شي خيالي مااحد يتوقعه !!!
انا واخوي ماتصورنا اللي شفناه
شوفو وش حصلنا
..
..
..
..
..
..
1- صك أرض بحي النسيم
2- صك إعاله
3- صك حصر ورثة
4- منحة في الدخل المحدود ممسوح الاسم الاصلي ومحطوط اسم ثاني (شكلها مغيّره).
5- صورة واحد سعودي
6- كريكاتير الهليّل
7- ملفات وورد فيها حب وغرام وهيام !!!
8- ملف وورد فيه كم هائل من ارقام البركسيات
استغرب اخوي مرة ... وانا هم استغربت بعد!! معقوله وصل الامريكان لهذه الدرجه انهم عارفين كل شي عنّا .. قلت لحظة يااخي خلني اشوف برنامج الاختراق اللي عندي وبعد التحري من الايبي ادرس اللي في البرنامج لقيته..........
..
..
..
..
..
.. يخص سيرفر البلدية اللي في جنب بيتنا !!! لاني نسيت الاي بي للبلدية في البرنامج ولا غيرته.
طبعا اخوي درى وش السالفة وعينك ماتشوف الا النور.
[اخوي] بنتاقون انت ووجهك هاه ... البلدية اللي في جنب بيتنا .. بنتاقون هااااه
[أنا] لحظة يااخي ......... المسألة ...فيهـ....
[اخوي] اقولك شب (شت أب) بس هذا اللي فالحين فيه ماعندكم الا الكلام الفاضي
[اخوي] انتو حق نت بص هالبرنامج الخايس اللي كل من هب ودب صار يتجسس على المسلمين .. ياخي جهازي صفارات الانذار فيه ماتسكت كل شوي وواحد يحاول يدخل على جهازي ..
[أنا] يابن الحلال خلني اقولـ ............
[اخوي] اسكت لا أصنك على عينك الحين .. تدري من اللي اربك البنتاقون ؟
[أنا] من ؟!!
[اخوي] هذولا عيال الصرب يوم صار الحرب عليهم خلو النظام الالكتروني الامريكي يرقص على كراع (قدم) ..ودوة صفرات الانذار في البيت الابيض والبنتاقون والاف بي اي والسي اي ايه .... و و و
[اخوي] جيدين على كمبيوترات الناس المساكين ... كم مسكين دمر جهازة وسرقت اسراره وفضحوه في الله وخلقه
[اخوي] لا وما عاد الا كمبيوتر البلدية بعد.. !!
[أنا] عاد وش نسوي فيهم سيرفراتهم كذا .. قديمة من على عصر جدي يشغلونها اما بنتع كنها ددسن فاضيه بطاريتها ولابالهندّل .. اي واحد صغيّر مبتدأ في الهاكنق ممكن يوقفها عن العمل.
[اخوي] اقول مالت عليكم !! طيب هذي فيها اسرار وملفات خاصة!
[أنا] قلعتهم اما يحطون كمبيوترات مثل الناس ولا لاعاد يستخدمون الكمبيوترات
زعل اخوي علي وطلع وهو يتحلطم ويقول ... قال بنتاقون ...قال ...
........................................ ...................... انتهى
ايها الاحبّه .. طبعا القصة سابقة الذكر كانت من بنيّات افكاري ولم يحصل منها شيء .. ماحنا كفو .. نغزو البنتاقون .. عموما .. قمت بتدوين عدد محاولات الاختراق لجهازي الشخصي ووجد رقم خيالي وشيء عجيب
اكثر من 20 محاولة اختراق لكل ساعة. وشباب صربيا وقفو سيرفر البنتاقون اكثر من الساعة.
فما رأيكم انتم ؟






المواضيع المشابهه
الموضوع كاتب الموضوع المنتدى مشاركات آخر مشاركة
لماذا لا يحترق الماء شروق الامل المنتدى العام 10 01-06-2016 02:54 PM
لماذا لا يحترق الماء ؟؟ عمر البرايجي شؤون ثقافية واقتصادية 9 08-03-2010 02:14 PM
البنتاجون يضع خططا عسكرية لمواجهة تفشى أنفلونزا الخنازير عمـر المنتدى العام 1 29-07-2009 10:53 PM
شاب يشرب الكحول ثم يحترق فمه abdoali232 المنتدى العام 0 07-05-2006 06:50 PM
هاكر سعودي يخترق صحيفة جلانز بوستن الدنماركية لإسائتها للنبي محمد jabour اخر الاخبار في العلوم والتكنولوجيا والتقنية 2 29-01-2006 07:25 PM
03-05-2008, 10:42 PM
عبدالرحمن غير متصل
VIP
رقم العضوية: 75917
تاريخ التسجيل: Apr 2007
المشاركات: 6,088
إعجاب: 3,541
تلقى 1,516 إعجاب على 575 مشاركة
تلقى دعوات الى: 209 موضوع
    #2  

مثل ماوقع لى ................ولكن رن جرس المنبه .......ولولا جرس كنت ابهدلهم...............معليهش مازالت اليالى بيننا يابنتاقون


على المرى ان يسامح أخاه فكلنا من ادم عليه السلام وادم من تراب

04-05-2008, 09:37 AM
القمر غير متصل
الوسـام الماسـي
رقم العضوية: 25856
تاريخ التسجيل: Sep 2005
المشاركات: 2,576
إعجاب: 614
تلقى 505 إعجاب على 147 مشاركة
تلقى دعوات الى: 1 موضوع
    #3  


هههههههه

قال بنتاغون قال

قم بس قم

تحياتي
القمر


04-05-2008, 01:40 PM
فارس غير متصل
عضو ذهبي
رقم العضوية: 29464
تاريخ التسجيل: Dec 2005
المشاركات: 782
إعجاب: 239
تلقى 95 إعجاب على 20 مشاركة
تلقى دعوات الى: 0 موضوع
    #5  

هههههههههههههههههههههه
أن شاء الله نخترقهم و عمليا و ليس بالأنترنيت فقط


04-05-2008, 02:47 PM
Usama baZ غير متصل
مشرف منتدى البرامج
رقم العضوية: 64128
تاريخ التسجيل: Feb 2007
الإقامة: Riyadh
المشاركات: 6,020
إعجاب: 2,923
تلقى 2,465 إعجاب على 554 مشاركة
تلقى دعوات الى: 577 موضوع
    #6  

تسلم اخي


ههههههههه

:big grin:

انا ما انام يوميا حتي اخترق البتاجون 3 او 4 مرات



وَاذْكُر رَّبَّكَ إِذَا نَسِيتَ


04-05-2008, 08:30 PM
odry غير متصل
عضو مميز
رقم العضوية: 24589
تاريخ التسجيل: Aug 2005
المشاركات: 203
إعجاب: 12
تلقى 20 إعجاب على 12 مشاركة
تلقى دعوات الى: 1 موضوع
    #7  

لا شيء مستحيل يا اخوان

اخرة مرة قامت مجموعة جزائرية تسمي team dz بأختراق بنك اسرائيل وقد وضع الخبر علي اكبر الصحف العالمية واعتبرته اسرائل سابقة خطيرة ..........لا يوجد شيء اسمه المستحيل


 


شاب سعودي يخترق البنتاجون الأمريكي

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.