الحالة
موضوع مغلق

mfriday

قلم رصاص قديم
التسجيل
16/2/06
المشاركات
18
الإعجابات
0
#1
صاحبى اللى ذى القمر


ساعات بحس ان انت مش ذى البشر
و ان البشر.. كل البشر جواك متنطورين
ما بين دمعة عينيك اللى ياما بلت المناديل
و ألامك المستحية من حلاوة الروح
بتأن من غير نوح ، و تحب تبنى الحياة
حتى فى ساعات الضيق
تاخد بإيد اليوم و تعدى بيه الطريق
يبلغ مناه القلب و ينسى يومك شقاه

ساعات يقدر علية الهم و الأحزان
و اشتاق خضار العمر ف عيونك
تفرد لى كفك طبطبة بعرض الفضا
تفرش لى قلبك مصطبة للبوح
أنام على صدرك لحظة غروب الحياة
فتمد إيديك فى صدرى
تسحب أنين الأه
و تحنى قلبى بالقمر

ساعات باحس ان انت مش ذى البشر
و ان القمر زيك تمام
مغرم ألام
باسط فى قلب الليل سناه
يغسل ألام المجروحين
و يحنَن الليل و القدر
فيحن له قلب الغمام ، ينزف مطر
ع الأرض يولد حياة
و يبل ريق ورقة شجر


ساعات بحس ان انت مش ذى البشر
وكتير بحس انك قمر
 

abu-mosa

موقوف
التسجيل
28/3/07
المشاركات
2,074
الإعجابات
639
#2
مشاركة: صاحبى اللى ذى القمر

شـكـراً وبـارك الله فـيـك كلمات رائعه<?xml:namespace prefix = o ns = "urn:schemas-microsoft-com:eek:ffice:eek:ffice" /><o:p></o:p>
 

ماهر 2010

عضو جديد
التسجيل
14/1/08
المشاركات
23
الإعجابات
0
#3
مشاركة: صاحبى اللى ذى القمر

ساعات بحس ان انت مش ذى البشر
وكتير بحس انك قمر
مشكور أخوي على الخاطرة الرائعة

يعطيك الف عافية<!-- / message -->​
 
الحالة
موضوع مغلق

أعلى