الحالة
موضوع مغلق

اسكي

عضو جديد
#1
صباح الخير يا مستشارين

كنت محتاج نصيحتكم في موضوعي انا شاب اتجوزت من سنه واربع شهور تقريبا عقدت مع مراتي حوالي ربع شهور ومن اول ما دخلت ودخلت معايا مشاكل مع ابو مراتي المهم انهم دلوقتي طالبين الطلاق وهيا حامل في الشهر السابع وزي المعروف انا مقدم شبكه بـ15 الف من سنتين + مجهز اربع غرف + كاتب علي نفسي موخر 3 الف :832:
ولاد الحلال من الناس اتدخلوا لغايه لما نزل من القايمه غرفه ( خشب بس يعني من اللي انا جايبه )
ودلوقتي هما عارضين يسيبولي غرفه من الاربعه وياخدوا كل حاجه باقيه + الموخر
* مع العلم ان البنت مش عاوزه تتطلق بس طبعا ماشيه ورا ابوها وابوها قافل عليها البيت لا خروج ولا دخول ولا مكالمات ليا وهيا زي الهبله وراه
-- انا تقريبا مبشتغلش لاني مدرس بالحصه واكل عيشي بيجي بشغلي الخارجي ومحدش يقدر يثبته عليا
-- والشقه اللي ساكن فيها بيت اهلي وواخد فيه شقه

مش عارف اعمل ايه انا قلبي محروق اتجوز سنه وشويا وقعدت مع مراتي ميجيش ثلاث شهور وفي الاخر ادفع كل اللي ورايا واللي قدامي

** علي فكره محدش يقولي حلها ودي انا حاولت واللهي وحتي خليت البنت تكلم ابوها بس زي اللي بيقول لغايه لما يجي ويبوس رجلي هوا واهله وبعدين افكر :mad:

ساعدوني الله يرضي عليكم اقوله لا مش موافق واخليه يروح المحكمه ولا اوافق علي العرض ده
 

gamal gamal

محامى ومستشار قانوني
#2
مرحبا بك أخى اسكي
ومن الآخر :- طريقين فقط اختر ما شئت منهم :-
الأول :- عن طريق المحكمة :-
1-ستأخذ هى كل ما ورد فى قائمة المنقولات 0
2-ستحصل هى على نفقة زوجية محترمه شئت أم أبيت !!!
( اثبات الدخل الشهرى عن طريق جهة العمل وغالبا ما يكون مرتب تعبان ) معذرة
( والأهم هو اثبات أن سيادتك بتعطى مجموعات تقوية ودروس خصوصية ويتم ذلك
عن طريق مخبر فى قسم الشرطة التابع له محل إقامة سيادتك 0 )
يعنى من الآخر ها يشوف الخمسين جنيه 0 ها يكتب لك أن سيادتك وزير التربية والتعليم
ودخلك لا يقل عن ( ثلاثة آلاف جنيه شهريا ) 000 وهذا ما توصلنا إليه !!!!
4-بعد كام شهر ستعدل طلباتها فى دعوى النفقة إلى نفقة صغير أيضا !!! وادفع يا بطل
( وكما هو المعتاد لن تدفع اختياريا 0 وسترفع هى دعوى حبس عن متجمد النفقه !!! )
وفى الآخر ها تدفع ها تدفع !!!!
5-وهذا هو الأهم /- ان كنت أسأت أنت فى اختيار زوجتك وأهلها !!!
فما ذنب ابنك / ابنتك من هذا الاختيار !!!!!!!!
= وان ذهبت الى محاميك أقصى ما يمكن له فعله لك هو انذار الطاعه أولا وآخرا 0
وانت وحظك !!! وان ربحت دعوى الطاعة فسيترتب عليها فقط اسقاط نفقة الزوجه الشهريه0

وعندها سترفع هى دعوى بالطلاق وبشاهدين اى كلام ستحصل على حكم بالطلاق
وعندها ستتفضل مشكورا ورغما عنك بانتظار الدعاوى الآتية :-
1-دعوى نفقة عدة 0
2-دعوى نفقة متعه 0
3-دعوى مؤخر صداق 0
4-دعوى أجر مسكن وأجر حضانة 0
وبعد مرور سنتين تقريبا ستنتظر سيادتك الدعاوى الآتية :-
1-عوى زيادة مفروض لغلاء الأسعار وخلافه 0
2- دعوى مصاريف تعليم ( حضانة / مدرسة ) وخلافه !!!
3-دعوى مصاريف علاج ( لاقدر الله اذا أصاب ابنك مكروه ) 0

الثانى عن الطريق الودى :-
ها تطلع من الورطة دى بغرفة ( خشب فقط ) !!!!
وها توفر على نفسك البهدلة !!!!!!!!!!!!!!!!!!!!!!!!!!
وعلشان يعجب ماما جيهان وماما سوزان وماما 0000
الله أعلم مين الى ها تشرفنا بعد كده !!!!!!!!!!!!!!!!!!!!!
وخلاصة الأمر:-
أن هناك حلولا إلاهية وربانية نعجز نحن عن مجرد توقعها فى حل الخلافات الزوجية بين
بنى البشر فى هذه الأيام 00 وقاعدتى الأصلية فى هذه المشاكل أن :-
الخلافات الزوجية لا يمكن التنبؤ بما ستنتهى إليها !!!!
ولا يمكن توقع ما سيفعله الطرف الآخر بك !!!!!!!!!!!!!!!

اختر ما شئت أيها الأخ الفاضل
فأنت من ستتحمل نتيجة اختيارك !!!!
وابنك حتما سيتحمل نتيجة اختيارك !!
ومجتمعك حتما سيجنى نتيجة اختياركم
أنت وأبوهـــــــــــــــــــــــــــــــــا
وتذكر التسريح باحسان فى حالة استحالة
العشرة بين الزوجين هو اختيار أولو العلم
والفضل والخلق الكريم 0 فرب مطلقة اليوم
هى زوجة الغد 0 أو ام ولدك الذى سيرى النور
قريبا 0000
فاحرص على أن يراه نورا 000
وأن لا يراه نارا 00000000000
ولله الأمر من قبل ومن بعد 0
 

gamal gamal

محامى ومستشار قانوني
#3
ترى كيف أصبحت الأمور أخى اسكى
نرجوا من الله أن تكون على ما يرام
 

abu-mosa

موقوف
#4
مشاركة: اروح المحكمه ام اقبل بالحل الودي +خساير

شـــكــــراً لــك
 

gamal gamal

محامى ومستشار قانوني
#5
مشاركة: اروح المحكمه ام اقبل بالحل الودي +خساير

عفوا أخى ابو موسى
 
الحالة
موضوع مغلق

أعلى