الحالة
موضوع مغلق

sharara

عضوية الشرف
#1
الحمد لله والصلاة والسلام على رسول الله

عملنا الـ active directory على الـ domain controller ولله الحمد
طيب السيناريو ح يمشي ازاي بعد كده ؟
ح نضيف الاجهزه للشبكة .
طيب ح يعرفوا بعض ازاي ؟
في الاول لازم ح نديهم IP من نفس الـ range .
وضح شويه ؟
يعني لو ال DC واخد IP : 192.168.1.1 يبقى ممكن ندي للجهاز الاول اللي عايزين نضيفه للشبكة اي بي : 192.168.1.11 على اساس ان الايبيهات من 2 : 9 ح نحجزها لاي سيرفرات تانيه في الشبكه .
طيب والجهاز التاني ؟
ح نديله 192.168.1.12
ايوه لكن انا عندي 80 جهاز في الشبكه و مش كلهم في مكان واحد ؟
يبقى قدامك حاجه من اتنين :-
اما انك تشتري سكوتر تلف بيه على الاجهزه
او تشغل ال DHCP
نسيبنا من الحوارات و ندخل على ال DHCP هو اختصار لـ
Dynamic Host Configuration Protocol
ومهمته باختصار انه يدي ايبيهات للاجهزة على الشبكة بديلا من ادخالها يدويا , يعني بدل ما تلف بالاسكوتر على 80 جهاز وتدخل الايبيهات ليهم يدوي , بتخصص جهاز و تخلي فيه خدمة ال DHCP و بعدين بتظبط فيه انه لما يدي للاجهزة ايبيهات من رقم كذا لرقم كذا و بعد تنشيط الخدمه اللي بيحصل كالتالي :-
جهاز ال client اللي عايز IP بيبعت على الشبكه يقول يا جماعه انا عايز IP يرد عليه ال DHCP ويقوله طيب خد الايبي رقم 212.102.14.3 ( مثلا ) يقوله شكرا و يبقى الايبي ده بتاعه
ييجي الجهاز التاني يقول وانا كمان يرد ال DHCP يقول له ما تزعلش وانت كمان ليك عندي اي بي مميز 212.102.14.4 وهكذا
طبعا لازم نكون عاملين اعداد لل client انه يطلب اي بي
طيب نفترض اننا عملنا اعداد لل client انه يطلب IP من ال DHCP ولكنه فوجيء بعدم وجود سيرفر DHCP على الشبكه ؟
الحل ساعتها في ابيبا APIPA واسمها بالكامل Automatic Private IP Addressing
ودي عباره عن خاصيه اضافتها ميكروسوفت لاصدارات الويندوز المختلفه و دي بتتيح اعطاء اي بي للاجهزة على الشبكه في حالة تعطل او عدم وجود سيرفر ال DHCP فاوتوماتيك ال APIPA بتتدخل وتدي للاجهزة IP وبتكون الايبيهات في ال Range من 169.254.0.1 الى 169.254.255.254 , الجميل في الموضوع انه بمجرد تشغيل ال DHCP بيتم تعديل الايبيهات االي الاجهزة اخدتها من ال APIPA و تغييرها بما يتناسب مع ال DHCP Range
طبعا خدمة ال DHCP ممكن نخصص لها جهاز بمفرده على الشبكه لو عايزين نقلل الضغط على الدومين كونترولر لكن في حالتنا دي الموضوع مش مستاهل
وطبعا بالمناسبه في برامج كتير ممكن تشتغل DHCP وده ح نعرفه ان شاء الله في دروس قادمه ومش كده وبس لكن كمان ال router بيكون في الخدمه دي
كفايه كده ونرجع لاول الدرس بعد ما نزلنا الاكتيف ديريكتوري لازم ننشط ال DHCP على ال DC
في ال admin. Tools نختار DHCP



ح نلاحظ ان السيرفر موجود لكنه غير نشط وده ح نلاحظه لو حاولنا نعمل دابل كليك عليه






علشان ننشطه بنحتاج الاول نعمل له authorize بمنتهى البساطه



وطبعا حسب سرعة الجهاز
في حالتي دي الجهاز كان بيحتضر, نقفله


ونرجع نفتحه



وابتدت الماكنه تطلع قماش



تاني حاجه علشان نشغل ال DHCP اننا نضيف له SCOPE و ح نفهمها واحنا بنعملها
كليك يمين تاني على السيرفر و نختار NEW SCOPE

ومع ميكروسوفت حياتنا كلها ويزارد



نختار اسم ال SCOPE



ومن هنا بنحدد له ال IP Range وهو نطاق الايبيهات اللي مسموح له انه يوزعه على الاجهزه
وزي ما في الصوره فهو من حقه انه يدي للاجهزه ايبيهات من 192.168.1.11 لغاية 192.168.1.100
لاحظوا اني حجزت الرينج من 192.168.1.2 الى 192.168.1.10
طبعا ما ننساش نراجع ال subnet mask



ونقدر كمان نستثني من الرينج مجموعه من الايبيهات ما يديهاش لحد



بعد مادخلنا اليبيهات المستثناه بنضيف add



عمر الايبي اللي ح يديه للجهاز قد ايه
يعني نفترض ان ال DHCP ادي IP لجهاز PC12 ح يفضل ال DHCP حاجز الايبي ده للجهاز PC12 مده قد ايه
ال default 8 ايام
وطبعا مادمنا احنا بنحب البراح و البحبحه ييجي واحد مننا يفتكس ويعمل المده 100 يوم
طبعا قبل المده ما تخلص اطلبوا للشبكه الاسعاف , ليه ؟
لان معنى كده انه ممكن تكون اجهزة كتير خرجت من الخدمه واصبحت بره الشبكه ورغم كده محجوز لها ايبيهات و النتيجه ان ممكن ال DHCP يكون مش قادر يوزع ايبيهات على الاجهزه اللي بتنضاف على الشبكه لان ال Range بتاعه استنفذ كله في الجهزة اللي خرجت من الخدمه خلال ال 100 يوم وال DHCP لسه حاجز لها ايبيهات
يعني الخلاصه سيبها على default



وهنا مهم جدا الاعدادات الاضافيه



مش ح نعمل راوتر , سيبها فاضيه ودوس next



ال DNS Server ولو تفتكروا احنا نزلناه مع ال DC علشان كده ح ياخد نفس اي بي ال Domain controller



ممكن نكتب الايبي او الدومين او اسم السيرفر , وبعدين next



مش محتاجين wins لانها خلاص راحت عليها



نختار تنشيط ال scope



وبعدين finish



و الحمد لله اشتغلت



هنا يبان الرينج



ولما ال DHCP ح يدي ايبيهات لاجهزة ح تظهر هنا



ولو اخترنا reservations نقدر منها نخصص اي بي محدد لجهاز معين
ونجهز نفسنا للخطوه اللي جايه باذن الله

اللهم اجعل كل اعمالنا خالصة لوجهك الكريم
والله المستعان
سبحانك اللهم وبحمدك , أشهد ألا اله الا أنت , أستغفرك وأتوب اليك
 

alamosha

عضو فعال
#2

كالعاده مميز
واعزرني ان كان كلامي مكرر فأنا لا اجد ما يعبر عن تقديري واعجابي بك
بارك الله فيك اخي وجعله في موازين حسناتك
ورحم الله والدتك وامواتنا واموات المسلمين
وجعل كل اعمالك خالصة لوجهه الكريم
 

ahmed_asg

عضو محترف
#3
اللهم اغفر لك ولوالديك وللمسلمين أجمعين
 

ابو سليمان

الوسـام الماسـي
#4
كل التقدير استاذنا الغالي
 

sharara

عضوية الشرف
#5
شكرا لكم اخوتي على المرور
 

mohamedzebak

عضوية الشرف
#6
رائع و مبدع اخي شرارة جاري التدريب و بانتظار الجديد

جزاك الله خيرا
 

jabour

مشرف سابق
#7
thanks a lot my dear
 

الأسمري

عضو ذهبي
#8
بارك الله فيك أخوي shrara
 

abas_elgen

عضو محترف
#9
دائما مبدع
شرح سهل وسلس يفهم من أول مرة
بارك الله فيك أخي الكريم ونفعك بعلمه
وإلى الأمام دائما
 

roka

عضو جديد
#10
جزاك الله خير الجزاء
 

ahmdatef

عضوية الشرف
#11
بارك الله فيك أستاذنا العزيز
 

abdelw1

عضو مشارك
#12
جزاك الله خير و جعله في ميزان حسناتك
 
hatem20

hatem20

عضوية الشرف
#13
مشكوووور أستاذنا الغالي شرارة
 

hassanmax

عضو جديد
#14
شكرا لك اخي sharara
وبارك الله فيك ونفع بعلمك
 

القمر

الوسـام الماسـي
#15
شكرا بل ألف ألف شكر
على السلسلة الكاملة من الشروحات
مع تحياتي
القمر
 

mohhar

عضو مشارك
#16
اللهم اغفر لك ولوالديك وللمسلمين أجمعين و جعله الله في ميزان حسناتك
كل كلمات الشكر لا تكفيك اخي العزيز شرارة
 

gadco

عضو مشارك
#17
مشكورا اخى
 

لورنس العرب

عضو ماسـي
#18
مشاركة: 9 - تشغيل الـ DHCP

 
الحالة
موضوع مغلق

أعلى