الحالة
موضوع مغلق

فتاة الاسلام

عضو ماسـي
التسجيل
25/4/07
المشاركات
1,460
الإعجابات
84
#1
بابا محمد حسني مبارك




أبي الحبيب حسني مبارك مقدمه لسيادتكم برعم نشأ فى عهدكم وتربى فى كنفكم وشرب من بحر علمكم وحكمتكم التى أذهلت العدو قبل الصديق تسمح لى أقول لك يابابا ؟ بابا أنا تعبان قوى ....لأ مش سنانى دى ودانى !!!...أيوه ودانى....أصلى سمعت كتير قوى عن حاجات حلوة حتحصل لنا وما حصلش منها حاجة ...حقول لك شوية حاجات منها واخواتى هنا يمكن يحبوا يزودوا عليها شوية حاجات تانية جايز أكون نسيتها ... بابا مش عايزك تزعل منى علشان فتحت لك قلبى



(1)

بابا...مصر فى السياسة والإقتصاد وحتى فى الرياضة بقت فى الحضيض .. بقينا زبالة يابابا صدقنى

(2)​

الدول اللى كانت محدش بيسمع عنها خالص بقت أحسن مننا بكتير قوى يعنى دول زى الهند ...الفلبين ...حتى تايلاند عندهم إيدز وبرده بيشتغلوا وبيصدروا كمان .... إنت نمت يابابا .....لسه صاحى... طيب أكمل

(3)​

بتشوف قناة الجزيرة والعربية ودبى يابابا....شوف همه وصلوا وبقوا إيه واحنا بقينا إيه....الإعلام بتاعنا بقه زبالة بصراحة ...تفتكر ده من إيه... تفتكر ده من النفاق اللى انس الفقى معيشك فيه يا بابا ولا ايه .... يا بابا اصحى وفوق بأه

(4)​

المصريين اللى عايشين بره محدش بيسأل فيهم خالص يابابا....تصور لو حد منهم مات ...السفارة ما بترضاش تبعت جثته إلا لو الناس لمت من بعضها ودفعت المعلوم......ده غير إن سفاراتنا بتعاملهم بطريقة أخر جليطة وقلة حيا بصراحة... مش مصدقنى .... طب اقوللك اخر حاجة ... اللى حصل فى الكويت والمصريين اللى اتعذبوا .... طب سيبك من ده الناس اللى فى ليبيا ... الصراحة يا بابا شكلنا بأه وحش خالص .... اعمل حاجة

(5)​

إحنا مابنزرعش قمح ليه يابابا ؟؟؟....أنا عارف إنك بتحب الكنتلوب علشان طعمه أحلى.. مش مهم​

(6)​

بابا...بيقولوا إن إسرائيل ممكن ترجع تحتلّنا تانى علشان المعاهدة اللى عموا أنور مضى عليها دى.....مينفعش تلغيها يابابا وندخّل جيش مصرى فى سينا



(7)​



هوه ليه عمو عمرو خالد وأنكل يوسف القرضاوى ملهمش برامج على التليفزيون المصرى يابابا؟؟؟.. ليه كل البرامج بتطلع فيها روبى ونانسى ودينا؟؟؟....طب عمو طنطاوى ما بيزعلش لما بيشوف الحاجات دى يا بابا



(8)​



فيه إشاعة بتقول إن عدد الجراد اللى هاجم مصر 70 مليون جرادة يعنى نفس عدد شعب مصر وإن عمو كمال الشاذلى هوه اللى بعتهم علشان يقولوا نعم يامبارك .... صحيح إنهم كتبوا لك مبايعة على ورق الشجر يابابا



(9)​



بابا.. وزير الزراعة الجديد ده باين عليه فقر وقدمه نحس.. اوعى تفرط فيه يابابا لأنه بقى أملنا الوحيد

(10)​

بابا ... ليه اعتقلت عمو خيرت الشاطر يابابا وحطيتوا لتانى مرة فى محكمه عسكريه .... هو عمل ايه ... عشان بيقول الاسلام هو الحل .. ولا عشان يا بابا وحش وارهابى .... عايز اعرف الحقيقه يا بابا .... هما صحيح الجماعه اياهم ... محظورين من المجتمع .... طب ازاى يا حبيب قلبى يا بابا وهما عندهم 88 مقعد فى مجلس الشعب .... بابا انت لخبطلى دماغى ... فهمنى عشان خاطرى ... فهمنى عشان انا مش بقيت فاهم ....



(11)​



انت عارف يا بابا عمو حبيب العادلى ده ... قلب اسود .... شوفت يا بابا عمل ايه .... موت طفل عنده 12 سنه فى قسم البوليس .... شوفت .... عذبوه يا بابا لحد لما مات .... هو عمل ايه يا بابا .... يا بابا عمو حبيب العادلى ده راجل قلبه قاسى اوى .... هات واحد قلبه طيب عشان خاطرى يا بابايا



(12)​



بابا...إنت صحيح ناوي تجدد تاني ؟؟؟




باباااااااا......سيب شعرررررري ياباباااا.......مين الناس دول ياباباااااااااهمّا واخدنى ورايحين​



منقوووووووول

وربنا يستر علينا من ....
. .
 

pepsi_labeb

عضوية الشرف
التسجيل
17/2/06
المشاركات
2,286
الإعجابات
1,150
#2
والله يا أختي الكريمة , مع أن كلماتك قد تحمل بعضا من السخرية والضحك

إلا أنها تدمي قلبي وتفتح فيه جروحا غائرة لايمكن علاجها فأنا حزين جدا علي ما صارت عليه أحوالنا

والله إنها غمة بل كابوس يعيشه الشعب المصري , ولكن إن شاء الله سوف يكون هناك فرجة لهذه الغمة

ولاتشغلي بالك ببلاد أخري لا أصول لها فنحن قادرين علي اللحاق بهم والتفوق عليهم (في وجود قيادة حكيمة)

فلن تستطيع أمم عمرها 500 عام أن تمحو أمة صنعت التاريخ ( طبعا لا أقصد بذلك إخواننا العرب )

وبمناسبة موضوعك هذا ربما أحكي لكم قريبا موقف لي مع الشرطة المصرية

تحياتي ومشكورة علي النقل المميز
 

فتاة الاسلام

عضو ماسـي
التسجيل
25/4/07
المشاركات
1,460
الإعجابات
84
#3
شكرا علي مرورك يا pepsi_labeb
اسعدني مرورك و الله
علي فكره انا مستنيه موقفك مع الشرطه
 

حور الجنة

عضو جديد
التسجيل
6/9/07
المشاركات
11
الإعجابات
0
الإقامة
بلاد المسلمين
#4
ياأختي والله انها لحقيقه يارب فرج هذه الغمه اللهم اعز الاسلام والمسلمين
وجزاكي الله خيرا
 

فتاة الاسلام

عضو ماسـي
التسجيل
25/4/07
المشاركات
1,460
الإعجابات
84
#5
جزاك الله خيرا علي مرورك يا حور
اسعدني مرورك والله
بس احنا بنحب بابا
و ماحدش يقدر يقول غير كده....
ولا ايييييييييييييييييه ؟؟!!!
 

رؤف

عضو ذهبي
التسجيل
30/4/07
المشاركات
822
الإعجابات
110
#6
صعبان عليه الطفلة ده قوى عمال يكلم بابا

وبابا ولا سائل فيه واخرت المتمه راح إصحاب بابا

شدينوا من شعره ومجرجرينه للبدروم علشان بابا مش بيحب الأطفال


اللى من النوع ده


فتاة جهزى حالك شكلك مشدوده من شعرك وراحه مع إصحاب بابا على البدروم


إبقى أطلبى من بابا يسمحلك بدخول لاب توب علشان متفقدكش البوابة

علشان هى مش ناقصة

روعة النقل فتاة كنتى مخبية الكلام ده عنا فين


ولا تيأسى فأن فرج الله قريب
 

Dr Dana

عضوية الشرف
التسجيل
7/1/07
المشاركات
1,975
الإعجابات
382
#7
شكرا جزيلا على الموضوع
والنقل الموفق والمميز
ننتظر جديدك
 

pipoo2010

عضو مشارك
التسجيل
13/9/06
المشاركات
28
الإعجابات
4
#8
بسم الله ما شاء الله
بارك الله في الكاتب و الناقل
فقد كان هذا صوت أكثر من سبعين مليون شخص


كيف أبدي بأحرفي ما أريد و بماذا تراه يحكي القصيد
كل يوم تدق بابي عـظـات و يهـز الـفـؤاد خطب جديد
 

hany hassien

عضو فعال
التسجيل
8/1/07
المشاركات
196
الإعجابات
13
#9
'',

مشكوررررة أختى فتاة الاسلام على موضوعك الجميل الذى أعجبنى كثيراُ بأسلوبه الجديد
كما أعجبتنى أيضاٌ الردود من الاساتذة والزملاء ... لان الاشياء التى وردت فى الموضوع
وفى الردود هى الجحيم الذى يعيشه الشعب المصرى الكادح .. الصابر ... الذى يجرى على
قوت يومه فى رحلة عذاب يومية ... وفى النهاية يجد الذل والمهانة .. فى الداخل من حكومة بابا
ودخلية بابا ... وشرطة دخلية بابا . :eye: :eye: .. وفى الخارج مع الاسف من الاخوة الإشقاء :310: :310: :310:
وأدعوا الله أن ينتهى هذا الكابوس سريعاُ فشعب مصر لايستهل كل هذا ........ . . . . . .
ورغم هذا عمار يامصر.... عمار يامصر
 

فتاة الاسلام

عضو ماسـي
التسجيل
25/4/07
المشاركات
1,460
الإعجابات
84
#10
جزاكم الله خيرا عالمرور يا شباب
اسعدتوني بالمرور الجميل ده
Dr Dana و pipoo2010 و hany hassien
 

فتاة الاسلام

عضو ماسـي
التسجيل
25/4/07
المشاركات
1,460
الإعجابات
84
#11
و الله يارؤف انا خايفه بعد الموضوع ده
و عندي احساس ان شعري هيطلع
و هابقي قرعه وانظف من الصيني بعد غسيله


وانا مش يائسه الحمدلله
لاني لقيت ناس فايقه زيكم
 

تحسين

عضو جديد
التسجيل
15/9/05
المشاركات
17
الإعجابات
0
#12
اتمنى ان يوصل كلامك الى بابا المشكلة مش منه المشكلة من اللي حوالية واللي بوصل الكلام اله وانه الوضع تمام وكل حاجه مزبوطة ولو بقدر يتخفى وينزل على الشوارع العامة ويشوف بعينه راح تشوفي التغيير اكيد زي حبيبنا وملكنا هنا في الاردن بينزل وبروح وبشوف احوال الناس وهو متخفي وما بتلاقي الا وامر بتحسين المنطقه الى راح عليها من مستشفيات ودوائر حكومية وبحاسب المسؤل فلان والوزير علان بيد من حديد بتصدقوا يا جماعة انه ملكنا الحبيب مرة تخفى وسوى حاله رجل عجوز ووقف على الدور في مستشفى حكومي وصار يسمع شو بيحكوا المواطنين عن خدمات المستشفى تاني يوم كان في تغيير كبير بالمستشفى للافضل بالنسبة للمواطن اتمنى من كل مسؤل امام الله يحذوا حذو ملكنا الحبيب ويشوف البلاوي الى متخبية تحت كل اشي تمام يا فندم
 

فتاة الاسلام

عضو ماسـي
التسجيل
25/4/07
المشاركات
1,460
الإعجابات
84
#13
اصلا انت مش فاهم يا تحسين....
احنا الرئيس بتاعنا مشغول ومش فاضي خااااااااالص
للي انت بتقول عليه ده ؟؟!!!!
ربنا يكون في عونه
و الحمدلله ياريس الامن مستتب و كل حاجه زي الفل

شكرا علي مرورك ياتحسين
 

حمادة المصري

عضو ذهبي
التسجيل
3/10/03
المشاركات
758
الإعجابات
3
العمر
43
#14
بابا حسني اصله مشغول شويه علشان عمو جمال و جوازه وطنط ليلي اللي دخلت ع العيله و بقت خلاص من الاسرة الفرعونيه

فبابا حسني ملخوم يا عيني معلش ...

ثم انتم زعلانين من الناس اللي ضربت المصريين في الكويت و ليبيا ليه ؟ مش رجعوا لكم تاني ... يعني هو احسن كانوا يغرقوهم زي انكل ما عمل و محدش قرب له خالص ولا يضربوهم ويسحلوهم بس يرجعوا لكم تاني ؟ ... اعتقد اخف الضررين انهم رجعوا لكم تاني مش كدة

بابا حسني حيلاحق على مين ولا مين يعني و يعلق الفلكه لمين .... لوزير التموين اللي يا حرام التجار بيضحكوا عليه ويرفعوا الاسعار من وراة

ولا وزير الصناعه اللي سيخ الحديد بقى استيرادة من بيروت ارخص حتى مع دفع الضرائب

طب تسدقوا يا اولاد انه فرنسا تبرعت لنا بعدد من عربات القطارات الفاخرة ولما وصلت مصر قالوا لهم ادفعوا الضرائب ... قالوا لهم دي هديه ... قالوا ولو ... قالوا طب نرجع بيهم تاني ... قالوا لهم تدفعوا الاول ... عارفين الفرنسويين الشريرين عملوا ايه ؟ ... قالوا للجمارك طظ ورموا العربيات في البحر ورجعوا بلدهم ودة اللي خلى بابا حسني يسافر فرنسا مؤخرا

شفتوا بقى بابا حسني مشغول و مظلوم ازاي و مش عارف يلاحق على بلاوي اللي تحت منه

يعيش الحزب الوطني ي ي ي ... حعيط
 

boom2006

عضـو
التسجيل
16/8/06
المشاركات
2,467
الإعجابات
213
#15
شكرا لك اختي الكريم فتاة الاسلام ..
لا تضني ان مصر وحدها تاعاني اعلمي ان كل العرب والمستعربيين يعانون نفس المشكلة الا المسلميين الغير العرب... فهم كثيرون و هم احسن و اقوى منا بكثير.... في كل شيء والسبب معروف جدا... انهم رحبو بالاسلام بكول قوة و اسلمو لله.. و تركو ما لا يفيدهم ... و عرفو ما معنى هده الاية
(اقرا باسم ربك اللدي خلق ..الي اخر الاية) فهد الاية للسف محرومة منها الامة المسلمة العربية.. كل دى لاجل البقاء يقع التخلف الجهل في الامة المسلمة لاجل بقاء........

و الله لو ان مصر عملت زي الدول المسلمة الاخرى.. المتقدمة لوصلة للقمة في كل الميادين لانها
تملك مهرات و علاماء و الكثير من الامكانيات العقلية لتكون دالك و لاكن لاسسف وقع في ما وقعت فيه الدول الاخرى جارتها الشماليين... وكان التخلف و الاحتقاء و الدكتاتورية......
و صدق ابن خلدون في مقولته الشهيرة.........
و رغم كل هدا فمصر تخيف الاعداء و هناك محاولات لتعطيش مصر ...... على كلام الاستاد و الدكتور هيكل حسنيين.
سلا م عليكم.
 

الرجل المدمر

الوسـام الذهبي
التسجيل
22/11/06
المشاركات
1,513
الإعجابات
191
#16
لا تعليق
 

sharara

عضوية الشرف
التسجيل
23/10/03
المشاركات
1,244
الإعجابات
364
#17


ان الله لا يغير ما بقوم حتى يغيروا ما بانفسهم

مش كده ولا ايه
 

فتاة الاسلام

عضو ماسـي
التسجيل
25/4/07
المشاركات
1,460
الإعجابات
84
#18
شكرا علي مرورك يا حماده المصري و boom2006
و المدمر كمان
اسعدني مروركم والله
 

فتاة الاسلام

عضو ماسـي
التسجيل
25/4/07
المشاركات
1,460
الإعجابات
84
#19
شكرا علي مرورك يا sharara
اسعدني مرورك والله
كده ونص طبعا ان الله لايغير ما بقوم حتي يغيروا مابانفسهم
 

ابو طاجن

عضو مشارك
التسجيل
24/12/05
المشاركات
39
الإعجابات
0
الإقامة
Egypte
#20
لا تعليق
 
الحالة
موضوع مغلق

أعلى