الحالة
موضوع مغلق

sharara

عضوية الشرف
التسجيل
23/10/03
المشاركات
1,244
الإعجابات
364
#1
الحمد لله والصلاة والسلام على رسول الله
من كام سنه فاتت كنت لما تحب توصل جهازين او تعمل شبكه لازم تجيب فني شبكات واسمه في السوق Technician وكانت مهمته انه يقوم بتجهيز ال Duct او المسار اللي ح تمشي فيه الكابلات و يجهز الكابل و يوصل له النهايات الطرفيه و بعدين يجربه و يوصل والحساب ياياشمهندس , لكن النهارده الوضع اختلف واعتقد ان ما فيش IT ما يعرفش يجهز كابلاته علشان كده ح نخصص الدرس ده للكابلات وانواعها وازاي نوصل شبكتنا وايه نوع الكابلات المناسبه لينا بحيث اننا حتى لو ما وصلناهاش بايدينا ( زي الفايبر مثلا ) فاننا ما نسيبش حد يشتغلنا و ان شاء الله بعد الدرس ح تلاقي نفسك بتتكلم في الفايبر و الجيبيك وكمان الباتش بانل
ح نتناول في درسنا اليوم بأذن الله الانواع الثلاثه الرئيسية للكابلات وهي :-
ال كوأكسيال Coaxial
اليو تي بي UTP Cat 5
الالياف الضوئية Fiber optical​


كابلات ال كوأكسيال Coaxial
_
ياه كان زمان .
لا تستطيع الا ان تقول هذه الجمله ممصمصا شفاتك عندما تستمع الى اسم Coaxial فهو البداية بالنسبة لنا و ان كنت لا اعرف هل تباع هذه الكابلات حاليا ام لا ؟ لكن ايه اللي يمنع اننا نتكلم عليها
هي بالظبط تشبه جدا كابلات الدش و نفس التكوين لكن الفرق بينها و بينه في المقاومه الداخليه للاسلاك وطبعا جودة الكابل

وطبعا اي كابل ( ايا كان نوعه ) لازم له وحده نهاية طرفيه ( زي فيشة الكهرباء ما لازم تركب في اخر السلك ) وفي حالو ال Coaxial فان الكابل ينتهي ب BNC و يتم تركيبه في كارت الشبكه ( خلي بالك ان كارت الشبكه لازم يكون خاص بال Coaxial )

و ال Coaxial سرعته up to 10 Mbps وهو عباره عن نوعين اساسيين رفيع وسميك
الرفيع بيديك طول لغاية 200 متر بين ولكن السميك ممكن يوصل اشارة لغاية 500 متر
الميزه الاساسيه كانت في كابلات Coaxial انها بتستحمل , يعني الكرسي بتاعك يدوس عليها رايح جاي ما فيش مشاكل .
ياه كان زمان​

كابلات اليو تي بي UTP Cat 5
_
ركز جامد لان اغلب شغلك ح يكون مع ال UTP وممكن ما تشوفش اصلا اي نوع من التانيين .
مسمى ال UTP اختصارا ل Unshielded twisted pair وده بسبب ان الكابل عباره عن 8 اسلاك متجمعه في اربعة ازواج وكل زوج بيكون ملفوف Twist وكل سلك منهم له لون

والكابل بينتهي بنهاية طرفية اسمها RJ45 ( مثل سلك التليفون ولكن التليفون بينتهي ب RJ 11 )

سرعة الكابل up to 100 Mbps وده بالنسبه لنوع ال Cat5 ( وهي الفئة الشائعه والتي سنعمل بها ) وبالنسبه لل Cat6 ( فئة حديثه ) فسرعته up to 1000 Mbps
ومادمنا نتحدث عن السرعه ناخد بالنا من حاجتين مهمين جدا :-
الاولى : ان السرعه بتكون بال Bit وليس بال Byte
الثانيه : ان السرعه لما يتقال عليها Up to معناها ان ده الحد الاقصى للسرعه وليس السرعه ح تكون كده على طول لان سرعة نقل البيانات على الشبكه بتتاثر بعوامل كتير و اخطرها هي ال Bottle nick الموجوده في الشبكه , يعني ايه ؟
نفترض اننا موصلين جهازين بكابل 100 ميجا و لكن كارت احد الاجهزة 10 ميجا ! مش ح اكمل لأنها اكيد وصلت
الثالثه : ان السرعه عباره عن سرعتين رايح وجاي
او Send و Receive
او Upload و Download
و طبعا ما بتحسش بأهمية الموضوع ده الا لما بتحتاج انك تعمل Upload بسرعه عاليه على الانترنت لأن نسبة ال Upload : Download في الانترنت مابتكونش 1:1 لأ العادي بتاعها انها بتكون 1:4 واحيانا 1:10 وده وضع طبيعي لأن في الانترنت انت بتطلب صفحه Upload ولما بتتفتح على جهازك Download
لكن تخيل انك تكون شغال VPN ساعتها لازم تكون سرعة ال Upload عاليه
نرجع لموضوعنا , الكابلات بتتجمع في الاخر داخل السويتش Switch من خلال ال RJ

يالا بينا نشتغل شويه ومن غير فلفسه ح نتعلم ازاي نأرج الكابل ( نركب له RJ ) بأستخدام الأراجه Crimp

لأ وح اقولك كمان ازاي تتستت Test الكابل بال tester

هي دي لغة الصنعه و بالتدريج ح تلاقيها سهله
الحاجات اللي ح نستخدمها رخيصه جدا ومتوافره و ارخص بكتير من اننا نشتري كابلات جاهزه ( بغض النظر عن الجوده ) او نخلي حد يعملهالنا .
ح نحتاج :-
كابل UTP Cat5 بطول مناسب
كمية من ال RJ 45 انت فعلي ح تركب 2 فقط لكن في الاول ح تبوظ كتييير
أراجه Crimp
وأخيرا Tester لو عايز
طبعا الكلام ده مش ح يكلفك يعني مثلا ال Crimp وال Tester كل واحد بحوالي 15 :20 جنيه (فيه Tester ديجيتال بحوالي 400 جنيه ) وال RJ بحوالي نصف جنيه
يابلاش صنعه مطلوبه في السوق و عدتها رخيصه
ما علينا نجهز الكابل و نمسك الاراجه Crimp باليمين

ونقطع الكابل

نقشر الكابل بالاراجه ( ننزع غلاف الكابل ) ونكون حذرين حتى لا نخدش غلاف الاسلاك وطبعا الاراجه فيها سلاحين سلاح لقطع الكابل و سلاح يادوب بيشرخ الغلاف الخارجي ونقدر بعدها نسحب الغلاف ونبقى قشرنا الكابل


نفرد الاسلاك



نساوي اطراف الاسلاك بسلاح القطع بالاراجه ونخلي بالنا ان الاسلاك ما تكونش طويله

ندخل الاسلاك في ال RJ
وناخد بالنا من الترتيب :-
بني
بني ابيض
اخضر
ازرق ابيض
ازرق
اخضر ابيض
اصفر
اصفر ابيض
نتاكد كمان ان الترتيب ما اتغيرش و احنا بندخل الاسلاك لان من الوارد جدا ان طرفين يدخلوا مكان بعض


نتأكد ان الاطراف دخلت لغاية اخر ال RJ وان الترتيب مظبوط
ندخل ال RJ في المكان الخاص به داخل ال Crimp من غير ما نتفتون عليها ( الخواجه ما بيركبش حاجه بالشاكوش )

بسم الله نضغط على ال Crimp

كمان جامد لغاية ما نتاكد ان الاطراف النحاسية الموجوده في ظهر ال RJ لم تعد بارزه بل انغرست ( حلوه دي ) داخل ال RJ ولامست الاسلاك

و مبروك عليك اول تأريجه و نكرر نفس العمليه بنفس ترتيب الالوان في الطرف الثاني من الكابل وبعد ما نخلص نركب الطرفين في قطعتين ال Tester و نسمي الله ونشغل التيستر ,
ان شاء الله ال 8 لمبات الموجوده في كل ناحيه تنور مع اللي قدامها وكده يكون شغلك مظبوط
ولو ما حصلش ( وده غالبا اللي ح يحصل في الاول ) يبقى يا حلو اقطع السلك وركب RJ جديد
الموضوع ممتع واعتقد انه مش مكلف ومش محتاج اكتر من مشوار لاي Computer mall
عموما ممكن نراجع مع بعض خطوات تركيب ال RJ





نسيب ال crimp ونكمل مذاكره
طريقة التوصيل المستخدمه دي خاصة بالتوصيل ال standard وفيه بتكون كل الكابلات موصله بين جهاز وسويتش وفيه طريقه تانيه اسمها cross cable دي بتستعمل لو بتوصل جهازين ببعض من غير سويتش يعني كل طرف من طرفي الكابل في جهاز ( وكلمه في ودنك الطريقة ال standard بتنفع برضه لو بتوصل جهازين الا في حالات نادره ما قابلتنيش من كام سنه )
عايزين نتخيل دلوقتي شبكتك اللي عملتها بالكابل ده شكلها ايه
جهاز متوصل بكابل و الطرف الثاني من الكابل متوصل بالسويتش والموضوع ده متكرر بعدد اجهزة الشبكه وطبعا السويتش ممكن يكون على الارض او متثبت بمسامير على الحائط
بص يا عم الكلام ده حلو قوي بالنسبه لجهازين تلاته او حتى في شبكة ADSL يعني وانت ف بيتكم لكن لو في شركتك يبقى ح تترفد ! ليه ؟ ح اقولك
احنا اتفقنا اننا بنلعب لعبة استراتيجية واحنا كده نعتبر خلصنا اول مرحله نبتدي بقى نزوق الشبكه وندلعها ونصرف عليها شوية فلوس
يعني بالنسبه للسويتش ح نجيب Rack

ونحدد له مكان ونضع فيه السويتشات و نوصل الكابلات بالسويتش من خلال ال Rack وكمان ولزوم الشياكه نمدد الكابلات داخل Duct وبلاش المسامير ع الحيطه
ولو عايزين كمان رفاهيه ما نوصلش الكابل دايركت على السويتش لأ احنا بنوصلع على حاجه اسمها Batch panel

ونوصل بين بورتات ال batch panel وال switch باستخدام batch cord

بيني وبينك الباتش كورد عباره عن كابل UTP نضيف شويه
زهقتوا من الرفاهيه ؟ لسه ! طيب
اقفل الراك وكفايه عليه كده وتعالى عند الكمبيوتر
ايه ده انت موصله بالكابل على طول !!!
لأ كده غلط الكتاب ما بيقولش كده !!!!!!!!!
اقطع ال RJ وركب على الحيطه Face plates

ووصل الكابل بيه وده باختصار ال Female اذا اعتبرنا ان ال RJ هو ال Male وفي الاخربنجيب كابل راكب في طرفيه RJ ونوصل بين الجهاز من ناحيه و ال Face plates من الناحيه الاخرى
اخر حاجه في ال UTP نفترض ان عندنا كابلين عايزين متارجين نوصلهم ببعض علشان نخليهم كابل واحد طويل نعمل ايه ؟
بنستخدم connector
وهو قطعه بلاستيك عباره عن 2 Female بيستخدم للتوصيل بين 2 ار جى
طيب لو فوجئت ان كابل ال ADSL اللي طوله 120 متر اتقطع اعمل ايه ؟
عند مكان القطع وركب RJ من كل ناحيه ووصل بينهم بال connector وماتنساش تأمن عليه كويس بالشكرتون وكفايه كده ونخش ع الفايبر​


كابلات الفايبر Fiber
_
جينا للباشا الفايبر , طبعا باشا اذا كانت سرعته 2 Gbps وكمان مصفح armored ومش كده وبس لا ده انت تفرد على اطواااااال وكام كيلو متر من غير ما يقول عايز ريبيتر او الاشاره تضعف , ايوه ياعم ده بيوصلوا بيه بين البلاد
نقل الداتا فيه بيتم من خلال الضوء و بالمناسبه لو حبيت تجرب الفايبر سليم ولا فيه قطع ركز كشاف نور في طرف و شوف النور ظاهر في الناحية التانيه و لا لأ !! فعلا الفايبر شيء عجيب وكمان تركيبه اعجب

ما علينا هو مش اسلاك لأ ده cores و بيتعد ب كذا كور
ولو حبينا نستخدمه في توصيل شبكه بنستخدم اثنين core
وبدال ال RJ المستخدم في ال UTP بنستخدم SC Connector في الفايبر

بس استنى علشان العكننه ابتدت مالهوش crimp لأ ده بيتلحم فيه والموضوع معقد جدا و الغلطه بفوره وال SC غالي وكلهم كام واحد معدودين اللي بيشتغلوه والباقس سماسره
احنا قلنا ان ال armored fiber مسلح ومضاد حتى للقوارض وما يتقطعش غير بمنشار ؟ لأ ما قلناش
بس خلي بالك انه ممكن يتكسر علشان كده تركيبه ليه اصول فنيه وحفر وفرش رمل وتمديد في مواسير و المهم انك لو فيه عندك زوايا في المسار تستخدم غرف تفتيش علشان الكابل ياخد فيها الدوران براحته , مش باقول باشا
طيب على اعتبار اننا طبعا مش ح نستخدم الفايبر الا لو عندنا مسافات كبيره في الشبكه وشغل outdoor نعمل ايه وازاي الباشا ده ح يتعامل مع المسكين ال UTP
بص يا اخي احنا قلنا ان الفايبر بيتلحم فيه SC connector
و بعد كده بنستخدم media converter

وبنوصل ال SC ( خلي بالك قلنا اتنين لاننا بنستخدم 2 كور ) بال media converter ونوصل كابل UTP بال media converter من الناحية الاخرى ومنه على السويتش و مبروك عليك

بالنسبة للفايبر فيه طرق كتير جدا جدا للربط مع شبكة UTP لكن نصيحه وعن سابق تجربه اوفر طريقه هي ال media converter ولو مش عاجبك ممكن تستخدم switch يكون فيه بورت fiber بس خد في بالك ان البورت يكون بيقبل SC والا ح تضطر تستخدم قطعه اسمها جيبيك للتوصيل بين ال SC وبين ال switch ودي غاليه جدا , وبالمناسبه برضه السويتش اللي بيتعامل مع ال sc connector اغلى بكتير من السويتش اللي بيتعامل مع ال جيبيك
خد بالك ان الفايبر لو اتكسر ح تحتاج انك تلحمه و الموضوع ده صعب جدا جدا علشان كده الاسهل انك تامن الفايبر كويس .
بالمناسبه الفايبر بيختبر بجهاز اسمه فلوك ويقدر يحدد لك لو فيه عطل مكانه فين
وفيه حاجه مشتركه بين الفايبر و اليو تي بي انك لو عايز تعرف طول الكابل قد ايه ح تلاقي الطول مطبوع بتكرارعلى الكابل ح تطرح الرقم اللي في اخر الكابل من الرقم اللي في اول الكابل والفرق هو طول الكابل
اللهم اجعل كل اعمالنا خالصة لوجهك الكريم​

والله المستعان
سبحانك اللهم وبحمدك , أشهد ألا اله الا أنت , أستغفرك وأتوب اليك​
 

intel man

عضو مميز
التسجيل
25/5/07
المشاركات
232
الإعجابات
47
#2
جزاك الله كل الخير

معك ........نتواصل
 

ابن الربيع

عضو جديد
التسجيل
27/3/07
المشاركات
21
الإعجابات
0
#3
رائع جدا

بارك الله فيك وفي موازين حسناتك

في انتظار بقية الدروس يامعلم ...
 

sharara

عضوية الشرف
التسجيل
23/10/03
المشاركات
1,244
الإعجابات
364
#4
جزانا الله واياكم كل خير
 

new2002

عضو جديد
التسجيل
5/6/07
المشاركات
11
الإعجابات
0
#5
اخى الكريم كم سعر المتر كبل الفايبر وال sc والكونفرت فى مصر
 

abuluis

عضو مميز
التسجيل
23/3/07
المشاركات
368
الإعجابات
42
#6
بالتوفيق أخي sharara
000
 

أبي أتعلم

عضو جديد
التسجيل
3/9/07
المشاركات
10
الإعجابات
0
#7
جزاك الله خير ونفع بعلمك
 

kmeey

عضو جديد
التسجيل
2/10/06
المشاركات
4
الإعجابات
0
#8
شرح جميل ورائع

بارك الله فيك أخي الحبيب
 

elkhshap

عضو محترف
التسجيل
20/3/06
المشاركات
411
الإعجابات
41
الإقامة
Egypt
#9
الله ينوري يا معلم شراره
بجد ربنا يوفقئك
بس سؤال ملوش دعوه بالموضوع
انت منين فى مصر عشان تقول ترعه المحمودية
انا عمتنا من دمنهور

ومستنى باقى الشرح بفارغ الصبر
 

sharara

عضوية الشرف
التسجيل
23/10/03
المشاركات
1,244
الإعجابات
364
#10
aboloes
أبي أتعلم
kmeey

شكرا لكم

اخي
new2002
سعر كابل الفايبر المتر حوالي 20 جنيه
وال SC في حدود 100 او 150 جنيه
وال converter بيكون منه انواع
فيه النوع الزلنطحي بحوالي 400 جنيه وانت وحظك معاه
وال Dlink وده محترم جدا بحوالي من 750 الى 800 جنيه
 

SLIM SHADY

عضوية الشرف
التسجيل
2/12/03
المشاركات
7,162
الإعجابات
191
العمر
32
الإقامة
Damascus
#11
بارك الله فيك اخي
تابع و نحن معك انشا الله
رحم الله والدتك و اسكنها فسيح جنانه
آمين آمين آمين


تحياتي
 

الأسمري

عضو ذهبي
التسجيل
11/1/05
المشاركات
836
الإعجابات
144
#12
جزاك الله كل خير أخوي شرارة ، ورحم الله والديك على ها الجهد الكبير .

واصل ونحن معك إن شاء الرحمن .
 

hatem_lhse

عضو مشارك
التسجيل
12/2/07
المشاركات
92
الإعجابات
6
#13
جزاك الله اللة خيرا وجمعنا ووالدينا في الفردوس الاعلى
 
khaled helal

khaled helal

عضوية الشرف
التسجيل
8/11/06
المشاركات
9,203
الإعجابات
3,216
الإقامة
alex
#14
بارك الله فيك مشرفنا الغالى شرارة معلومات قيمة
 

mohd

عضو مشارك
التسجيل
17/10/03
المشاركات
32
الإعجابات
3
#15
الله يجزيك الف خير
واسال الله ان ينفع بك و يجعل جهدك في ميزان حسناتك و حسنات والديك
 

mooma_max

عضوية الشرف
التسجيل
18/1/06
المشاركات
3,445
الإعجابات
894
#16
بارك الله فيك اخى العزيز

وجعل اعمالك الطيبه فى ميزان حسناتك

وهاهو ملف بى دى إف أخوانى للدرس والشرح الرائع

من هنا

أو من هنا
 

sharara

عضوية الشرف
التسجيل
23/10/03
المشاركات
1,244
الإعجابات
364
#17
اخوتي في الله الغاليين جدا عليا

SLIM SHADY

الأسمري

hatem_lhse

خالد هلال

mohd

جزاكم الله خيرا

اخي mooma_max شكرا جزيلا على البي دي اف بتاع الدروس و ياريت لو تنسق مع new star بخصوص الموضوع ده لانه كان فيه ترتيبات عملها بخصوص البي دي اف
 

arabesk313

عضو مشارك
التسجيل
11/1/05
المشاركات
86
الإعجابات
0
#18
جزاك الله خيرا
اللهم اجعله في ميزان حسناتك
 

sharara

عضوية الشرف
التسجيل
23/10/03
المشاركات
1,244
الإعجابات
364
#19

huss5

عضو جديد
التسجيل
17/7/04
المشاركات
3
الإعجابات
0
#20
جزاك الله خيرا
موضوع شيق وشرح ممتاز
جعله الله فى ميزان اعمالك
 
الحالة
موضوع مغلق

أعلى