الحالة
موضوع مغلق

sharara

عضوية الشرف
التسجيل
23/10/03
المشاركات
1,244
الإعجابات
364
#1
الحمد لله والصلاة والسلام على رسول الله
طيب علشان نبتدي محتاجين نعرف بعض التعريفات او المصطلحات ومنها ح نبتدي نفهم حاجات كتير في الشبكات وافتكر ان واحد من اساتذتي (الله يبارك له) علمني اني اعرف اسم الاداه ومن اسمها اقدر اعرف وظيفتها
يعني الجزء ده مهم جدا وكبدايه اذا كنا بندرس شبكات فايه المقصود بالشبكات Networks هي عبارة عن جهازين او اكتر متوصلين (بغض النظر عن طريقة التوصيل) من اجل التشارك sharing في موارد معينه resources , ممكن تكون ال resources عبارة عن معلومات (ملفات مثلا) او تكون اجهزة مثلا printer او scanner
الشبكة ممكن تكون نوعين اساسيين محكومه او هايصه يعني ايه ؟
فيه نوع من الشبكات بيكون محكوم وعليه سيطرة وادارة مركزيه centralize administration ودي بيكون Server based network
وفيه نوع تاني بيكون هايص , كل واحد بيكون مسئول عن جهازه وهو administrator نفسه ودي ال workgroup او ال peer to peer
نتكلم اولا عن النوع التاني workgroup ودي زي شبكات ال ADSL اللي عندنا في البيت وبيكون كل جهاز مسئول عن نفسه والمستخدم بيحدد هو عايز يشارك ايه في الشبكة وعايز مين يشوفها وما حدش يقدر يتحكم في الموضوع ده غير مستخدم الجهاز نفسه , طبعا لازم يكون ليه صلاحيات على الجهاز ودي بيحددها نوعية ال user account اللي داخل بيه

طبعا شبكة ال workgroup مش محتاجه مواصفات معينه جهازين فيهم كارت شبكه وبينهم كابل والامور تكتمل



اما بالنسبة لشبكة ال server based فدي بتكون عبارة عن مجموعة اجهزه workstations بغض النظر عن مواصفاتها و بيتحكم في الوظائف الخاصة بها جهاز server بيدير الشبكة وده لازم تكون مواصفاته متميزه طبعا بحسب الوظائف اللي بيأديها



في حالة ال server based بيبتدي يظهر مفهوم ال centralize administration وان الاجهزه اللي جوه المنظومه بتخضع لقواعد الشبكة وبيتحدد حدود كل جهاز ومستخدم حسب الصلاحيات اللي بياخدها من الـ network administrator وطبعا الموضوع ده زي ماله سلبيات من وجهة نظر المستخدم ( الحرية المحدودة ) فانه له ايجابيات كتييييير من كل وجهات النظر
يعني مثلا لو انت مستخدم في شبكة فالـ user account بتاعك تقدر تستخدمه على اي جهاز في الشبكة مجرد انك تدخل ال user name والـ password وتقدر كمان لما تفتح اي جهاز تشوف الـ desktop بتاعك و لو فتحت my documents ح تلاقي فيها المستندات الخاصة بيك العكس لو انت في workgroup فعلشان تستخدم جهاز غير جهاز محتاج الاول ان يتعمل لك user account عليه ولو ح تشتغل على جهاز ثالث لازم برضه يتكرر عليه نفس الموضوع
بالنسبة لل administrator الموضوع اوضح فيقدر من جهازه انه يتحكم في اجهزة الشبكة ويفحصها ويعرف مثلا درجة حرارة البروسيسور ويحل مشكله عند client ويقدر كمان يخلي اجهزة الشبكة ( او جزء منها ) مجرد ما الـ user يعمل logon يتم اعداد برنامج الاوفيس (مثلا) على جهازه حتى لو كان في اخر نقطه من الـ WAN
ايه هي الـ WAN هي الشبكة الواسعه wide area network تتخطى حدود جغرافية المبنى وممكن تكون اجهزتها في اكثر من بلد بخلاف الـ LAN الشبكة المحدوده local area network ودي الشبكة المحدوده بمكان معين ( مبنى مثلا )



طبعا مش مجال التسويق لاهمية ال server based لكن الهدف اننا نوصل للمفهوم ونتخيل الامكانيات اللانهائية لادارة الشبكات
طيب نتكلم شوية عن ال server وايه حكايته
زي ما واضح من الاسم هو جهاز بيخدم باقي اجهزة الشبكة وبيقدم لهم خدمه او خدمات محدده طيب احنا عرفين ان اي جهاز عباره عن جزئين :-
• Hardware
• Operating System
وقلنا على السيرفر انه لازم تكون مواصفاته متناسبه مع حجم اللي مطلوب منه ينفذه على الشبكة , طيب بالنسبة لنظام التشغيل Operating system ايه المواصفات ؟ نفس الحكايه تكون مواصفات نظام التشغيل متناسبه مع اللي مطلوب منه ينفذه على الشبكة , يعني ممكن يكون عندك جهاز windows 98 وشغال سيرفر ؟ ايوه , ازاي ؟ ح اقولك

لو انت عندك جهاز على الشبكة موصل عليه printer ومخصصها لخدمة اجهزة الشبكة shared يبقى الجهاز ده سيرفر او على الاصح member server وهكذا لو انت عامل منتدى في الشبكه من خلال Apache Server ح يكون الجهاز اللي عليه الابتشي سيرفر حتى لو كان نظام التشغيل windows 95 يبقى مش كل سيرفر لازم يكون عليه windows server
اما بالنسبة لل windows 2003 فهو يطلق عليه NOS اختصار ل network operating system وده مجهز لانه يؤدي خدمات مركزيه كسيرفر مثل ادارة الشبكة او كخادم بريد
امال ايه ال domain ؟ المقصود بال domain ( نطاق بالعربي ) يعني عباره عن مجموعه من العناصر سواء كانت users او workstations او printers داخل نطاق معين network يتم ادارتها من خلال ادارة مركزية
يبقى انا لو عندي شبكة فيها اجهزة ومستخدمين وجهاز سيرفر اسمها مثلا test يبقى نقدر نقول ان عندنا دومين اسمه test و نقول ان الجهاز اللي اسمه pc1 عضو في الدومين member of test domain ولو عايز ندخل الجهاز في الشبكه يبقى احنا ح نعمل له join to test domain يعني باختصار ان ال domain هو النطاق الافتراضي للشبكة ( مش فاهم يعني ايه )
طبعا ح نفرق بين شبكتنا وبين الانترنت يعني مثلا لو ال domain name بتاعنا test.com وعندك mail على الشبكه اسمه sheen@test.com يقدر اي جهاز داخل شبكتك يبعت لك ميل على الميل ده
طيب لو واحد بيحاول يبعتلك من اي ميل خارجي yahoo ح يجيله رسالة خطأ يقوله: انا ما اعرفش دومين اسمه test.com وبالتالي ما اعرفش مستخدم اسمه sheen علشان ابعت له الميل عليه ولو عايز اتعامل معاه ( ارسال واستقبال ) يبقى لازم يتعمل له registration الاول على الانترنت وكمان يتعمل DNS record علشان الدنيا كلها تعرف ( حلوه دي ) مين الميل
يعني بطريقة تانيه انت ممكن تعمل الدومين بتاعك اسمه microsoft.com وتعمل لنفسك يوزر عليه اسمه bill ويبقى الميل بتعاك bill@microsoft.com طبعا الكلام ده جوه الدومين بتاعك لكن هل تتخيل ان ممكن الكلام ده ينفع على الانترنت , طبعا الكلام ده local فقط .
نفس الكلام ده بينطبق على ال IP address هو عنوان البروتوكول اللي الاجهزة على الشبكة بتتكلم بيه مع بعضها وبيكون لكل جهاز IP address خاص بيه , طيب لو انت كان جهازك على الشبكة واخد 192.168.1.212 هل ينفع انك لو كتبت الاي بي ده في اي browser تقدر تدخل على جهازك ؟ لأ طبعا لان الاي بي ده Not Real يبقى علشان تقدر انك توصل لجهازك من اي مكان من خلال الانترنت يبقى لازم يكون ال IP الخاص بجهازك Real IP ( طبعا فيه حلول تانيه لكن مش مجالها ) ومن هنا نركز على معلومه حلوه احنا عندنا 3 مفاهيم لل IP
الاول : Real IP وده رقم منفرد Unique مش متكرر على مستوى الانترنت يعني ما ينفعش ان يكون فيه موقعين على الانترنت وليهم نفس ال real IP
الثاني : Static IP وده معناه انك تكون معرف ال IP للجهاز manual ومثبته له وده يكون رقم منفرد Unique على مستوى شبكتك يعني ممكن اي شبكة تانيه يكون مستخدم فيها اي بي زيه على جهاز تاني ( يعني ممكن تقفل الشقه و تضرب عيالك وما تسيبهمش الا لما يقولوا عليك انك طرزان لكن في الحقيقه فيه طرزان واحد بس في الغابه ) طبعا اكيد لو انت مدي لجهازك static IP وكنت حاجز ال IP ده من شركة ISP ح يكون ال IP ده مش بس static لكن real كمان
الثالث : Dynamic IP وده باختصار خدمه بتكون على الشبكة اسمها DHCP بتقوم باعطاء IP للاجهزة اللي على الشبكة و طبعا من الاسم واضح ان ال IP اللي الجهاز اخده النهارده من ال DHCP ممكن تاني يوم يتغير و ياخد IP تاني
طيب ايه السيرفر الاساسي في الدومين ؟
اسمه Domain Controller وهو اللي بيتحكم في الشبكة وده واضح من اسمه وبيكون فيه بيانات عناصر الشبكة يبقى انت لو حاولت تفتح جهاز من اجهزة الدومين فبمجرد ما تكتب ال user name ال password يقوم الجهاز بالاتصال بال DC ويسأله مجموعه من الاسئله مثل:-
هل يوجد لديك هذا المستخدم ؟
هل كلمة السر صحيحه ؟
هل من حقه الدخول على هذا الجهاز وفي هذا الوقت ؟
وبناء على اجابة السيرفر يتم السماح للمستخدم بالدخول من عدمه
وهكذا اذا اراد المستخدم الدخول على shared folder على الشبكة فانه يتم الاستفسار من ال DC عن صلاحيات المستخدم وهكذا
اخر حاجه ح نتكلم عليها هي ال user account وده الحساب اللي المستخدم بيتعامل بيه على الجهاز بمفرده ( لو كان الجهاز مش داخل شبكة ) وساعتها بيكون local user account او بيتعامل به على الشبكة ( طبعا بنتكلم على server based) وبيكون ساعتها اسمه domain user account
طيب الـ local user account بيتعمل على جهاز المستخدم و وحدوده بتكون داخل الجهاز فقط اما بالنسبه للـ domain user account فبيتعمل على ال DC وبيكون صالح للاستخدام على اي جهاز او مع اي عنصر من عناصر ال Domain
ونقدر نقسم انواع الـ user account الى فئتين اساسيتين :-
• Administrator حساب له صلاحيات لادارة الشبكة والتحكم بها
• Limited User حساب محدود الصلاحيات ( ما يعرفش حتى يغير ساعة الجهاز )
طبعا يفترض ان نكون ملمين بهذه المعلومات (وننظر اليها انها من البديهيات) قبل ان نبدأ في هذه الدورة ولكنني اذكرها من منطلق توحيد المفاهيم او الاتفاق على ارضية مشتركة للحوار بيني وبينكم قبل ان نبدأ في العملي
والله المستعان
سبحانك اللهم وبحمدك , أشهد ألا اله الا أنت , أستغفرك وأتوب اليك
 

ابن الربيع

عضو جديد
التسجيل
27/3/07
المشاركات
21
الإعجابات
0
#2
بارك الله فيك أخي
وإن شاء الله بداية خير وبركة
ومتابعين معك بإذن الله
بالتوفيق
 

ABO AL FWARES

عضو ذهبي
التسجيل
22/3/07
المشاركات
941
الإعجابات
800
الإقامة
Syria
#3
جزيل الشكر والعرفان لأخي الفاضل واستاذنا القدير شرارة على هذا الدرس القيم

والله يجزيك الخير ويرحم والديك ويسكنكم فسيح جناته

خالص تحياتي وتقديري لك
 

ahmed_asg

عضو محترف
التسجيل
12/5/07
المشاركات
605
الإعجابات
21
#4
جزاك الله خيرا أخونا شرارة
ونسأل الله أن نستفيد مما تقدمه لنا وأن يكون في ميزان حسناتك وحسناتنا
إن شاء الله
 

أبي أتعلم

عضو جديد
التسجيل
3/9/07
المشاركات
10
الإعجابات
0
#5
جزااااااااااك الله كل خير ويجعل جميع ماتقدمه في موازين أعمالك وحسناتك وبالتوفيق ان شاء الله
 

الأسمري

عضو ذهبي
التسجيل
11/1/05
المشاركات
836
الإعجابات
144
#6
بارك الله فيك ،،،

وبداية موفقة إن شاء الله لأني حاسس إني فهمت معاني كثير من المصطلحات الشبكية اللي كنت أقرأ عنها .
 

majdi yousif

عضو جديد
التسجيل
4/12/06
المشاركات
2
الإعجابات
0
#7
احسنت جزاك اللة خيرا

جزاك اللة خيرا واسكن والدتك فسيح جناتة فخيركم من تعلم علما وعلمة
 

sharara

عضوية الشرف
التسجيل
23/10/03
المشاركات
1,244
الإعجابات
364
#8

hatem_lhse

عضو مشارك
التسجيل
12/2/07
المشاركات
92
الإعجابات
6
#9
اثابك الله على المجهود الرائع وسقاق من انهار الجنة
ما شاء اول درس ومليئ بالعلومات القيمة جزاك الله خيرا على كل حرف
 

sharara

عضوية الشرف
التسجيل
23/10/03
المشاركات
1,244
الإعجابات
364
#10

abuluis

عضو مميز
التسجيل
23/3/07
المشاركات
368
الإعجابات
42
#11
أخي sharara جزاك الله خير وجعله في موازين حسناك
بالتوفيق
 

sharara

عضوية الشرف
التسجيل
23/10/03
المشاركات
1,244
الإعجابات
364
#12
اقتباس من: aboloes
أخي sharara جزاك الله خير وجعله في موازين حسناك
بالتوفيق
جزانا واياكم كل خير وشد حيلك
 
hatem20

hatem20

عضوية الشرف
التسجيل
3/7/07
المشاركات
9,925
الإعجابات
3,715
الإقامة
Planet Earth
#13
بارك الله فيك أستاذ شرارة ..... شرحك ممتع للغاية ,, بانتظار باقي الدروس
<><><><><><>
رحم الله والدتك وأسكنها فسيح جناته .
 

SLIM SHADY

عضوية الشرف
التسجيل
2/12/03
المشاركات
7,162
الإعجابات
191
العمر
32
الإقامة
Damascus
#14
بارك الله فيك اخي شرارة
ما شا الله عليك همة عالية و مجهود واضح
 

mooma_max

عضوية الشرف
التسجيل
18/1/06
المشاركات
3,445
الإعجابات
894
#15
بارك الله فيك أخى العزيز

تقبل تحياتى على هذه المعلومات الرائعه والشرح الشيق

وها هو ملف بى دى إف للدرس والشرح

من هنا
 

sharara

عضوية الشرف
التسجيل
23/10/03
المشاركات
1,244
الإعجابات
364
#16
اخوتي

hatem20

SLIM SHADY

mooma_max

جزاكم الله خيرا
 

sharara

عضوية الشرف
التسجيل
23/10/03
المشاركات
1,244
الإعجابات
364
#17

ahmedali22

عضو فعال
التسجيل
1/10/05
المشاركات
107
الإعجابات
1
#18
جزاك اللة خيرا واسكن والدتك فسيح جناتة فخيركم من تعلم علما وعلمة​
 

sharara

عضوية الشرف
التسجيل
23/10/03
المشاركات
1,244
الإعجابات
364
#19
جزانا الله خيرا واياكم
 

zahraa2003

عضو مشارك
التسجيل
12/9/05
المشاركات
44
الإعجابات
0
#20
جزاك الله خيرا

وأسكن والدتك فسيح جناته
 
الحالة
موضوع مغلق

أعلى