الحالة
موضوع مغلق

رؤف

عضو ذهبي
#1



أعحبتنى هذه القصيده كثيرا فررت أن أهديها لكم

هى للشاعر المصرى محمد طه البدحى








ياخواننا يابتــوع الفيتـــو قولولــنا إيه بس نويتو


فـــى الإحتلال لما يعربد ويقتـل الشعب فـ بيتـه


ويصادر الأرض وينهب ويحرق الزرع فـ غيطه


ومجلس الأمـــــن يندّد وِيبيعوا لِب فـ قراراتــــه


ماتصحوا ياعربنا وفوقو واللا إنتوا بالخيبه رضيتو


والدم عندكوفـ عروقكم خلاص مافيـش بح فنيـتــو


د الغرب عايش على خيركم وانتم رضيتو بفتافيتو


نفسى فـ مــــــأره ألاقيكم شايلين سلاحكم مانخّـيتو


والحــــق تاخدوه بإيديكم والظـــلم تتـــهد عافيته


يانـــــاس قولولى بزمتكم كام مره رحتم وشكيتو


لمجلــــــــس الـَهم بتاعكم ولا مرّه مشكله حلّيتو


وان قالوا كلمه تزعلـــهم أمريكا تلحق بالفيــتو

وتعترض وكمان تشجب وتقول حبايبى كتاكيتو


إوعاكو تجرحو إحساسهم دول لسّه نونو قطاقيطو


ياريت يابويا انت وامى ماكنتوا للدنيا دى جيتو


ولا كان فى يوم إتجوزتم إيه بس ذنبى إللى جـَنيته


دا قلبى م الغيظ هايفرقع وعقلى م الحيره لـَغيته


يا اخواننا فوقو بقا وسيبكم م الغرب مرّه وحواديته


ومعايا تدعو بقلـــــوبكم ونقول يارب إخرب بيته


إللــّى إخترع حـق الفيتو

_________
 

ahmedtoto

عضو مشارك
#2
مشكووووووووور ياغالى
 
الحالة
موضوع مغلق

أعلى