الحالة
موضوع مغلق

ashry9

عضو مميز
التسجيل
20/2/06
المشاركات
351
الإعجابات
141
#1
يا واد إمشى وبلاش لكاعة


واللكاعة هى التباطؤ أثناء السير ،
وأصل كلمة "يتلكع" هو قبطى من etlaka
و"إتلاكا" تعنى الذى يضيع كثيراً ,

أى يبطئ ومنها "لُكعى" بمعنى بطئ
وأيضاً
"لكاعة" بمعنى تباطؤ.

والكلمة مركبة من "إت" بمعنى الذى
و"لا" بمعنى كثيراً
و"كا" بمعنى يضع.
وهناك اللفظة "إلِك" وتعنى يبطئ ،
وقد صارت سب فيما بعد

-----------------------------------------------------------------------------------

الواد ده ولد تالف وفسدان


وأصل كلمة "تالف" هى الكلمةالقبطية talef
و"تالف" تعنى فسدان , خسران
وترادفها أيضاَ الكلمة القبطية yolem و "تلم" ولها نفس المعنى

فنقول "الموس تلم" بمعنى الموس فاسد
أو "السكين متلم" بمعنى السكين مفسود و تحورت منها "
تلامة" بمعنى فساد


----------------------------------------------------------------

ها أسكعك بالقلم أخليك تتول


ويقول البعض "هلزقك بالقلم" فهى ترادف المعنى الأول تماماً.
وأصل كلمة "سكع"
هو الكلمة المصرية القديمة "سقاح" بمعنى يلصق ،

وأصلها "قاح" بمعنى أرض ،إلتصاق,
وعندما نضع حرف "س" تصبح "سقاح" بمعنى يلصق
وقد تترجم إلتصق بالأرض,

لأن فى وجه قبلى كان يقال "فلان سكع" بمعنى نام
بعد تعب أو إرهاق


------------------------------------------------------------------------

ما تعتمدش علية أحسن ده أتول


وكلمة "أتول" هى كلمة قبطية "أتول" وتعنى مغفل أوجاهل,
والكلمة مركبة من "أت" بمعنى عديم
وتستخدم للنفى
ومن "وال" وتعنى عين أو نظر ,
فيكون المعنى عديم النظر ومجازاَ جاهل,
وإشتقت من الكلمة "يتتوِل" وتعنى يتعمى عن , أو يتغفل
وأيضاَ كلمة "متوُول" وتعنى مغفل أو أعمى ,

بمعنى عديم التركيز,
ونقول أيضاَ "لما سمع الخبر إتول"
وتعنى مجازاَ أغشى عليه أو ذُهل,
وإشتقت من الكلمةأيضاَ "تولة"
فنقول "أيه التولة اللى أنت فيها دى"
وهى هنا تعنى تغفل وعدم تركيز


--------------------------------------------------------------------------

لو ما سمعتش الكلام هسويك


إذا سألت أى شخص ما معنى "هسوِّيك" فيقول لك "زى ما بنسوى الأكل"
فإذا سألت نفسك إذاً لماذا لانقول هحرقك ، فهى قد تكون أنسب ؟؟؟
فتعرف أن لفظة "هسويك" ليس المقصود بها "أسويك" مثل الأكل ،
لأن أصل كلمة "يسوى" من "سوى"
هو الكلمة المصرية القديمة "سوا" وتعنى يقطع أوصال,
فيكون معنى العبارة إن لم تصمت سأقطع أوصالك


------------------------------------------------------------------------

فلان ده بلطْ

ما أكثر البلطين اليوم ، فنحن نجده فى كل مكان ،
وكلمة "بِلِط" هى كلمة قبطية من "بيلتى"
وتعنى مقعدة أو ورانية ( هههههههههههههه )
فيكون المقصود بالكلمة انه كثير الجلوس أو كسلان
ومنها إشتق التعبير "فلان مبلط فى الخط" بمعنى كسلان ولا يعمل,
ويقول البعض على سبيل السب "فلان ده بلط بلاطة .. ياساتر



----------------------------------------------------------------------------

شوطة لما تشيلك يابعيد

وهذه العبارة تقال على سبيل السب ،
وأصل كلمة "شوطة" هو الكلمة القبطية "شووت" وتعنى كوليرا ، وباء ،الهواء الأصفر .
وعادة تقال الشوطة عن الفراخ ،
ويقابلها "الفرة" للفراخ أيضاً



********************************************************************************

ها ؟
إيه رأيكم ؟
ولسه فيه كمان لو حبيتوا !!!!!!!
وأي خدمة ياصديقي الغالي أقلام بك

أحبكم في الله
 

a9laam

عضو ماسـي
التسجيل
3/7/06
المشاركات
1,236
الإعجابات
245
#2
جزاك الله خيرا أخي عشري
ما أظن أن عقلي كجهنم تقول دوما هل من مزيد
كفيت ووفيت

أثبت الأولين وأجيك بطلب للآخرين

جزاك الله خيرا كثيرا جدا جدا
""""""""""""""""""""""""""""""
 

abcman

عضوية الشرف
التسجيل
5/8/04
المشاركات
7,508
الإعجابات
1,756
الإقامة
Saudi Arabia, Jiddah
#3
مشكور يا عم عشري المرة دي برده ربنا ستر وما دخلتش في الغويط أوعى تغوص أكتر وإلا ستخرج لنا البلاوي المستخبية
يالله ربنا يستر شكلك كده
هتخربها وتقعد على تلها
 

ashry9

عضو مميز
التسجيل
20/2/06
المشاركات
351
الإعجابات
141
#4
اقتباس من: abcman
مشكور يا عم عشري المرة دي برده ربنا ستر وما دخلتش في الغويط أوعى تغوص أكتر وإلا ستخرج لنا البلاوي المستخبية
يالله ربنا يستر شكلك كده
هتخربها وتقعد على تلها
إيه ده ياعم abcman
دا إنت من كلامك طلعت مصراوي
مش كده ولا إيه ؟
عموما جزاك الله خيرا سيدي الفاضل / أقلام و رجل الحروف ( خللي بالك الحروف من غير نقطة )
ههههههههههههههههههه
 

abcman

عضوية الشرف
التسجيل
5/8/04
المشاركات
7,508
الإعجابات
1,756
الإقامة
Saudi Arabia, Jiddah
#5
اقتباس من: ashry9
إيه ده ياعم abcman
دا إنت من كلامك طلعت مصراوي
مش كده ولا إيه ؟
عموما جزاك الله خيرا سيدي الفاضل / أقلام و رجل الحروف ( خللي بالك الحروف من غير نقطة )
ههههههههههههههههههه
هههههههههههههههههههههههههه طبعا من غير نقطة هههههههه
وفعلا أنا من مصر ما هو انت لو كنت دخلت موضوعك بتاع العزومة كنت عرفت لأنني قبلت دعوتك على العزومة (العزومة الحقيقية مش اللي كده وكده)
أما بخصوص العلم الموجود تحت اسمي وهو علم السعودية فلست أنا من وضعته ولكنني سعيد جدا به لحبي لهذه الدولة ولقرب ذهابي إليها واستقراري بمكة إن شاء الله / قولوا آمين
 

Dr.Mansy

الوسـام الماسـي
التسجيل
5/2/07
المشاركات
3,399
الإعجابات
375
#6
يا سلام عليك والله انا اللى مصرى ما اعرف ..... مشكور جدا
 
سعد الدين

سعد الدين

المسؤول الفني
التسجيل
18/3/03
المشاركات
44,827
الإعجابات
15,786
الإقامة
Türkiye
#7
:D :D :D :D :D

يا حبيبي الله يرضى عليك خليني أعرف اروح اكتبلي موضوع ينفعنا :D

كل ماروح ابدا بموضوع اشوف موضوعك اترك من ايدي واجيلك على طووووووول :D

بس الصراحة تحفه كل حرف بتكتبه .


تسلم ايدك يا عسل .
 
الحالة
موضوع مغلق

أعلى