الحالة
موضوع مغلق

skya

عضو مشارك
التسجيل
8/12/06
المشاركات
69
الإعجابات
0
#1
قصيده مرسله لابو متعب عن الاسهم ؟ :333:

------------------------------------------------------------------------
قولوا لبو متعب ترى الشعب مقهـور ** يا خـادم البيتيـن امسـك عصـاهـا

ضاعت فلوس الناس مع كـل هامـور ** ومثلك يعرف البير ويعـرف غطاهـا
من سي لاسوأ وبين عاثـر ومعثـور ** وسهمك. وهو سهمك رموه بخلاهـا !
كيف اشكي العله علـى كـل دكتـور ** والطب عندك وانـت تعـرف دواهـا
ماخافـو الله خالـق النـار والـنـور ** حتـى الأرامـل شاركوهـا بعشـاهـا
ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا
سوقك بلون الـدم باسبـاب مغـرور ** يضغط علـى سابـك وكسـر يداهـا
في عشر اواخر نرجي الذنب مغفـور ** قامـوا علينـا قومـة ٍ مـا وراهــا
واعمار صارت دمهـا اليـوم منثـور ** وخاب الرجاء باعمار واللـي رجاهـا
ياما بنينـا فوقهـا ابـراج وقصـور ** وراحت سدى والسوق دحـدر معاهـا
كم شاب قال ابغى اتزوج مـن الحـور ** وافلس وبيره جف مـا شـاف ماهـا
وكم راعي أسره أصبح الصبح مفقور ** العيـد بكـره واسرتـه مـا كساهـا
وقمت اتفكر وادرس الـراي والشـور ** قلت ازبن لصقر العروبـه .. ذراهـا
بكلمه تجي من عنده اليـوم مسـرور ** والسوق يرجع عشب يـروي ظماهـا
يادرعنا لا صـار بالكـون عاصـور ** كم صرخـة ٍ للنـاس تسمـع صداهـا
يالحر .. يابن الحر.. والحر مخبور ** قاد الحـرار الشامخـه فـي سماهـا
ما يلحقك يا سيـدي شـك وقصـور ** لكـن رسالـه ياصـلـك محتـواهـا
انـك ابونـا والرجـا فيـك موفـور ** عدلـك شمـل كـل الديـار وغشاهـا
جوني يعزوني على السـوق ماجـور ** قلـت البقـا بالشيـخ يطفـي لظاهـا
ويرد لون السوق عشبـي ويخضـور ** مثـل علـم دار السعـود وصفـاهـا
خيرك عميم وشاكر النـاس مشكـور ** ومـزن الحيـا عـم البـلاد وسقاهـا
انت الرجا بعد الولـي تدفـع الجـور ** واسلم عساك تـدوم وتحمـي حماهـا

وصاحبها مجهول أو انه مات مغبون
منقووووووووووووووووووووول
 

الساخن

الوسـام الذهبي
التسجيل
11/11/06
المشاركات
2,083
الإعجابات
659
#2
قصيده رائعه و تحمل كل معاني الألم التي عاني ويعاني منها صغار المستثمرين الذين تلعب بهم من لا يخافون الله

و نسأل الله أن يعوض هؤلاء المساكين خيرا في الدنيا و الأخره

تشكر اخي الفاضل على هذه القصيدة الطيبه

تقبل وافر تحيتي
 

a9laam

عضو ماسـي
التسجيل
3/7/06
المشاركات
1,236
الإعجابات
245
#3
مر من هنا
 
الحالة
موضوع مغلق

أعلى