الحالة
موضوع مغلق

mfriday

قلم رصاص قديم
#1
بتبص لى كدة ليه .. ارفع عينيك عنى
أنا مش هاثور و لا اقوم و لا حتى مستنى
إن الرحايا تدور عليك و على غيرك
لا قانا و لا غزة و لا حتى بيروتك
.. بتلومنى على موتك؟
طظ ..وأيه يعنى
بتموت و تتشرد
انا لا هتحرك
و لاحتى ازور قبرك
فحل عن قلبى و سبنى اتفرج
على الفيلم .. على سيدك
بيقول و بيكيدك
هنحل بالراحة من غير ما نتنرفز
نشجب و نتمحلس ..
والسيد الأعلى راضى بموقفنا
و راح يأبجنا لما الحكاية تغور
أهو نبقى حلينا و برضو بزنسنا
و يزورنا و نزوره ..
يكشف لنا المستور
و نتفق بكرة ايه اللى هنسويه
و مين عليه الدور
و انت تموت .. ماتموت ..
انت اللى مش فاهم
و عامل لى بليكة
و عينيك ما ليها الحقد فى الشاشة و المنظر
و انا لا باتاثر و لا حتى بابكى عليك
انا بابكى على حالى
و يهمنى عيالى
يترسموا و يقاسموا فى كل شغلانة
و الدنيا حلوة و عال
إيه يعنى كام مقتول و كام منقول و كام متشال
ليه بس متفاجىء
و طالل من الشاشة
ميت و بتصرخ فى وشى و بتحلم
أنى هاقوم و اجرى على سلاحى
يا ابنى اصحى ياللا و فوق
مات اللى قالها زمان
خلى السلاح صاحى
خليك على الموضة
موت بدون دوشة
و نقطنا بسكوتك
لا تيكى و لا تنزف
و تبوظ السهرة
لسة بتستحلف
وتلومنى على موتك
طظ و ايه يعنى
انا برضو راح اكيدك
و اشوف كدة محطة
تعرض لى بورنو جديد
عليه راح اتفرج
و انام كدة مبسوط
مرتاح و هادى البال
 

Man of the Moon

عضو مشارك
#2
شكرا أخي الكريم على الكلمات

و لكن راعي ألا تخلط اللغة العاميه باللغة العربية الفصحي

لأن ذلك يفقد الكلمات لرقتها و احاسيسها

مع تمنياتي بالتوفيق ان شاء الله
 

سعد الدين

المسؤول الفني
#3
بصراحة لا أعرف ما اقول

ضحكتني مع اني المفروض ابكي .

لكن انت عبرت عنه بحقيقة وصدق و واقع احنا عايشينه فعلا بكل اسف

لا حول ولا قوة الا بالله


الله يسلم ايدك
 

mfriday

قلم رصاص قديم
#4
Man of the Moon قال:
شكرا أخي الكريم على الكلمات

و لكن راعي ألا تخلط اللغة العاميه باللغة العربية الفصحي

لأن ذلك يفقد الكلمات لرقتها و احاسيسها

مع تمنياتي بالتوفيق ان شاء الله

لا ألومك و لكن هل لك أن توضح أكثر فأنا لم أفهم المقصود بالخلط بين الفصحى و العامية فى هذا النص
شاكر لك مرورك الكريم
دمت
 

mfriday

قلم رصاص قديم
#5
Damas قال:
بصراحة لا أعرف ما اقول

ضحكتني مع اني المفروض ابكي .

لكن انت عبرت عنه بحقيقة وصدق و واقع احنا عايشينه فعلا بكل اسف

لا حول ولا قوة الا بالله


الله يسلم ايدك
يا سيدى أشكر لك اهتمامك و مرورك الكريم
شر البلية ما يضحك
 

Man of the Moon

عضو مشارك
#6
اللغة العربية الفصحي شئ معروف

و اللغة العامية ... مثل " نشجب و نتمحلس .. "

و " و عامل لى بليكة "

و الكثير من الكلمات الأخرى

و اقرب مثال لخلط اللغتين " إن الرحايا تدور عليك و على غيرك "

بصرف النظر عن قصدك في المعنى أو النطق

لكن راعي من سيقرأها

أرجو أن أكون قد وفقت و أوضحت

ننتظر منك المزيد


مع تمنياتي بالتوفيق ان شاء الله
 

mfriday

قلم رصاص قديم
#7
Man of the Moon قال:
اللغة العربية الفصحي شئ معروف

و اللغة العامية ... مثل " نشجب و نتمحلس .. "

و " و عامل لى بليكة "

و الكثير من الكلمات الأخرى

و اقرب مثال لخلط اللغتين " إن الرحايا تدور عليك و على غيرك "

بصرف النظر عن قصدك في المعنى أو النطق

لكن راعي من سيقرأها

أرجو أن أكون قد وفقت و أوضحت

ننتظر منك المزيد


مع تمنياتي بالتوفيق ان شاء الله

سيدى الفاضل
لن أطيل عليك و لكننى راجعت القصيدة لأرى ما تقول فوجدتنى قد كتبت كلام العامة فيها و هذا بالنسبة لى هو مقياس اللغة العامية فقد اكتسبت صفة العامية من تداولها بين العامة حتى أن المثال الذى أفردته ( نشجب و نتمحلس) كلمة نشجب فيه بمقياسك تصبح لغة فصيحة .. لا عليك و اعذرنى للمداخلة فقط أردت الاستيضاح و أنا أؤمن أن وظيفتى هى الكتابة والكتابة فقط أما النقد فهو إبداع الآخرين و لهم كل الحرية فيما يقولون
أشكر لك اهتمامك
دمت
 

Man of the Moon

عضو مشارك
#8
لقد اوضحت فقط أخي الكريم

و كما قلت " النقد هو ابداع الآخرين "

و أتمنى أن أرى منك المزيد ان شاء الله

مع تمنياتي بالتوفيق
 
الحالة
موضوع مغلق

أعلى