الحالة
موضوع مغلق

arabianhorse

موقوف
التسجيل
6/3/05
المشاركات
1,974
الإعجابات
525
الإقامة
UK- LONDON
#1

جاني وانا في وسط ربعي وناسـي

جاني نشلني مثل ما ينشل النـاس

مني نشـل روح تشيـل المآسـي

تشكي من ايام الشقى تشكي الياس

اثر الالم في سكره المـوت قاسـي

ماهالني مثله وانا انسان حسـاس

جابوا كفن ابيض مقاسه مقاسـي

ولفوا به الجسم المحنط مع الراس

وشالوني اربع بالنعش ومتواسـي

عليه ومغطى على جسمي البـاس

وصلوا علي وكلهـم فـي مآسـي

ربعي ومعهم ناس من كل الاجناس

ياكيف سوا عقبنـا تـاج راسـي

وامي الحبيبه وش سوى بها الياس

اسمع صدى صوت يهز الرواسـي

قولولهـا لاتطلـم الخـد يانـاس

قولولها حـق وتجرعـت كاسـي

لاتحترق كل يبـي يجـرع الكـاس

اصبحت في قبري ولابـه مواسـي

واسمع قريع نعولهم يـوم تنـداس

من يوم قفوا حـل موثـق لباسـي

وعلى رد الروح صوت بالاجـراس

هيكل غريب وقـال ليـه التناسـي

صوته رهيب وخلفه اثنين حـراس

وقف وقال ان كنت يانمـر ناسـي

هاذي هي اعمالك تقـدم بكـراس

ومن هول ماشفته وقف شعر راسي

وانهارت اعصابي ولاارد الانفـاس

ياليتنـي فكـرت قبـل انغماسـي

بالغفله اللـي منتهاهـا للافـلاس

وفزيت من نومي على صوت ناسي

واصرخ واقول الموت وأحذر الناس


 

morshedy4321

عضو ماسـي
التسجيل
25/9/05
المشاركات
1,111
الإعجابات
57
#2
مشكور حبيبى الغالى على هذا الشعر الجميل مثلك

وفى انتظار المزيد .....

تقبل تحياتى
 

ترانيم

عضـو
التسجيل
11/12/05
المشاركات
41
الإعجابات
0
#3


مشكور على هذي الكلمات الرائعه الله يبعد عنا هول هذا الموقف ويثبتنا :310:
 
الحالة
موضوع مغلق

أعلى