dina.ahmed

عضو جديد
التسجيل
12/12/17
المشاركات
21
الإعجابات
0
#1
ازاى تختارى اثاث وديكور غرفة الاطفال ؟؟
اكتر غرفة بنحتار فى ديكورها هى غرف الاطفال ودة لانها مهمة جدا بالنسبة للاطفال. غرفة الاطفال اكتر مكان اطفالك بيقضو فى وقتهم فلازم تختارى اثاثها وديكورها بعناية لان دة بيأثر فى نفسية طفلك وكمان حالته المزاجية ومش دة بس. (لا). دة بتاثر فى تكوين شخصيته كمان
ومع تقدم العلم أثبت ان الالوان بتستخدم لتحفيز الطفل وكمان بتساعده فى مذاكرته وانه ينام فى هدوء واسترخاء
النهاردة هقولك على نصائح تستخدميها وانتى بتختارى الوان واثاث غرفة نوم طفلك :)



اول نصيحة واهم نصيحة
لو طفلك سنه يسمح انك تاخدى رايه فى ديكور الغرفة فلازم تشاركيه لان دة هايبقى عالمه الخاص وكمان هايقضى فيها اكتر الوقت ولازم يحس بالراحة فيها وطول ماهو مرتاح دة هيساعده فى بناء شخصيته



-الأضاءة
لازم الاضاءة فى غرفة الاطفال تكون واضحة ومش باهتة وطبعا تتأكدى ان ضوء الشمس يدخل الاوضة عشان اشعة الشمس مهمة جدا لنمو طفلك.اختارى لمبات كبيرة الى حد ما ويكون اضائتها واضحة طبعا بس خليها مش مباشرة لطفلك عشان تحافظى على سلامة عيونه عشان كدة خلى الاضاءة الرئيسية للغرفة فى السقف. وممكن تحطى اباجورات جنب السرير وعلى المكتب.



-الاثاث
متكترييش من اثاث طفلك واكتفى بالقطع المهمة زى السرير والدولاب والمكتب عشان يكون فى مساحة لطفلك انه يتحرك بحرية.واول حاجة اعتمدى عليها فى الاثاث هى السلامة والامان يعنى اتاكدى من الخشب المستخدم فى اى قطعة عشان يتحمل لعب طفلك وميكنش ليه حواف حادة لسلامة طفلك



-السجاد والارضيات
ارضية غرفة الاطفال من الصعب اننا نختارها ودة لان لو اخترنا ارضية من الخشب مش هتستحمل وبتبوظ بسرعة. ولو اخترنا السيراميك هنخاف على الاطفال لانه ممكن يوقع ويتزحلق بسبب السيراميك.فالحل انك تختارى سيراميك بس يكون مطفى عشان متتعبيش فى تنضيفه وعشان نتجنب الانزلاقات نحط سجاد. وطبعا فى
السجاد اختارى الالوان المبهجة والمرحة لسعادة طفلك :)



-الالوان
الالوان من العوامل المهمة فى ديكور غرفة الاطفال ودة لان اختيار الالوان الصحيحة بيبقى ليها اثر ايجابى على طفلك وبتحسن من طاقته. واعتمدى على الالوان المبهجة والجريئة فى غرفة الاطفال. زى الاصفر ومن مميزاته انه بينشط العقل وكمان بيزود الابداع وممكن لتتخلصى من حده اللون الاصفر ضيفى ليها لون هادئ زى الابيض. واللون الازرق والابيض والوردى كمان مناسبين لغرفة الاطفال.
ابعدى خالص عن اللون الاحمر لان فى ابحاث اثبتت ان اللون الاحمر بيشجع السلوك العدوانى عند الاطفال بالاضافة لاجهاد النظام العصبى


 

أعلى