dina.ahmed

عضو مشارك
#1
النهاردة هنتكلم عن حاجة احنا كلنا بنحبها وبتلفت نظرنا جدا من اول مرة وهى الاكسسوارات ومن ضمن الاكسسوارات دى هى الترابيزات العملية طبعا بألوانها واحجامها المختلفة
وكمان هنتفرج على احدث الموديلات والتصاميم فى الترابيزات من معرض كاربيتشر للاثاث



الترابيزات بنستخدمها فى حياتنا بشكل يومى ومن الحاجات الى منقدرش نستغنى عنها وبنقدر نستخدمها فى كل الاماكن زى مثلا الصالون او الانترية وكمان اوضة الاطفال واوضة النوم :)



الترابيزات وجودها مهم جداا ولكن فى نفس الوقت لازم نخلى بالنا ان شكل الترابيزات يكون مناسب لباقى الديكور عشان المنظر العام للغرفة ميبقاش وحش وكمان ناخد بالنا من الحجم وبلاش نجيب ترابيزات حجمها كبير جدا وياخد مساحة كبيرة من الغرفة .



طبعا لما بننزل نشترى الترابيزات بنلاقى ان السوق مليان ترابيزات كتير وبأسعار غير بعض وعشان كدة بلاش نتخدع فى الشكل وننسى ناخد بالنا من الخشب وقوه تحمل الترابيزة
.وكمان مش اى مكان نشترى منه لازم يكون مكان مضمون ومعروف



طبعا فى مننا بيحب الجنان ومش بيحب يشترى ترابيزات تقليدية بأشكالها المتعارف عليها عشان كدة فى كاربيتشر اصرينا اننا نعمل اكتر من موديل وشكل عشان نرضى جميع الاطراف . :D



ومن انواع الترابيزات : فى ترابيزات الوسط الى بتبقى موجودة فى غرفة المعيشة والصالون وترابيزات الجنب الى بتكون جنب الكنب او بين كرسين وبتكون مريحة جداا وعملية
وكمان مش شرط انك تطابق ترابيزة الوسط مع ترابيزة الجنب



طبعا اشكال الترابيزات مفيش اكتر منها يعنى مثلا فى ترابيزات بيضاوية وفى ترابيزات على شكل مربع او مستطيل وكمان الوان مختلفة فى الوان غامقة زى البنى الغامق او الاسود وفى الوان مبهجه وفاتحة زى الابيض والاصفر وطبعا عشان منحتارش كتير انت عليك تختار المناسب ليك ولديكور بيتك وكمان المناسب لشخصيتك :)



ظهر كمان فى الفترة الى فاتت اشكال من الترابيزات بتبقى صغيرة بيبقوا 3 تراييزات صغيرين مع بعض وفى بيكون ب 3 الوان مختلفة او الوان زى بعض وبيبقى شكلهم جميل خالص وممكن نستخدمهم فى اوض الاطفال بالوانهم المبهجة والمرجة هتدينا جو عام رائع .



ومن الترابيزات دى كمان اشكال مختلفة يعنى مربع او كمان على شكل ورده زى ما احنا شايفين فى صورة الترابيزة دى من معرض كاربيتشر .



يبقى زى ما قولنا ان فى اشكال وانواع واحجام كتير للترابيزات وان هى من الاكسسوارات المهمة جداا الى مينفعش نستغنى عنها خالص
بس كل الى علينا اننا نختار المناسب لينا ولبيتنا .


 

أعلى