dina.ahmed

عضو جديد
التسجيل
12/12/17
المشاركات
21
الإعجابات
0
#1
كتير من الناس فاكرين ان السفرة بقت موضة قديمة وانها بتأخد مكان على الفاضى وكتير من العرسان بيتخانقوا مع بعض او مع اهلهم لانهم مش عايزين سفرة :(
غير مدركين طبعا اهمية غرفة السفرة فى البيت لان السفرة بقت مش مجرد اثاث بيتحط فى بيتك ولكن السفرة بتمر معاك بكل مرحلة فى حياتك.


غرفة السفرة بتعتبر من اهم اثاث البيت ودة لانها المكان الى بيجتمع فى افراد العيلة كلها والصحاب كمان وتقضوا لحظات عائلية سعيدة ومرحة اثناء الوجبات والحفلات وبتبقى معاك فى كل مناسبة بتمر بيها فى حياتك وبيبقى فيها اجمل الذكريات ومش بس ذكريات الاكل الحلو :D وكمان بنتشارك فيها وبنعزم فيها ضيوفنا. وكمان مينفعش ننسى المذاكرة وانها المكان المفضل لمذاكرة الاطفال ومشاركة الضحك والزعيق كمان :D

وزى المثل ما بيقول :D

العيلة الى بتأكل مع بعض .. بتفضل مع بعض


طبعا السفرة فى منها اشكال واحجام كتيييييييير فى الشكل الدائرى والمربع والمستطيل وفى ناس بتحب تختار السفرة من الخشب الزان عشان يكملوا ديكورهم العصرى وفى بيحبو التصاميم الى من الزجاج وكل شخص بيختار المفضل ليه ولمساحة غرفة سفرته:)
نصائح لغرفة سفرة افضل
1 - زى ما قولنا ان السفرة من اهم الاثاث فى البيت يبقى لازم نخلى بالنا احنا بنجبها منين ونجبها من معرض معروف وليه اسم كبير عشان السفرة تفضل معانا وقت طويل ومش كل شوية حاجة تتكسر فيها وتبقى عايز تبدلها

2- اشكال السفرة المستديرة او البيضاوية هاتبقى افضل فى الاماكن الصغيرة ولكن لو اختارتى الشكل المستطيل مش هايبقى عملى فى غرفة الطعام

3- طبعا لازم كراسى السفرة تبقى مريحة عشان محدش يتعب وهو قاعد او وهو بيأكل وبلاش نختار تصاميم غير عملية

4 - عشان نضمن سهولة الحركة والراحة فى غرفة السفرة لازم تختارى اثاث مناسب لمساحة الغرفة عندك وسيبى فراغات فى المكان يعنى مثلا ورا كل كرسى سيبى 70 سم على الاقل وكمان سيبى مسافة بين الكراسى حوالى 60 سم

5 - حطى مرايات فى غرفة السفرة هتحسى بوسع فى المكان وحيوية

6-لو كانت غرفة السفرة مفتوحة على غرفة المعيشة خلى الالوان محايدة وتبقى الوان هادية وممكن تستخدمى الوان زى البيج او الرومادى

7- كمان لو غرفة السفرة مفتوحة على غرف تانى ممكن تحطى سجادة تحت السفرة ودة هيحدد مساحتها

8- لو هتحطى اضاءة فوق السفرة لازم تخلى بالك انها تكون بعيدة على الاقل خالص متر عن سطحها ودة عشان منضايقش من الضوء واحنا قاعدين

9- كمان لو مش عايزين اضاءة مباشرة ممكن نستخدم الاباجورات او نستخدم اضواء خفيفة زى الى موجودة فى النيش

10- حافظى على نظافة غرفة السفرة عشان متبقاش سبب فى اننا نبوظ ديكور البيت وكمان نضفى الاثاث بعناية كبيرة .

11- لو غرفة السفرة بتاعتك مساحتها واسعة ممكن تضيفة قطع اثاث تانى زى الكونسول ويكون بلون يناسب طبعا غرفة سفرتك وكمان الكونسولات من قطع الاثاث الجميلة جدا والفخمة زى السفر بالظبط





 

أعلى