dina.ahmed

عضو مشارك
#1
النهاردة هنتكلم عن الركن والانتريهات ودول بيعتبروا من الاثاث المميز فى البيت. وطبعا كلنا بنهتم بشكلهم والوانهم لانهم بيبقوا مظهر البيت وبتاخد شكل وديكور المنزل وكمان لما يجيلنا ضيوف بتبقى هى اول حاجة بيشوفوها وهى الى بتدى للبيت شكل رائع وجميل.

واستخدمى ركن او انتريهات الوانهم مرحة وفاتحة دة هايخلى البيت فى بهجة وطاقة ايجابية حلوة جدا .


الركن ممكن نحطها فى غرفة المعيشة والصالة. وطبعا لازم واحنا بنختار الركن نتاكد انها تبقى عملية ومريحة ومنشتريش ركن لمجرد الشكل الجميل وخلاص ولكن لازم نتاكد ان خشبها ممتاز ويستحمل وكمان تكون مساحتها والوانها مناسبة مع الوان الدهانات ومتناسق مع باقى الاثاث


ممكن لو مساحة غرفة المعيشة صغيرة ممكن نعمل فكرة حلوة اوى وهى اننا نعمل ركنة بتتفتح سرير والفكرة دى انتشرت جدا فى الفترة الاخيرة لانها عملية جدا وكتير بقى يستريح مع فكرة ركنة السرير وكمان الوانها كتير جدا وتقدرى تعمليها بالمقاس واللون الى انتى تحبيه والى يبقى مناسب مع باقى ديكور الشقة.



نصائح فى شراء الركن
اول حاجة طبعا لازم نبدأ بيها هى تحديد الميزانية عشان كلنا طبها بنضايق جدا لما حاجة تعجبنا كدة وفى الاخر تطلع فوق الميزانية بتاعتنا

لازم تحددى الاول استايل الركنة الى انتى عايزاها يعنى اذا كان مودرن او استيل وشكلها يبقى ازاى عشان متحتاريش من الاشكال الكتير الى موجودة فى الاسواق

خدى بالك ان السوق مليان ركنات خشبها ردئ جدا والحشو بتاعها سئ للغاية ومش هتستحمل معاكى سنتين وزى ما بيقولو اسال مجرب :D عشان كدة لازم تختارى ركنتك من مكان مضمون وكمان يبقى عليها ضمان

لازم تختارى قماش ركنتك يكون سهل التنضيف وبالاخص لو الركنة هتبقى فى غرفة المعيشة لان هايبقى عليها ضغط كبير وكله بيتجمع عليها معظم اليوم

لازم يبقى فى تناسق بين المقاسات يعنى مينفعش تعجبنا ركنة كبيرة والبيت صغير لازم تكون حجمها مناسب عشان شكل البيت ميبقاش غريب وضيق





الانتريهات
طبعا مينفعش ننسى الانتريهات وجمالهم وانواعهم المختلفة وكمان لو بيتك مساحته واسعة ممكن تحطى انترية مع الصالون.وهايبقى شكلهم جميل جدا.
الانتريهات عموما بتحسسنا بالفخامة وبقالها سنين من وقت الانتريهات الاربيسك الى كانت مشهورة زمان وبرضو موضتها مقدمتش خالص.
وفى انتريهات كلاسيك للناس الى بتحب تضييف طابع تراثى واصيل لبيتهم وفى طبعا الانتريهات المودرن بألوانها المبهجة واشكالها المتنوعة.



وانت بتختار الانتريه المودرن لازم نخلى بالنا ان الاكسسوارات بتاعته برضو تكون مودرن وبسيطة وممكن تستخدم اباجورة او زهرية ورد على جانب الانترية

برضو لازم ناخد بالنا من خشب الانتريه الى هنجيبة وانه يكون زان مش اى نوع خشب وخلاص وكمان القماش بتاعه يكون كويس وميتقطعش بسهولة ويفضل معاكى لاطول فترة ويستحمل الاستهلاك وكمان عشان متتعبيش هاتى قماش الانترية يكون سهل التنضيف

طبعا لازم يكون لون الانترية مناسب للون الدهانات وبلاش نستخدم الوان دهانات فاقعة مع الانتريهات الملونة لان المنظر العام مش هايبقى حلو وكمان مش هايكون مريح للعين .وعشان كدة اهم حاجة هى التنسيق فى الالوان وكمان فى وضع الاثاث.

احدث الانتريهات المودرن 2018
من معرض كاربيتشر للاثاث











 

أعلى