dina.ahmed

عضو جديد
التسجيل
12/12/17
المشاركات
21
الإعجابات
0
#1
كتير بقى يستخدم ورق الحائط فى ديكوراتهم بدل من الدهانات او يستخدمه الاتنين مع بعض ودة لان ورق الحائط بيتميز بالوانه الكتير ورسوماته الجميلة. وكمان اوراق الحائط تطورت رسوماته وبقى فى انواع ثلاثية الابعاد.
النهاردة هنتكلم على كل ما تحتاجين معرفته عن ورق الحائط واية افضل الاماكن الى نحطى فيها ورق الحائط واية هى الاماكن الى مينفعش خالص نحط فيها ورق الحائط. واية هى الحاجات الى مفروض تاخدى بالك منها وانت بتشترى ورق الحائط.






اول حاجة لازم تعمليها انك تعرفى مقاس الغرف الى هتحطى فيها ورق الحائط وكمان تحددى هتحطيه فى حيطان معينه ولا لكل الغرفة عشان تقدرى تجيبى عدد اللفائف صحيح.وكمان لازم تسالى البائع اذا كان النوع الى هاتجبيه سهل الازالة ولا لا. وتتعمدى انك تشترى الانواع السهله فى الازالة عشان لو حبيتى تغيرى وتجددى بيتك برسومات تانى.وكمان انك ممكن تنضافيه بسهولة من غير ما يفسد لان اماكن زى غرف الاطفال وغرف المعيشة بتحتاج لنضافة كتير.





طبعا لازم تراعى تناسق الالوان بين ورق الحائط واثاث الصالون او الغرف. ودة لان ورق الحائط برضو زى الدهانات والوانه ورسوماته بتشارك فى شكل المكان.
خلى بالك برضو ان ورق الحائط زى ما قولنا زى الدهان فلازم لو الغرفة صغيرة تختارى الوان بسيطة متناسقة مع بعض مفيهاش رسومات كتير وتكون نقوشها صغيرة عشان متصغرش حجم الغرفة اكتر وتبقى مريحة للعين. ولكن لو كان المكان كبير فممكن تستخدمى ورق حائط فى نقوشات كبيرة.






لو انتى سقف غرفتك قريب يبقى استخدمى ورق حائط فى خطوط ونقوش رأسية لانها بتدينا احساس ان السقف عالى وممكن تجيبى ورق الحائط بتاعها بلونين كمان. ولكن لو غرفتك سقفها بعيد استخدمى ورق حائط بخطوط افقية لان دة هايبين ان الغرفة سقفها اقصر. بس متكتريش من ورق الحائط الافقى عشان ميدناش انطباع بقصر الغرفة بشكل عام .





احذرى :

استخدام ورق الحائط فى الاماكن الى بتتعرض للشمس فترات طويلة. ولان الضوء المباشر لورق الحائط بيسبب فى بهتان الالوان وكمان ممكن يعمل تششقات فى الورق حتى لو ورق الحائط دة معمول من مواد مقاومة.
استخدام ورق الحائط فى المطابخ ودة لان التهوية الغير جيدة تعرض ورق الحائط لدرجة حرارة عالية- ممكن يتسبب فى تشققه وتلفه.
استخدام ورق الحائط فى الحمامات لان الرطوبة العالية هتخلى ورق الحائط يتلف بسرعة.





نصائح :

-لو هتستخدمى ورق حائط فى نقوش فى الغرفة لازم يبقى على حيطة واحدة بس وباقى الحيطان تبقى سادة ودة هيدى شكل افضل للغرفة.
-لما تستخدمى ورق الحائط المنقوش فى حيطة خلى باقى الحيطان بنفس اللون فى فى خلفية ورق الحيطة الى فى النقوش بس طبعا يكون سادة خالص
-اختارى ورق حائط بالوان فاتحة لان دة بيدى بهجة ومرح فى المكان.
-فى الغرف الى جنب بعض زى الصالون وغرف المعيشة اختارى ورق حيطة يكون زى بعض وبلاش تستخدمى الوان كتير مختلفة.



 

أعلى