dina.ahmed

عضو جديد
التسجيل
12/12/17
المشاركات
21
الإعجابات
0
#1
الستائر دورها بقى مش مقتصر انها تحجب الضوء وبس ولكن بتبقى زى العنصر المجهول لو اختارتيه بعناية وتنسيق هيساعدك فى نجاح مظهر ديكور بيتك كله. وطبعا مننساش الحيرة الى بتبقى عند ناس كتير وهما بيختارو الستائر ودة بيرجع ان فى موديلات جديدة وجميلة بتطلع طول الوقت. فحاولى تختارى موديلات موضتها متبطلش وفى نفس الوقت عملية. وعشان دة يتحقق لازم تبقى عارفة كل حاجة تخص الستائر ودة الى هنتكلم فى النهاردة :D



طبعا اول حاجة لازم تعمليها انك تحددى المقاسات عشان تعرفى كمية القماش الى هتحتاجيه.وفى طريقة ممكن تحسبى بيها المقاس وهى انك تاخدى مقاس الشباك او البلكونة وتزودى 25 سم من كل ناحية ومتنسيش تحددى الكشكشة فيها وارتفاع ماسورة الستارة عن الارض.



حددى الاستايل الى انت عايزاه والالوان وطبعا لازم تحددى الالوان على حسب الاثاث مش العكس يعنى متجبيش الستائر قبل الاثاث. واختارى موديلات بسيطة للشبابيك الصغيرة وابعدى عن الستائر المطرزة لو الحجم صغير.



تحديد الالوان مش بيبقى عشوائى طبعا يعنى حددى لون الستائر على حسب لون الصالون او الانترية وكمان متنسيش لون الحيطان. عشان تعملى منظر راقى واجمل. حاولى تكون كل الستائر زى بعض فى الشقة كلها ماعدا طبعا الغرف زى غرف النوم وغرف الاطفال الى كتير بيحب يختار ستارتها فيها اشخاص كرتونية.



قماش الستائر وانواعهم : لازم تتاكدى ان قماش الستائر يكون سهل التنضيف وكمان مش هتحتاجى تكويه كل مرة تنضفيه فيها. فى انواع اقمشة كتير من الستائر
مثلا القماش الفخم زى القطيفة وبيكون قماش سميك وبيدى اناقة وفخامة فى بيتك




وفى كمان اقمشة شانيل وفى اقمشة خفيفة زى القماش الشيفون وهو قماش شفاش ممكن يستخدم لوحده لو فوق ستائر البلاك اوت كمان .






قماش الكتان والقطن والنوع دة من القماش بيبقى مناسب اكتر للحمامات والمطابخ ودة لانها سهله الغسيل وعملية جدااا







فى نوع تانى من الستائر وهو البلاك اوت (BLACKOUT) وده بيستخدم تحت الستائر الى قماشها خفيف عشان يحجب الضوء وهو بيشبه القماش الWATER PROOF والنوع دة مناسب اكتر لغرف النوم طبعا وكمان الناس الى عندها حساسية من الضوء.






وفى كمان قماش الستان الى بيعتبر من القماش العملى جدا فى الاستخدام وبيعمل انعكاس جميل جدا ومناسب للضوء. ونوع تانى هو :القماش الحرير وطبعا الحرير معروف بنعومته وكمان انه من القماش الحساس جدا فلازم لو جبتى ستائر حرير يبقى ليها عناية خاصة خالص






نصاااااااااااائح اضافية :
فى غرف الاستقبال اختارى ستائر تشد العين وتكون رسومتها واضحة *
فى الغرف لو كان السجاد فى رسومات ونقوش كتير اختارى ستائر سادة والعكس طبعا*.
لو عايزة تبينى ارتفاع الغرفة اكبر ارفعى الستارة قريب من سقف الحيطة عندك*
*لو عايزة كمان تكبرى حجم الشباك بتاعك اختارى ستائر بالوان زى الاصفر ودرجاته او الاحمر او الازرق
*لو عندك شباك بيدخل اضاءة كبيرة فلازم تتجنبى الالوان الفاتحة لان مع الوقت الضوء دة هيخلى لون الستارة بهتان. فالاحسن انك تختارى الوان محايدة زى البيج والرمادى وعشان متحسيش بملل ممكن تختارى الالوان الحيادية دى برسومات بسيطة وناعمة.

*القماش القطن والكتان لشبابيك المطبخ والحمام.

 

أعلى