dina.ahmed

عضو جديد
التسجيل
12/12/17
المشاركات
21
الإعجابات
0
#1
النهاردة هنجاوب على السؤال الاهم فى حياة كل ست :D. ازاى اختار نوع مطبخى واية هو الديكور المناسب للمطبخ؟؟
هنتكلم النهاردة عن انواع المطابخ ومميزاتهم وازاى تختارى ديكور المطبخ يكون بيجمع بين الراحة والجمال ولان المطبخ دة يعتبر اهم جزء فى الشقة بالنسبة للسيدات ودة لاننا بنقضى فى وقت كبير ولازم تكون الوانه احنا بنحبها.






اول حاجة هنتكلم فيها هى انواع المطابخ ومن اشهر الانواع دى:
المطابخ الخشب : طبعا افضل انواع الخشب هو الزان والأرو والمطابخ الخشبية تتميز بشكلها الجميل والانيق وكمان بيدى شكل طبيعى. بس عيوبه انه مش بيستحمل الرطوبة وبيتشقق واصعب عيب انه صعب التنضيف






مطابخ الالوميتال: الألوميتال له اشكال كتير لانه يعتبر سهل التشكيل وكمان فى منه الوان كتير. ومن مميزات مطابخ الالوميتال انها سهلة التنضيف وكمان مش بتتأثر بالرطوبة ومش بيكون بيئة للحشرات تتجمع فى.له عيب واحد فقط وهو انه ممكن يتفك بسهولة






مطابخ الخشامونيوم : نوع دة من المطابخ لمحبين الخشب والالوميتال وعايزين يجمعو بين الاتنين. لان مطابخ الخشامونيوم بتاخد شكل مطابخ الخشب وفى نفس الوقت مميزات الالوميتال زى سهولة التنضيف. وممكن عشان تتفادى عيوب الالوميتال استخدم مفصلات ممتازة فى جودتها ومش هيتفك بسهولة






مطابخ الاكريلك: لازم تبقى عارفة ان مطابخ الاكريلك دة بتشبه الزجاج جدا جدا. ومش بيستخدم فى كل المطبخ ولكن للدرف الخارجية فقط والدرف الداخلية بتكون من الخشب ومن مميزات المطبخ دة انه بيتحمل الاستعمال الكتير والضغط وكمان وله الوان متتعددة. فى عيب واحد للمطابخ الاكريلك وانها مش بتتشكل بسهولة.







وانتى بتصممى مطبخك لازم تاخدى بالك من حاجة مهمة وهى مساحة المطبخ بتاعك. وكمان عدد الاجهزة الكهربائية الى هتحتاجيها وهتحطيها فى المطبخ زى (البوتجاز والفرن والغسالة)وتناسقها مع مطبخك.يعنى متجبيش اجهزة كبيرة وانتى مطبخك صغير.
وطبعا لازم تراعى انك تسيبى مساحة فى مطبخك تقدرى تتحركى فيها براحتك



التهوية
فى نوعين من تهوية المطبخ. تهوية طبيعية الى هى من شباك المطبخ . وتهوية صناعية من شفاط البوتجاز ودى بتشفط البخار والدخان من البوتجاز. تانى نوع هو شفاط المطبخ ودة بيدى تهوية كاملة للمطبخ كله


الالوان : فى الوان كتير من المطابخ زى الابيض والنبيتى بس حاولى وانتى بتختارى الوان مطبخك اختارى الوان عملية وغامقة عشان تستحمل الاتساخ ويستحمل معاكى لفترة طويلة زى اللون البنى ويكون غامق طبعا.بس لو المطبخ بتاعك ضيق فممكن تختارى اللون البنى الفاتح مثلا


الاضاءة: اخر حاجة هنتكلم فيها النهاردة هى الاضاءة ولازم تكون اضاءة مطبخك واضحة ومريحة لسلامة عينك. وفى الانارة ممكن تعتمدى على كذا طريقة. زى مثلا اضاءة رئيسية ودى بتبقى فى السقف طبعا.وممكن تحطى اضاءة اضافية عند حوض المطبخك لزيادة الاضاءة وطبعا خلى بالك كل ما زادت مساحة مطبخك طبعا هتزودى عدد اللمبات عشان يبقى فى اضاءة قوية



للمزيد زوروا موقعنا الالكتروني :
www.carpiture.com


او صفحتنا علي الفيس بوك :
carpiture

 

أعلى