الماسة

عضو مميز
التسجيل
13/9/17
المشاركات
331
الإعجابات
380
العمر
22
الإقامة
من حيث اتيت
#1
قمة تحطيم الرومانسية للمتزوجين
تعلـــــموووووا ياشباب



هذي وحدة تقول مرَّة وصَّلني زوجي للمدرسة اللي كنت معلمة فيهاالصباح قلت له وانا نازلة راح اشتاق لك ياحبي.... قال انزلي انزلي لا تروح عليك الحصة الاولى .. آآآآآآه ..
عاد انا وش اقول : بغيت اصفعه بالمسطرة الطويلة اللي معاي..



^


^


((مدري مين اللي مآ يفهم في الحب والرومانسيه ))وحدة ثانية تقول:
زوجي موراعي هدايا ابد قلت ابشتري هدية جوال الي يستخدمه قديم المهم غلفته وكاتبة في كرت شعر وكلالالالالالالالام حلو وعطيته الهدية وكنت بجنبه المهم فكه بشراسة وجهه فيه علامات استغراب وتعجب وانا مبتسمة طلع وناظرقال لمين هذا قلت لك حبيبي قال : شاريته بالفين وخمسمية يابنت الكلب هو فرحان بس شوفوالتعبير قسم بالله ذبلت ابتسامتي وهو يضحك يقول اول مرة احد يهديني بالمبلغ هذا بس تصدقون رحمته هههههههه !!


^


^


((امممممممحق من ردة فعل اللي تسب ابوي فيهآ لآ بآرك الله فييييك ))وهذي وحدة ثانية تقول انها حطت شموع من عند الباب ال غرفة النوم والشموع طبعا على الارض وهي جلست في غرفتها وكاشخة وتنتظر زوجها المهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينة انهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس للاسف الحين تطلقت (ماتنلام تطلب الطلاق)


^


^


((آآآآآآآآخ بس متى يفهمون عيآلنآ حسبي الله عليه يطقهآ ))وحده من الحريم ملت من الروتين اليومي في حياتها وحبت انها تسوي مفاجئه لزوجها بسهره رومانسيه ...المهم قامت واطلبت الكيكة من الدبلوماسي والعصيرات
وخلت الاضاءة بالمجلس هادية وولعت الشموع ونومت عيالها وتزينت عشان تهيئ الجو لهم .....
.المهم جاء الزوج من الاستراحة وريحته تفاوح دخاخين واستقبلته ودخلته للمجلس وقصت له من الكيكة
وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر..!!
تقول هي انها بلعتها وسكتت منب مخربة السهرة...قام وكمل ذا الماصل وقالها الحين وراك طالبة حجم كبير
من الكيكة كان طلبتي حجم صغير وشوله الاسراف يالله روحي قومي البزارين ياكلون منها عشان ماتنكب..
عاد هي حامت كبدها منه وطفسته وزعلت عليه......
تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل)


^


^


((حقيييييييييييييييير وربي ))هذي وحده من البنات توها متزوجة وحابه تسوي حركة لزوجها ...
قامت وتزينت وتجهزت من مجاميعه وحطت الاضاءة هادية وشغلت الدخان الصناعي
وانتظرته لحد ماشرف...المهم يوم دخل ويشوف الدنيا شبه مظلمة والدخاخين
حاجبه الرؤية قام يركض للصالة وجلس يناديها
وهي ساكتة ماترد عليه تتغلى عليه(على بالها حركة ماتدري مسيكينة انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...
المفروض انها صبت على راسه موية نار.....
^


^


((ههههههههههههههه .. بس الله لآ يحطني بموقفهآ ))/ هذي وحدة من البنات تزوجت وراحت للخارج مع زوجها بعثة للدراسة له ولها..
.المهم شافت ذا الحمران العطران ورومانسيتهم قالت خل اسوي مثلهم ..
وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسة الهادية.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحة تفوح في الغرفة ومن ذا الحركات.
..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
شافت زوجها نايم في الصالة عاد هي استغربت وراه تارك السرير ما امبطح عليه...ويوم صحى
وسألته قال الله يصلحك ناثرة لي عشب على السرير وشلون انام عليه(الله يقلعه مايميز بين الورود والعشب).
...بالله مو المفروض تنثر على السرير تين شوكي عشان يتأدب ذا الباصق......


^


^


((وتلوموني لآ قلت مآ ابغى عربي ))وهذي وحده تعشق شئ اسمه رومانسية و كانت دائما تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركة وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي طنقرت وقالت انا اوريه عشان يتأدب
ويعزمني بدال ما انا أعزمه...قامت وعزمته زي كل مرة ويوم خلصوا ماكلين
قالت له اكرمك الله ياابو فلان على العشى...عاد هو شرق بالعصير من الروعة
, قال لها وشلون يعني؟؟؟قالت له الله يسلمك الفاتورة
دفعتها من جيبك اخذت المبلغ من بوكك قبل مانطلع....
تقول عقبها طاح وجهه تأدب وصار يطلعها كل سنة مرة(تعب نفسه صراحة)......
^


^


((كفووووو يآ بعدي انتي بس قليل الادب مآ تأدب مرهـ بالسنة ))وفي وحدة لاهي ولازوجها يدلون الرومانسية وكانت بيوم راح تنقل لبيت ملك المهم شارت عليها
إختها إنها تشتري حركات فطلعت مرة هي وزوجها يشرون شموع اشكال والوان وبعد فترة هي كان
زوجها طالع وإستغلت الفرصة وإدهرت تضبط البيت وتكشخت وشغلت الشموع يوم جاء المحروس
شاف الدنيا ظلام يوم دخل على زوجته ولع النور وطفى الشموع قالها الله يهداك الحين أنا شاريهن لاطفى الكهرب<<<<<قمة التحطيم


^


^


((من جدددددد قمة التحطيييييييييييييييييييم ))هذي وحده جناااااااانها البلونات عااااااد ذاك اليوم في كل جدار حطت نفاخة ..وشك شك .. هذا طبعا صوت مفاتيح الباب جاء رجالها .. ومن غير مقدمات يوم شاااف البالونات فقعها وهووو معصب وقال لها لو يجونا ضيوووف وش يقولون .. هذولي لسع ما تخرجوا من الإبتدائي ..والله مسكين ووووبايخ حطم الحررررررريمه..
ههههههههه


^


^


((الشرهه مو عليك على اللي مسويه تبي تعيشك الجوو ))وحدة تقول أنا معلمة وعندي في البيت أوراق كثيرة هنا وهناك وإذا خلصت المدرسة ألمها وأجمعها في كرتون وإذا ما أبغاها أحرقها >>>>>> المهم ما أطول عليكم ..
رحت وشريت لي كتاب رومنسيات زوجية قالك بتثقف وأصير رومانسية حتى أعجب أبوالشباب
وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
قريت في الكتاب انه إذا سافر زوجك أو تركتي البيت اكتبي بطاقات حلوة ملونة فيها عبارات جميلة للزوج وحطيها بين ملابسه عشان إذا جاء يلبس يقرأ البطاقات ويتذكرك حتى وانتي غايبة عن عينه ......
واختكم في الله سوتها ......... تتوقعون إيش كانت النتيجة ............ ......... ......... ..اهئ اهئ
لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة >>> زوجي كتوم جداً
قلتله ياعيوني ياحبيبي عجبتك الحركة .........


قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه ..

إيش رايكم فيه >>>>>> طعس صحيح .^



^




((عآد المرهـ هذي الغلط منهآ انهآ عودته على حوستهآ ))وحدة تقول مرة سويت لزوجي ليلة رومانسية على قولتكم وقمنا نرقص هذيك الرقصة وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمة مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر هههههههههه




^




^

..
 

MALEKDZ

عضو مشارك
التسجيل
10/11/15
المشاركات
58
الإعجابات
53
الجنس
Male
#2
ههههههههههه
 
Dzhamza

Dzhamza

مجموعة الإدارة
التسجيل
23/11/13
المشاركات
15,247
الإعجابات
16,435
الإقامة
الجزائر
الجنس
Male
#3
ليس كل ما يتمناه المرء يدركه
وليس كل ما لا يدرك جله يترك كله


..
 
سعد الدين

سعد الدين

المسؤول الفني
التسجيل
18/3/03
المشاركات
44,834
الإعجابات
15,799
الإقامة
Türkiye
#4
حطت شموع من عند الباب ال غرفة النوم والشموع طبعا على الارض وهي جلست في غرفتها وكاشخة وتنتظر زوجها المهم دخل الطعس ودعس الشموع برجلينه
ههههههه قسما بالله راح أموت من الضحك :332: . . ...
 
أنيس

أنيس

مشرف عام
التسجيل
11/1/14
المشاركات
5,483
الإعجابات
4,202
#5
هههههههههه
سلَّمك الله من كل هذا وأجاد حظِّك ومثواك .. آمين .
والله يا إختي الكريمة , يا ما في الدنيا مظلومين !!.
ليس من النساء فقط , ولكن من الرجال والنساء الذين علقوا ببعض وكانوا مختلفين المزاج والإدراك .
مني جليل التقدير والشكر ....
 

wael_samy2009

عضو مميز
التسجيل
4/8/10
المشاركات
339
الإعجابات
140
#6
برجاء الترجمه الى اللغه العربيه الفصحى لصعوبة فهم المحتوى باللهجه الخليجيه . و شكرا
 

mohamed ebrahem

الوسـام الماسـي
التسجيل
10/12/14
المشاركات
11,412
الإعجابات
2,972
#7
الف شكر.. تسلم الايادى وبارك الله فيك
 

أسيرالشوق

الوسـام الماسـي
التسجيل
4/7/06
المشاركات
16,256
الإعجابات
2,669
الجنس
Male
#8
هههههههههه
سلَّمك الله من كل هذا وأجاد حظِّك ومثواكي .. آمين .
والله يا إختي الكريمة , يا ما في الدنيا مظلومين !!.
ليس من النساء فقط , ولكن من الرجال والنساء الذين علقوا ببعض وكانوا مختلفين المزاج والإدراك .
مني جليل التقدير والشكر ....
.

.​
 

hisdigital

عضو مشارك
التسجيل
26/6/17
المشاركات
45
الإعجابات
5
#9
شكرا
 

أعلى