mabbas2003

عضو مشارك
#1
فراخ محشيه ومشويه بالتفصيل جناااان وبالصور كمان
كنت عملت طريقه الفراخ المحشيه والمشويه قبل كده
والحمد لله نجحت 0بس فيه استفسارات كتير لانه كان اول موضوع بالنسبه لى
وقولت لازم افصل اكتر لحبيباتى الحلوين
فراخ محشيه ومشويه فى الفرن جناااااااااااان روعه
المكونات
فرخه الحجم اللى انت عايزاه
وبصل مبشور وكبده فراخ انا بعمل ربع كيلو كبده
وعلبه زبادى للفرخه الواحده وميه البصل وطماطمايه مبشوره
وفلفل اسود وملح ولمون وذره زنجبيل ونص معلقه زعتر
بنضف الفرخه كويس وندعكها بملح ولمون
* نحضر الخلطه
نبشر بصله كبيره وناخد ميتها
ومترميش البصله حنستخدمها فى الحشوه
ونحط المكونات كلها الزبادى والطماطم
وكل البهارات

ونجيب الفرخه ونخرمها خرام بسيطه عشان تشرب الخلطه من جوه من عند الصدر والدبوس كمان
ونحشيها بكل المقدار من تحت الجلد وندعك كويس اوى ونحطها فى اصغر حاجه عندك
عشان تضمنى انها حتشرب التتبيله
وانا بعمل كده قبلها بيوم والنتيجه بتكون احسن
وممكن تعمليها فى يومها وتسيبيها 3 ساعات مثلا

ولازم تقلبيها على وشها عشان الصدر اكتر مكان بياخد سوى

وهنا انا فضيت التتبيله منها ومترميهاش حنستخدمها
نبدا نحضر الحشوه
نحط البصله فى شويه زيت افضل من السمن عشان الرز يكون مفرفر مش معجن

واول ما تصفر تحطى الكبد اللى قطعتيها وتقلبى عشان متلزقش ولما تحسى ان لون الكبده اتغير
ضيفى الرز والفرخه بتاخد حوالى 3 فنجان قهوه رز

وهنا نضيف الرز ومعاه كوبايه ميا
وبهارات ملح وفلفل وقلبى كوييييس
ولما تشرب الميا اطفى وسيبيها تبرد عشان ايدك


وطبعا الرز حيكون لسه مستواش
حيكمل السوى فى الفرن
ونجيب الفرخه ونحشى بين الجلد وجوه الفرخه
والحته الى بين الصدر والورك
بس اهم حاجه متكبسيهاش خليها مرحرحه حلوه عشا متعجنش

وبعد لما تتحشى تقفليها بسلاكه الاسنان

بس لازم تقفليها كويس اوى متسيبيش اى هوى فيها والرز يستوى كويس
ونجيب صينيه وقطعى بطاطس حلقات تحت الفرخه

ونحط عليها شويه صوص من اللى كانت الفراخ متبله فيه
ونسيب حبه للفرخه نرشهم على وشها

ومعاها 2 كوبايه ميا وحته سمنه فلاحى او ممكن من غير براحتك
وسيبيها فى الفرن على درجه 250 تستوى براحتها وتتشوى وتكون هااااايله الريحه قلبت الدنيا

يارب تكون عجبتكم

واكون شرحتها شرح احلى من اللى فات
 

سعد الدين

المسؤول الفني
#2
ماشاء الله شي يفتح النفس تسلم يديك أخي محمد .
 

mohamed ebrahem

الوسـام الماسـي
#3
باهنا والشفا وشكرا لك
 

The Sun

عضو فعال
#4
طرح رائع إستمر .
 

The Sun

عضو فعال
#5
شكرا لك على هذا الطرح الرائع .
 

mohamed ebrahem

الوسـام الماسـي
#6
تسلم الايادى والف شكر على الجلب الاكثر من رائع .. بارك الله فيك وزادك سعة فى العلم والرزق ..كل التقدير والاحترام
 

NIdhal86

عضو مميز
#7
شكرااا لك أخي العزيز
 

أعلى