hesham86

عضو فعال
#1

انا استفدت كتيييييييييير من المنتدي هنا والحمد لله خلصت اجراءات تخلف التجنيد بعد ما عديت ال 30 سنه ف قولت اكتب الخطوات لأنه اكيد في ناس كتييييير اكيد خايفه زي ما انا كنت خايف ومش مصدق اي حاجه وناسس بتقول ان القانون ممكن يكون اتغير او الغرامه ممكن تكون زادت قوي مع زيادة اسعار كل شيء حوالينا ..
يا جماعه انا من سوهاج وطبعا اجراءات تجنيدي في اسيوط المهم انك تكون عديت ال 30 سنه ولو حتي بيوم واحد ف انت مثلا روح بعد ال 30 سنه بشهر او اكتر شويه للأمان بس .. بعد كده كل اللي هتحتاجه هو :
شهادة ميلاد كمبيوتر بالرقم الثلاثي .. انت بتطلبها كده بالضبط ودي انا عملتها ب 30 جنيه
وبتحتاج طبعا بطاقة شخصية ساريه وشكرا كده ولا اي ورق تاني بتحتاجه
بتروح منطقة التجنيد اللي انت تابع ليها بدري شويه يعني انا مثلا كنت قدام البوابه عالساعه 8 صباحا
هيسألوك داخل ليه قول انك تخلف تجنيد وداخل تنهي موقفك
بعد ما تدخل علشان متعملش زيي وتتوه جوا اتجه علي طول علي الكانتين بتاعهم اشتري ملف ابيض فاضي هو اسمه كده ( ملف ابيض ) وده ب 1.50 جنيه ونص بس طبعا انا ضحكوا عليا الجماعه اللي برا بتوع التصوير وباعوهولي ب 10 جنيه هههههههههه بس مكنتش اعرف اكيد
المهم بتشتريه من الكانتين وتروح علي تسأل علي شباك اسمه الشؤون وهتقوله انك تخلف تجنيد هيسألك لو قدمت قبل كده قوله لا اول مره هيسألك عن الرقم الثلاثي بتاعك اديله شهادة الميلاد اللي معاك ياخد منها الرقم
بعدها هيديك ورقه من عنده ويقولك روح المجمع بيها في الشباك التابع ليك المجمع ده مبني في نفس المكان عندهم
بعد ما بتاع المجمع يعبيلك الورقه دي هيقولك ارجع تاني شباك الشؤون هترجعله وهيبعتك لشباك جنب منه تشتري دوسيه تخلف تجنيد ب 65 جنيه وتصور الورقه اللي انت كملتها في المجمع ده صورتين وبطاقتك صورتين وتحطهم في دوسيه التخلف ده وتروح بيهم لشباك الشؤون تسلمهم
شويه هينادي عليك يخليك تبصم علي اكتر من ورقه وهيديك وحده منهم فيها تاريخ اليوم اللي انت روحت فيه وفيها تاريخ المحاكمه بتاعك
انا روحت يوم 20 وكان تاريخ المحاكمه يوم 26 يعني مش بعيد ولا حاجه
هتروح بقي المحاكمه عالساعه 9 الصبح ان شاء الله تكون جوا
في المحاكمه مش بتحتاج اي ورق خالص انت بس خد معاك الورقه اللي فيها ميعاد المحاكمه والبطاقه الشخصيه وخلاص
هتدخل تسلم بطاقتك و15 جنيه علشان يثبتك عنده وتقعد بقي تستني مع الباقيين
انت وحظك بقي امتي تبتدي الجلسه انا عن نفسي استنيت اكتر من ساعتين
بعدها هيدخولكم كلكم القاعه ويتقفل الباب ويبتدوا بقي ينادوا عليكم بالاسم واحد واحد
مفيش حتي حد اتسأل انت مجتش ليه وبتاع لاااا .. تسمع اسمك ترد وتتجه ناحيته يبصلك كده بصه سريعه ويقدرلك الغرامه وترجع تقعد
انا عن نفسي وكل اللي كانوا معايه كان مجمل الغرامات مابين 3500 جنيه لحد 3800 جنيه لا اقل ولا اكتر من كده
وفكك من كلام الناس انك تلبس لبس قديم والحوارات الفاشله دي مش بتاكل معاه
روح بلبسك المعتاد واياك ثم اياك تاخد معاك محامي مع احترامي لكل الاخوه المحامين بس بصراحه مش بيتكلموا هناك حتي والغرامه بتكون زيك زي غيرك
هتلاقي هناك محامين جوا كل واحد مهم يقعد جنبك شويه يحاول يقنعك انه ممكن يجبلك غرامه اقل فكك منهم كلهم
بعد ما يحكم علي الكل يا ريس هتطلعوا ويدخلوكم مكان تاني ولاااااازم تكون الفلوس معاك لانك مش هتطلع من هناك غير وانت دافع
بالاسم برضه مجموعه مجموعه تروح تدفع الغرامه وترجع تاني لحد ما يخلصوا وبالاسم تروح تستلم بطاقتك وايصال الدفع وهتدفع حوالي 20 جنيه تاني وقت الاستلام وتروح تروح وترجع بعد 10 ايام تاخد صورة الحكم من نفس المكان بس عالبوابه من برا بايصال الدفع اللي معاك وتتجه بصورة الحكم بتاعتك للتجنيد اللي روحته الاول علشان الشهاده
انا لسه طبعا مروحتش لان ال 10 ايام لسه معدوش
اسف علي الاطاله بس حبيت اشارك كل التفاصيل علشان اللي خايف يروح ينهي موقفه يتطمن
اي استفسار انا حاضر.
 

Mohamed2188

عضو مشارك
#3
بارك الله فيك ياغالى على المعلومات دى.انا من سوهاج وليه كتير بدور على تجربه تبع منطقة تجنيد اسيوط والحمد لله جيت فى وقتك ارحتنى بتجربتك.معلش ياغالى كنت محتاج اعرف الوقت من بدايه الاجراءات لحد استلام الشهاده النهائيه طبعا بعد متستلم الشهاده هنتظر الرد للتأكد علشان مسأله الوقت للحصول على الشهاده مهمه بالنسبالي.سؤال تاني فى حد معاك عمل الاجرات على 30سنه وسبوع واجراته مشت عادي لان صعب انتظر اكتر من كدا.وتحياتى ليك ياغالي:like:
 

hesham86

عضو فعال
#4
والله يا اخ محمد موضوع الوقت ما اقدرش احدده بالضبط لكن ممكن نقول 25 يوم ل شهر لحد ما تستلم الشهاده بتاعتك بأمر الله
وبالنسبه لموضوع السن اللي هو 30 سنه واسبوع لا والله كلهم كانوا اكتر من كده
لو تحب اسألك اما اروح بعد كام يوم ان شاء الله اكتبلي تاريخ ميلادك بالضبط وانا تحت أمرك
 

Mohamed2188

عضو مشارك
#5
معلش ياغالي انا مواليد2\1\1988 وهتم 30 سنه بعد3 شهور وانا معمولي ايقاف قيد بالكليه علشان التجنيد وانا فرصتي الحق الترم التاني فى الدراسه وده هيبقى فى شهر 2 فالكليه هترفض اعادة قيدى لو اتاخرت عن اول سبوع من الدراسه فياريت لو تكرمت
تسألي لما تروح عن وضعى لو عملت الاجراءات وانا عندي30 سنه وست ايام الاجراءات هتمشى عادي ولا هيرخموا عليه؟
والاجراءات هتاخد فتره قد اه حتى احصل على الشهاده؟ معلش وضعى ميسمحش اسأل بنفسي في التجنيد وبارك الله فيك
 

Ahmad ahmaf

عضو مشارك
#6
انا حالتي شبهك بالتمام
و هتم 29سنه في أول شهر أكتوبر 2017 ، و ليا بس استفسار...


هو حضرتك كانت حياتك خلال الفترة من سن29 سنه لغاية30 سنه ، عامله ازاي ، بمعنى هل أقدر أروح و آجي كده بدون خوف من كمين او لجنه..؟


شكرا جدا....
 

hesham86

عضو فعال
#7
هسألك ان شاء الله يا اخ محمد وبالتفصيل كمان وابقي ارد عليك
 

hesham86

عضو فعال
#8
بالنسبه للأخ احمد ايوه كانت حياتي عاديه ومفيش اي مشاكل واكتر من مره يكشفوا علي بطاقتي وعادي
تقريبا بيكشفوا علي البطاقه جنائي بس محصلش انه حد سألني عن موقف التجنيد في كمين ولا حاجه
لكن المهم ثم الاهم طبعا انك تكون بعيد عن المشاكل وأقسام الشرطه الفتره دي وربنا يعديهالك علي خير يارب
 

Ahmad ahmaf

عضو مشارك
#9
أكلمك مصري بقا...

بجد انا ال شدني اني أسألك ..
، طريقة عرضك البسيطه ، لكن معناها كتيييير ، و ده فعلا لخص كل ال عاوزه و بالذات الأوراق المطلوبه ...

، سرعة تفاعلك مع الردود...


بكل صدق...

شكرا
 

hesham86

عضو فعال
#10
ربنا يخليك يا اخ احمد وان شاء الله ربنا ييسر امورك وامورنا جميعا
انا والله اول حاجه فكرت فيها بعد ما خلصت موضوعي اني متأخرش عن اي حد في نفس موقفي او حتي نفس الشبه
لاني بجد كنت مرعوب وقلقان جدااااا قبل ما اروح واترددت مليون مره ومكنتش لاقي حد مباشر اسأله واطمن منه .
 

محمود شريف ........

عضو مشارك
#11
لاكن انت متزكرتش الفيش الجناءي اهم ورقه
 

hesham86

عضو فعال
#12
الفيش الجنائي عملته واخدته معايه ولااااا طلبوه ولا شافوه جتي ورجعت بيه تاني هههههههههههههههه
 
Mahmoud Nabil

Mahmoud Nabil

عضو ذهبي
#13
بارك الله فيك علي هذة المعلومات :wow:
...
 

Mohamed2188

عضو مشارك
#14
معلش ياغالي ياريت سؤال تانى تسأله بعد متستلم الشهاده فى منطقه التجنيد فى امكانيه تغير الشهاده بان يبقي غير مكتوب بيها قضيه حتى ولو فتره بعد اسثخراجها ؟وانا في انتظار الاجابه للاسئله التلاته وبارك الله فيك ياغالى
 

hesham86

عضو فعال
#15
وفيك يا اخ .Mahmoud Nabil


بالنسبه للأخ Mohamed2188
حاضر هسألك بأمر الله وخصوصا السؤال الأخير ده أنا عن نفسي محتاج اجابه عليه

 

محمود شريف ........

عضو مشارك
#16
الاجراءات بتختلف من مكان لاخر طبعا انت كدا هتخلي الجميع يروح يخلص اجراءت التجنيد باسيوط ازا كانت اهم ورقه الفيش طنشوها والقاضي بصلك وخلاص بدون اسءله هو في اكتر من كده
 

hesham86

عضو فعال
#17
والله انا معرفش في باقي الاماكن بتكون الاجراءات ايه لذلك انا قصدت اكتب انه تجنيدي تبع اسيوط لاني اصلا من سوهاج
وبعدين اعتبروني كاتب تجربتي للناس اللي تبع تجنيد اسيوط بس ايه المشكله
اللي كان بيحكم اساسا في الجلسه اللي كنت فيها رتبته ( رائد ) وده للعلم يعني
وفي الاخر .. ربنا يسهل الامور للجميع ان شاء الله
 

فان جول

عضو مشارك
#18
اتمنى من اي شخص خلص جيشه في محافظه الشرقيه خصوصا الي عدو ظ£ظ* سنه يقولنا تجربته وكم يوم اخذت واكون شاكر لكم
 

mohamed615

عضو مشارك
#20
تسلم يا باشا علي المعلومات المفيده
سؤالي اثناء وجودك بامحكمة بتبقي داخل قفص و لا برا عادي ؟ انت مفروض دلوقتي اخدت الشهاده هل بتاثر علي الوظيفة بتعتك ولا لا؟ و اخيرا لوحد يعرف هل شهاده اثبات التجنيد اللي انا بطلعها لاثبت تجنيد اخي ليها مدة صلاحية ؟
 

أعلى