Ahmed_Algaml

عضو مشارك
#1


انا قدمت جيش شهر واحد اللي فات وخلصت الكشف الطبي واخدت ئق بس بعد كدة حصلت ظروف صعبة اضطرتني ان مكملش اي حاجة بعد الكشف الطبي, هل انا كده متخلف ام هارب؟ .... انا قرأت في المنتدي كتير وعلي القانون القديم المفروض متخلف بس مش عارف هل القانون ده اتعدل . ياريت لو حد يقدر يفيدني ياجماعة. شكرا مقدما.
 

Hany Adel

Hany Adel

محامى ومستشار قانوني
#2
ما دمت لم توزع او تسمع سلاح .. فانت لم تكمل الاجراءات .. وحسب معلوماتنا متخلف .. ولكن الافضل لك الاستعلام من خلال قريب لك في مكتب التجنيد في القسم او منطقه التجنيد .. لان كل حالة تختلف .. ولكن عموما ما دمت لم تستخرج كارنيه .. فتعتبر متخلف .. محاكمة وغرامه بعد 30 .. ماااااا لم يتغير القانون
 

Mostafapts

عضو مشارك
#3
متخلف عن التجنيد والقانون لم يتغير . انا لسه مخلص اجراءات التخلف من 3 شهور وهتدفع غرامه بس
 

SKYCOLOURS

عضو مشارك
#4
خلصت عند سن 30 ولا كام
ودفعت كام
 
asmaa amer

asmaa amer

عضو مشارك
#5
أخويا راح لمنطقة التجنيد 2011 دفعة شهر يناير وصل لغاية الكشف الطبي وخد لائق ولم يذهب مرة أخري لمنطقة التجنيد حتي تاريخه ولم يسمع سلاحه ولا استلم مهمات ولا استلم كارنيه ولا استلم أي حاجة خالص .... وعمره الان 30 سنة و4 شهور .. افيدوني بالله عليكم
 

nice.tshir

عضو مشارك
#6
من تجربتي تعتبر متخلف
انا يوم الترحيل في 2009 خدت تاجيل طبي 3 شهور - او تاجيل دورة تجنيدية بحسبب الموظف الفلحوص- وبعدها مرحتش تاني لحد السنادي لما كملت 30

لما رحت دلوقتي عشان انهي موقفي استنيت ورقي شهر عشان كان سافر مصر بما اني قدمت ورقي لكن مكنش فيه حاجة بتقول اني متهرب ومشيت في الاجراءات كلها عادي لحد ما وصلت دلوقتي للنيابة العسكرية عشان احدد جلسة مفيش بس غير خطوة مختلفة اني استنيت شهر
وربنا معاكو
 
asmaa amer

asmaa amer

عضو مشارك
#7
طيب لو سمحت ممكن حد يرد عليا لو أي شخص يقدر يفدني
 

nice.tshir

عضو مشارك
#8
بحسب اللي قريته هنا طالما عمل كشف طبي بيتم التبليغ انه متهرب من التجنيد.. هيروح منطقة التجنيد بتاعته ويعمل اجراءات ايقاف تجنيد. هتاخد شهرين يدوروا علي الملف بتاعه في السلاح اللي اتوزع عليه ولما هيلاقوا انه مستلمتش كارنيه (ساعات بيصدروا الكارنيه حتي لو مرحش) ويلاقوه مستلمتش مخله.. فبيبعتوا الملف لمنطقه التجنيد يعملوا الغاء اجراءات تجنيد
وكده كده لو مر علي تاريخ تقديم اوراقه سنتين وشهرين بيتعمل الغاء اجراءات تجنيد تلقائي
 
asmaa amer

asmaa amer

عضو مشارك
#9
يعني بعد سن ال 30 دا كله
 
asmaa amer

asmaa amer

عضو مشارك
#10
معلش بس ممكن تفهمني خطوة خطوة ايه ال هيحصل بعد إذنك
 

nice.tshir

عضو مشارك
#11
مظبوط بعد سن 30
مفيش اي خطوات مختلفة عن بقية الناس. هيروح منطقة التجنيد وهيتابع ورقه في شباك المتخلفين والامور هتمشي مفيش قلق زي ما حصل مع ناس كتير
مفيش حاجة تقلق خالص ان شاء الله
 
asmaa amer

asmaa amer

عضو مشارك
#12
جضرتك بتقول انك برضه بعد ما خلصت 30 سنة روحت وكملت اجراءات واخدت الشهادة صح ... معلش ايه الحاجات ال اطلبت منك
 
asmaa amer

asmaa amer

عضو مشارك
#13
وكمان أخويا عمل فيش وبتاع الفيش قاله انك متهرب من الخدمة يعني ايه ؟؟؟ معلش هاتعبك معايا
 
asmaa amer

asmaa amer

عضو مشارك
#14
بس استلم الفيش من الموظف ومش مكتوب فيه زي ما بيقول الموظف انه متهرب
 

nice.tshir

عضو مشارك
#15
انا محصلش معايا موضوع الفيش ده لان وضعي كان مختلف بس فيه الحالات دي ممكن تفيدك

انا نفس حالتك واستاذ هاني قالي ان تم اعتباري هارب
صدفه كان ليا صديق في التجنيد سال.. قالوله هو متخلف مش هارب بس مادام عمل كشف طبي بيتم التبليغ انه متهرب من التجنيد.. فالاول حاول تطلع الفيش من العباسيه مش القسم الخاص بيك وهيطلع الفيش مكتوب فيه هارب من التجنيد بس هيطلعوه ليك مادام تميت التلاتين ..
لو مطلعش بتروح التجنيد وبتعمل اجراءات ايقاف تجنيد من هناك هتاخد شهرين يدوروا علي الملف بتاعك في السلاح اللي انت كنت المفروض تتوزع عليه ولما هيلاقوا انك مستلمتش كارنيه (ساعات بيصدروا الكارنيه حتي لو مرحتش) ويلاقوك مستلمتش مخله.. فبيبعتوا الملف لمنطقه التجنيد يعملوا الغاء اجراءات تجنيد وبيتشال هارب من التجنيد في الفيش وتكمل اجراءاتك.. بس عموما العباسيه هتسلمك بكل الاحوال الفيش وهو مكتوب فيه هارب من التجنيد..
نقطه تانيه لو مر علي تاريخ تقديم اوراقك عامين وشهرين كاملين بيتعمل الغاء اجراءات تجنيد تلقائي

http://www.damasgate.com/vb/t/422824/#post3135218

استاذ حماده جمال , حضرتك كده متخلف عن مرحلة التجنيد و إن شاء الله بمجرد وصولك لسن الامتناع ( 30 عام ) تقدر تقدم على محاكمه و إن شاء الله مفيش حبس مجرد غرامه من 3000 إلى 10000 جنيه , وبالنسبه للفيش انا كنت نفس الحاله بتاعتك و طلعلى بردو جندى هارب و ولما خلصت المحاكمه اخدت شهادة الجيش و رحت المديريه و قلتلهم عايز اشيل جندى هارب , لاقيت إنى بمجرد ما قدمت على إجراءات المحاكمه و اتعملى حاجه اسمها إلغاء إجراءات تجنيد أتشالت جندى هارب من على الكمبيوتر تلقائياً . وزى ما قلتلك لا تقلق انا كنت نفس حالتك والحمد لله لسه واخد الشهاده من اربع شهور . وربنا يفك كرب الجميع
استاذ حماده جمال , انا كانت حالتى إنى قدمت للتجنيد و حضرت الكشف الطبى و اتحولت لحلمية الزيتون لجنه طبيه عليا و كان معايا نموذج 110 و فى حلمية الزيتون اخدت لائق , ولظروف خاصه ما رحتش يوم الترحيل وما اخدتش كارنيه ولا سمعت سلاح , ولما كملت 30 سنه قدمت على محاكمه وانا بقدم على محاكمه لازم اطلع فيش جنائى والقسم رفض يدينى الفيش و رحت استلمته من المديريه عشان كان مكتوب فيه جندى هارب من أداء الخدمه العسكريه , انا نفس حالتك بالظبط و بفضل الله خلصت المحاكمه و أخدت الشهاده و كان اتحكم عليا ب 4000 جنيه والحمد لله الامور عدت بسلام وماتقلقش ربنا كريم وإن شاء الله حايفك كربك و كرب الجميع .
حالتك نفس حالتي و حالة saladino يا اخ حمادة و موضوع الفيش المكتوب فيه جندي هارب حصلت كتير مع ناس كتير متخلفة عن التجنيد ومش بتاثر ف حاجة هم ال يهمهم انك متكونش روحت يوم سماع السلاح ولا طلعلك كارنيه بمعني انك متكونش روحت وحدتك ولو ليوم واحد غير كده انت متخلف و من حقك تخلص حالتك عند الثلاثين وبالنسبة للمحاكمة اسوأ الاحوال هي زيادة الغرامة المعروفة ( 3200 - 3700) ل 4000 او 4200 ومن حقك تتظلم لو الغرامة عالية عليك او تطلب تقسطيها ونصيحتي ليك متاخدش معاك محامي عشان ميعليش عليك الغرامة و اتكلم مع القاضي بصراحة ولو عندك ظرف جدي لتخلفك قوله وهو حيراعي الحالة وربنا يوفقك يا نجم :)
http://www.damasgate.com/vb/t/355241/
 
asmaa amer

asmaa amer

عضو مشارك
#16
شكرا لحضرتك.
 

nice.tshir

عضو مشارك
#17
مع ملاحظة ان المواضيع دي عمرها 3 سنين تقريبا يعني الحد الادنى للغرامات دلوقتي 8 الاف مش 3 ما عدا مواليد ما قبل 1984 اللي بيدفعوا 5 الاف
 

nice.tshir

عضو مشارك
#18
العفو على ايه
 
asmaa amer

asmaa amer

عضو مشارك
#19
معلش بس سؤال أخير هل القوانين اتغيرت ولا زي ما هي
 

nice.tshir

عضو مشارك
#20
لحد دلوقتي مفيش اي تغير الحاجة الوحيدة اللي جدت وتعتبر ثانوية هو موضوع النيابة العسكرية واللي ظهرت في الشهر ده
 

أعلى