الحالة
موضوع مغلق

فهد الأحمد

عضوية الشرف
التسجيل
27/7/03
المشاركات
922
الإعجابات
52
#1
>إلـى فـخـامة الرئيس : إيـمـيـل بـن لـحـود
>
>صبـاح الخـيـر فخـامة الرئيس .. أنا مواطن سـعـودي مـخـلص للبـنـان .. أبـعـث
>هذه الـبـرقية إلى سـعـادة فخـامتكم المـصـون .. و أتـمـنى مـنـكم قرائتها
>بـتـمعـن و تفـهـم وجهـة نظري التي تـخـدم شعب لبـنـان المخلص .. الموحد بجميع
>أطـيـافه من مسلمين و مسيحيين ودروز وكل اللي عندكم ....
>
>يا بو لحود ... ترى الشعب السعودي يعيش حالة من الغضب ... بسبب ماحصل قبل
>أسبوعين عندكم .... بعد ما كان الشعب السعودي مضبط عمره في الصيف عندكم ..
>الحين كل واحد خايف ... اللي صار عندكم خرب خطط كل طبقات الشعب السعودي... خرب
>خطط الشيبان يروحون بذا الجبل يشمون الهوى ... خرب خطط العوائل تروح هناك و
>أنواع الرحلات بين الجبال و خرب خطط المتزوجين جدد يروحون يهناك يتعشون لهم بكم
>مطعم مع دق طبول و رومانسية ... و خرب خطط الدشير إللي يروحون يبون يرقمون
>وتعرف عندنا نسبة ضئيلة جدا جدا من الشباب ( إمحق ضئيلة ) يحبون شغلات النص كم
>...
>
>يا بو لحود ... إنت و الأخ كرامي رئيس الوزراء ... لازم تشوفون لكم حل ...
>داخلين على الله ثم عليكم ... لا تخربون سفراتنا في الصيف ... ترى حنا نجمع بذا
>الراتب ... وحاجزين من شهرين التذكرة و الفنادق ومزبنين عمرنا ..
>إللي يبي يودي زوجته أسبوعين أبها و بعدين يبي يرجعها و يهج لكم .. و إللي مصرف
>أهله و قال لهم رايح حائل و مغطها لبيروت .... وإللي و إللي ... دبر عمرك ياخوي
>.... شف لك حل مع السوريين .... لف عليهم و إلا إلعب الأكة وقدم الخسارة ... (
>هذي حق مطفوقين البلوت ).... ترى جنبلاط قاعد لكم قعدة... و بصراحة معه حق
>ياخوي ... السوريين جايبين فيكم العيد .... محكمين على ولد الديمن و عندهم أربع
>إكك!!.... (هذي بعد لنفس الربع )....
>
>في آخر هذه الرسالة يابو لحود .. أتمنى منك إيجاد حلول سريعة ... و ياليت ترسل
>لي الرد بأسرع وقت .. علشان أضبط الحجوزات .. أبتل على لبنان ... و إلا أدور لي
>ديرة ثانية و الله يعين ... ترى والله ديرتكم ديرة الحي يحييك .... و ماودنا
>بغيرها .. بس تكفون نبي نروح و نضمن روحنا .. ما تسوى علي أتفجر وأنا بحفلة
>بونورة ... و إلا يتفجرون ربعنا في قهاوي السوليدير و تضيع مشاريعهم إللي في
>البلوتوث...
>عموما الوضع مو عاجبني .. وشف لك حل










بدون تعليق
 

سعد الدين

سعد الدين

المسؤول الفني
التسجيل
18/3/03
المشاركات
44,871
الإعجابات
15,870
الإقامة
Türkiye
#2
البلوتوث خارج التغطية :D :D :D :D :D :D يعني ما حدى سمع :D :D :D :D :D :D
 

mancy1st

عضو مميز
التسجيل
6/3/05
المشاركات
320
الإعجابات
1
#3
:read: :read: :read: :read:
 

Sad999

عضو فعال
التسجيل
19/4/04
المشاركات
159
الإعجابات
3
#4
:) :rolleyes: :rolleyes: :)
 

محمد احمد

عضـو
التسجيل
8/2/04
المشاركات
249
الإعجابات
1
#5
صبـاح الخـيـر فخـامة الرئيس ..

طيب لو كان يقرى الرساله بالليل؟؟؟؟
 
الحالة
موضوع مغلق

أعلى