ابراهيم الزواوي

عضو مشارك
#1
ع الــــــزمان رمــــــــينا ..................عيوب واجده والعيب منّا وفينا
يا حــــــــسرتي..
رمينا العيب.......
وتمينا أنقولوا هالزمان عجيب.
والــعيب فينا ماهو كلام غريب .....
نريدو الراحه وكل شي في إيدينا
ونتمنو أنديروا لكل شيء سريب... نعيشوا وما نشوفوش حتى الشينه ..........................
ع الـــــــزمان عــــــزقنا...................أ
سباب الفشل وكفوفنا صفقنا
وتمينا علي هالحال لين أغرقنا.........
ومازال واجــــــد كان ما صبينا
تصبايت تريس وننفوا اللي لفقنا........
علي كل كلمه في حق الزمان حكينا
ياحـــــــسرتي في دانا...............
ويا حسرتي في فكر عاش معانا
أنلوموا الزمان ولو حكى هجانا.......
علي كل عيب أندار في ماضينا
والاّ الــــــحاضر يستره مولانا...........
الساتر اللي ياما ستر خافينا
يا حــــسرتي في ناسي.......
ويا حسرتي ماللي أنحفر في راسي
كي أنطيحوا أنقولوا الوقت القاسي....
هو السبب في كل شيء إيجينا
او وين ما تروق نخبطوا الطواسي.....
فراحه سعاده وكل الهموم أنسينا
ع الـــــــزمان رمينا.........................
عيوب واجده والعيب منا وفينا
يـــــــــــــــــــــــــــا حـــــــــــــــــسرتي..
 

توتوني

عضو مشارك
#2
حلوة القصيدة
شكرا ع المجهود
 
أنيس

أنيس

مشرف عام
#3
رحم الله الشافعي وقد قال :

نَعيبُ زَمانَنا وَالعَيبُ فينا ... وَما لِزَمانِنا عَيبٌ سِوانا
وَنَهجو ذا الزَمانِ بِغَيرِ ذَنبٍ ... وَلَو نَطَقَ الزَمانُ لَنا هَجانا
وَلَيسَ الذِئبُ يَأكُلُ لَحمَ ذِئبٍ ... وَيَأكُلُ بَعضُنا بَعضاً عَيانا


ولك الشكر الجزيل على هذه المساهمة الغنيَّة .....
 

أعلى