ola_khames

عضو جديد
التسجيل
26/4/16
المشاركات
1
الإعجابات
0
#1
مساء الخير عليكم عندي سؤال يا ريت الاقي اجابه عليه في اسرع وقت ممكن من حد متخصص في القانون انا واخويا معانا مبلغ عايزين نشغله في التجاره بس معندناش خبره اخويا اتفق مع واحد صاحبه عنده خبره بتجاره المواد الغذائيه انه ياخد الفلوس يشغلها ويشاركنا، يعني احنا بالفلوس وصاحبه بالمجهود والربح بالنص ولضمان حقنا والتزام صاحبه في الشغل قلنا نكتب عقد بالكلام ده ويشهد عليه شهود ونسجله فيه حد قال لنا ان ده اسمه عقد مضاربه وله احكام فقهيه وشرحها بالتفصيل، وفعلا كتبنا العقد وحطينا كل الشروط اخويا اخد العقد وعرضه على محامي فقال له ده علشان يتسجل في الشهر العقاري لازم الاول تعمل حاجة اسمها صحة توقيع في المحكمة ب 600 جنيه ويكون كل اطراف العقد والشهود موجودين وكمان العقد ده هيروح ياخد موافقه من امن الدوله الحكاية دي خوفتنا ومش عارفين الكلام ده صح والا لأ؟ ومال امن ادوله بحاجه زي دي؟ هي تجاره سلاح، دا اكل وهل لو كتبنا العقد من غير ما نسجله ولا نعمل صحة توقيع واكتفينا مثلا بالبصمة مع التوقيع والشهود وبعد كده حصل خلاف مش هيكون للعقد فايدة ولا هنعرف نثبت بيه حقنا؟ ولو رفعنا به قضيه هيروح امن الدوله ساعتها كمان؟ يا ريت تفيدونا في الموضوع ده ولو كان الكلام ده صحيح فعلا ايه الحل؟ ازاي نضمن حقوقنا وايه نوع وصيغه العقد اللي ممكن نكتبه؟ يا ريت الرد يكون شامل كل الخطوات والاجراءات بالتفصيل وباسلوب مبسط قدر الامكان ملحوظه: احنا من مصر ومكان المشروع مصر وشكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2


لا يحتاج الأمر الى كل ذلك ...
اكتب العقد كعقد شركة فقط وسجله فى المحكمة
بدعوى صحة توقيع أو فى سجل الشركات واكتب
كل الضمانات على شريكك وابدأ العمل ....
لا أمن دولة ولا غيره .............
 

أعلى