Amr486

عضو مشارك
التسجيل
28/12/14
المشاركات
26
الإعجابات
0
#1


من 12 سنة تقريبا كنت بشتغل فى محل انترنت كافيه و الرخصة بتاعته كانت لسة بتتعمل و مكانش معانا غير وصل اتضح انه ملوش لازمة. ساعتها مباحث المصنفات خدتني و فضلت اربع ايام و خمس ليالي من القسم لــ مديرية الامن للقسم و فى المديرية انا و اللي معايا كنا بنتعرض على ظابط لابس مدني فى مكتب كبير (معرفش اذا كان دة نيابة ) و كان بيسألنا كام سؤال و كأنه تحقيق. مش فاكر بالظبط الاسئلة للاسف. كمان انا ساعتها مكنتش عملت بطاقة و كان سني 18 سنة... فى الليلة الاخيرة كانت حالتي النفسية وحشة و افتكرت ان مستقبلي ضاع فاتخانقت مع واحد بلطجي جوة الحبس و نقيب القسم ساعتها ربنا يباركله خرجني و قعدني قدامه لحد ما خرجت بعديها بساعة او اتنين تقريبا مش كتير... من بعديها مدخلتش القسم الا عشان اعمل البطاقة و اجددها و دخلت الجامعة و عملت تأجيل للجيش و مكانش فى اى مشاكل.

دلوقتي انا عايز اروح اعمل الفيش الجنائي عشان انهي موقف التخلف من التجنيد و قلقان...
هل انا كدة عليا قضية؟ و هل بتظهر فى الفيش الجنائي؟ و لو لاقدر الله كانت قضية اية اللي ممكن يكون حصل فيها و اذاي اتصرف فى القسم لو واجهوني بيها؟

شكرا مقدما و اسف على الاطالة.
 

Amr486

عضو مشارك
التسجيل
28/12/14
المشاركات
26
الإعجابات
0
#2
فى حاجة نسيت اقولها.. لما المصنفات خدوني انا فاكر ان مخدوش معايا اجهزة من المحل. خدوني انا بس بالرغم ان فى ناس تانية كانوا متاخدين معاهم اجهزة من محلاتهم.. هل دى حاجة تطمن ولا مش حتفرق كتير؟
 

Amr486

عضو مشارك
التسجيل
28/12/14
المشاركات
26
الإعجابات
0
#3
عشان لو حد كان عنده نفس السؤال... انا رحت عملت الفيش الجنائي و الحمد لله مكانش فيه اى حاجة.
 

أعلى