as_dmx2000

عضو جديد
#1
استاذ جمال
كما قلت لك مسبقا اننى ورثت شقة ايجار قديم من الوالد بايجار شهرى 15 جنيه
ولكن بعد قعدة مع ورثة العقار تم الاتفاق بينى وبينهم على تغيير عقد ايجار جديد 59 سنة باسمى انا مع رفع الاجرة الى 150 جنيه بزيادة كل خمس سنوات 10% بواقع ( 15 جنيه )
هما بصراحة كانوا طالبين ياخدوا 500 جنيه ( بيشوفوا هقول ايه يعنى ) المهم اصريت على 150 جنيه مقابل عمل عقد جديد 59 سنة باسمى
وطبعا انا لقيت هنا اكثر من ميزة منها
1- انى الوريث الوحيد لوالدى لان اختى متزوجة ... فلو تزوجت فى اشقة على النظام القديم فسيمتد العقد الى فقط وبوفاتى لن تتمكن زوجتى ولا اولادى من البقاء فيها .......... وبالتالى فى حالة تغيير عقد جديد باسمى لمدة 59 سنى فهى ميزة ابقاء الشقة حتى لزوجتى واولادى من بعدى ..... اكيد حضرتك فاهمنى
2- بعمل عقد جديد لى سوف استريح من مخاطر ان كنت مقيم او غير مقيم او ما الى ذلك من حيل يتبعها اصحاب العقارات
3- الميزة الاهم ان مبلغ الايجار الجديد 150 جنيه + الزيادة 15 جنيه كل خمس سنوات بالنسبة لمنطقتنا فى شبرا مصر فهو مبلغ قليل بالنسبة للمميزات التى سوف احصل عليها ..

فهل تتفق معى فى ذلك ؟

سؤالى حضرتك بقى ...... ايه النقط اللى اقدر اركز عليها او لازم اثبتها عند تحرير عقد الايجار الجديد ؟؟؟ تفاديا لاى مشاكل مستقبلا ؟
سؤالى الثانى : بالنسبة لعقد الايجار القديم بتاع والدى ماذا افعل به .؟ ( هل اسلمه لهم فقط ) ام ( اكتب عليه تنازل ) ام ماذا ؟؟
وشكرا
 

as_dmx2000

عضو جديد
#2
ياريت الله يباركلكم ... اى حد يرد سواء استاذ جمال او استاذ هانى .... بخبراتكم الجليلة
 

gamal gamal

محامى ومستشار قانوني
#3
عليكم السلام

كلام مضبوط بلا شك حتى تأمن
أى حيب قد تحاك ضدك
ولكن
لا تقرط في العقد القديم اطلاقا ...

يمكنك كتابة عبارة أن هذا العقد
كان أصله عقد الايجار المؤرخ كذا ....
بإسم والدك .......
 

as_dmx2000

عضو جديد
#4
الله يخليك يا استاذ جمال ياريت تفهمنى يعنى ايه مفرطش فى العقد القديم ابدا ؟ يعنى مثلا دلوقتى هما المفروض لما نعمل عقد جديد هيطلبوا القديم ؟ اعمل ايه ؟ وايه المغزى فى انى مفرطش فيه طالما هو عقد انتهى بوجود عقد جديد ؟
السؤال الاخير بعد اذنك ازاى اكتب حضرتك العبارة اللى قولت عليها ( هذا العقد كان اصله عقد الايجار الم}رخ كذا ....... باسم الوالد ..........
ايه المغزى برضو ؟ وامتبها ازى بعد اذنك يعنى عاوز صيغة جاهزة ياريت حضرتك تكتبهالى وهل احطها فى البند الاضافى اللى بيبقى فاضى فى اخر العقد ؟؟؟

سؤالين اخيرين واسف للاطالة : اولا : انا فىيه محامى صديقى قاللى ان العقد اكتبه عقد ايجار املاك فقط وليس ( تابع للقانون رقم ... لسنة 1996 ) علشان فى الحالة دى يبقى القانون تابع للقانون المدنى احسنلك يعنى...... هل ده صحيح والا العقد الجاهز احسن وخلاص ؟
سؤالى الاخير : اصحاب العقار هما ورثة عبارة عن رجل متوفى وترك ( بنتين وولد فى الجامعة وزوجة الرجل المتوفى ) وثلاثة بنات اشقاء للرجل المتوفى
يعنى زوجة المتوفى واولادها الاثنين وثلالة بنات اشقاء المتوفى ( وهم جميعا ورثة للاب صاحب العقار ) يعنى 7 افراد
عند كتابة العقد والامضاء هل يجب ان يمضوا جميعا والا ممكن زوجة المتوفى تمضى عنها ونيابة عن اولادها وبقية الاشقاء البنات تمضى عادى ؟
 

أعلى