ابو ادهم وريناد

عضو جديد
التسجيل
1/12/15
المشاركات
1
الإعجابات
0
#1
اولا احب كل القائمين على هذا المنتدى وكل الاخوة اللى شاركونا بتجاربهم واللى شجعونى انى انهى موقفى عند سن 30 سنة و26 يوم بالظبط

طبعا انا جهزت الورق المطلوب
فيش جنائى / 15 جنيه بتستلمه تانى يوم
الرقم الثلاثى / انا جبت شهادة تأكيد بيانات لان انا مكنش معايا الرقم الثلاثى ولا 6 جند ودى بتيجى من منطقة التعبئة فى مدينتك وتكلفتها 1.25
وشهادة ميلاد كمبيوتر / ودى كانت عندى
وقسيمة الزواج
وبطاقة الرقم القومى
وهتصور الورق ده كله 5 صور
واخدت بعضى تانى يوم ورحت على منطقة التجنيد بالاسكندرية (انا اصلا من دمنهور ) فتشونا وسلمنا الموبايلات ودخلت جوا عند شباك كبار السن لغاية كده تمام وذى الفل طبعا قابلت ناس عندها 30 سنة وناس عندها 60 سنة يعنى جميع الاعمار
المهم رحت اشتريت ملف كبار سن بـ 35 جنيه ده بالنسبة لمواليد 1985 وبعد طابور طويل عريض دخلت على الشباك
عشان العسكرى يشوف الورق بتاعى كامل والا لا المهم لقى الورق كله سليم وتمام وسألنى الاتى:-
انت دخلت كليه؟ اجابتى ايوه
حصلت على الشهادة والا اترفدت؟ اجابتى اترفدت
طيب هاتلى جواب الفصل
طبعا انا صعقت ليه بقى؟؟ عشان انا ضاع من عمرى اكتر من 10 سنين بسبب جواب الفصل لان انا لما اترفدت من المعهد ( 4 سنين) بسبب عدم قدرتى على دفع المصروفات المغالا بها رحت انهى موقفى التجنيدى فاشترطوا عليا انى اجيب جواب الفصل وطبعا معرفتش اجيبه لانهم كانوا طالبين 7500 جنيه فاضطريت انى استنى لغايه 30 سنة وضيعت من عمرى احلى 10 سنين فى عمر الشاب
دلوقتى بعد العشر سنين جاى العسكرى يقولى عاوز جواب الفصل عشان يضيع بقيت العمر اللى فاضل
المهم اللى انا عاوز استفسر عنه هنا هوا جواب الفصل ده ضرورى مع العلم ان فى اخ هنا كان نفس ظروفى ولم يذكر اى كلام
عن جواب الفصل ده
فارجو من الاخوة بمن مر بنفس التجربة ان يشاركنى اياها ويطفى النار اللى جوايا باسرع وقت خصوصا ان انا رايح تانى المنطقة يوم الخميس لعل وعسى ان يقبل الصول اوراقى بدون جواب الفصل مثلما فعل مع شخص هناك وانا قابلته شخصيا
وكما قال لى العسكرى
انا اسف على الاطالة بس انا عارف ان فيه ناس كتير هتستفيد من الموضوع بتاعى ده لان اغلب اللى تخلفوا كانوا فى كليات وانفصلوا
ويا رب يفك كرب الجميع
اخوكم ابو ادهم
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2


هذا الطلب غريب جدا .......
ويمكنك الاجابة بأنك ما تقدمت لمعهد
ولا غيره ... وابنى موقفك على آخر
شهادة تحملها الان ....
 

أعلى