البرنس المنشاوى

عضو مشارك
التسجيل
9/9/14
المشاركات
42
الإعجابات
0
#1
أنا عامل غياب بئالى دلوئت 3 سنين وعندى دلوئت 31 سنه فبعد اذن حضراتكم عايز أسأل عن نقاط معينه

أولا __ أنا دلوئت عندى 31 سنه أبل ما أعمل غياب كان عليا حكم 6 شهور مع الأيقاف (لأنى مرحتش فى المعاد بتاعى ورحت بعدها بفتره فطبعا لما رحت سلمت نفسى ومركز التدريب حولنى على المحكمه والقاضى ادانى الحكم ده ) وكنت سألت فعرفت انى لو استنيت لحد 36 سنه أروح السجلات العسكريه وأدفع غرامه وأنهى موقفى وان موضوع ال6 شهور مع الأيقاف ده مش هيخلينى أتحبس ولا حاجه مدام تميت 36 سنه ( يعنى أدفع غرامه وخلاص على كده)

فعايز أعرف هل الكلام ده صح ولا لأ دلوئت لأنى سمعت انو فى الفتره الأخيره فى قوانين اتغيرت فى الجيش

ياريت حد يأكدلى على الموضوع ده لأنى فى حيره من أمرى وخايف انى أستنى لحد 36 سنه وبعدين أروح الائى نفسى عليا حبس برده ال6 شهور دول وأبئى استنيت كل السنين دى على الفادى ____ عايز بس أتأكد ان لو تميت ان شاء الله 36 سنه موضوعى هيخلص بغرامه بس من غير حبس بالرغم من الحكم اللى عليا ده ( 6 شهور مع الأيقاف) .

مع العلم ان القرار بتاع غرامه عند 36 سنه ده لسه موجود على وزارة الدفاع

ثانيا __ القرار ده مكتوب فيه (اذا كان تاريخ الغياب بعد 25 _5_2004 ) فعشان الهارب ينهى خدمته المفروض يكون تم 36

سنه (أو تكون مدة الغياب تزيد على خمس سنوات ) وأنا دلوئت عامل غياب بئالى 3 سنين فهل أنا كده يكون فاضلى سنتين وأنهى موقفى ولا لازم أستنى ل36 سنه وموضوع الخمس سنين ده حاله أخرى غير حالتى

ياريت حد يوضحلى النقطه دى لأنى مش فاهمها

ثالثا__ أنا كنت سألت برده وعرفت انى مدام تميت 30 سنه (يبئى لو رحت سلمت نفسى دلوئت هتحبس بس لكنى مش هرجع أكمل المده فى الوحده تانى (يعنى اتحبس وبعد كده خلاص أخد شهادتى وأمشى )

فهل الكلام ده لسه موجود دلوئت ولا القلق اللى فى البلد اليومين دول خلاهم فى الجيش أى حد يروح بعد 30 (وكان عامل غياب أبل كده)
يرجعوه يكمل مدته تانى فى الوحده

مع العلم انى مش عايز أرجع الوحده لان أعصاب رجلى تعبانه وهو ده أصلا سبب انى عملت غياب

وبعدين انا كنت خايف اروح أسلم نفسى دلوئت لسبيين أولا __ خايف ان هما يطلبو منى جوه الجيش انى أضرب نار مثلا على حد من المدنيين وطبعا مش ممكن أرضى

ثانيا خايف تكون المعامله جوه السجن الحربى سيئه جدا (فى ناس التلى المعامله عادى لو انتا مش بتعمل مشاكل وفى ناس تانيه التلى هما اليومين دول شدين أوى جوه الجيش والمعامله سيئه)

فياريت لو حد يعرف حاجه عن هما ممكن يطلبو من العساكر ان هى تضرب نار على حد مدنى أو عن المعامله جوه السجن الحربى يفيدنى بالله عليكوا (وطبعا موضوع ضرب النار ده لو كنت هرجع الوحده بعد 30 سنه)

ولو أنا هسأل فى السجلات العسكريه أبل ما أسلم نفسى فأنهو سجلات اللى أسأل فيها (سجلات الهروب اللى فى مدينة نصرولا السجلات العاديه وهى فين السجلات العاديه دى مع العلم انى ساكن فى محافظة الجيزه)

معلش على الأطاله بس اليومين دول فى قلق فى البلد وأنا مش عارف موقفى ايه بالظبط من موضوع الجيش فأرجو الرد من أساتذة القانون فى المنتدى العريق ضرورى عشان موضوع الجيش ده بيبئى عقبه كبيره فى حياة أى شاب

وجزاكم الله خيرا .
 

Hany Adel

Hany Adel

محامى ومستشار قانوني
التسجيل
5/4/11
المشاركات
2,339
الإعجابات
120
#2
حسب معلوماتنا 36 سنة
وبعده تنهي موقفك

اي معلومات اخرى من خلال الجيش نفسه من خلال معارفك يسالوا لك
لان المسالة تتغير كل يوم عن الاخر ..

خاصة في الظروف المحيطة بمصر ..
واعتقد ان مستقبلا قد يتم التعامل مع مسالة الهروب او التخلف حتى بشكل اكثر شده

ربنا يفك كربك

تحياتي
 

البرنس المنشاوى

عضو مشارك
التسجيل
9/9/14
المشاركات
42
الإعجابات
0
#3
شكرا أستاذ هانى على الرد جزاك الله خيرا ..
 

شادي ابراهيم

عضو مشارك
التسجيل
15/12/15
المشاركات
26
الإعجابات
3
#4
مشكور اخي
 

أعلى