AEM515

عضو مشارك
#1

انا عندى مشكلة فى الأوراق اللازمة لاستخراج القيد العائلى وهى كالتالى:
والدتى كانت مسيحية وتم تغيير الديانة والاسم عند الزواج وتم كتابة عقد زواج بالاسم الجديد المرفق صورته
ودى وثيقة عقد الزواج الوحيدة الموجودة لدى ولا توجد وثيقة كمبيوتر
مبين فى وثيقة الزواج عدم تسجيل بيانات بطاقة الزوجة ، وواضح انه تم معاملتها على انها لا تحمل بطاقة زى ما كان شائع فى وقتها
ولاحقا تم استخراج بطاقة رقم قومى لوالدتى وشهادة ميلاد كمبيوتر وجميع الأوراق الرسمية
المشكلة فى هذه الوثيقة ان فيها بيانات غير منطقية ووالدى ووالدتى كبار فى السن مش قادر استفهم منهم بالظبط عن الاحداث او طريقة تصحيحها
دلوقتى الوثيقة دى مؤرخة بتاريخ 23 مارس 1984
ومسجل فيها ان تاريخ بدء الزواج والمعاشرة 5 مارس 1975
فى حين ان تاريخ ميلاد أكبر أخواتى 14 يوليو 1975
ماعنديش ادنى فكرة عن سبب لخبطة التواريخ دى ايه وكل اللى يهمنى انى احصل على وثيقة صحيحة للقيد العائلى
بس كل اللى اعرفه انه ساعتها كانت الضوابط الأمنية على تغيير الديانة وصعوبة استخراج الأوراق هى السبب
وبالتأكيد الوثيقة دى غير موجودة على الكمبيوتر حاليا فى وزارة الداخلية
دلوقتى انا لو توجهت بالصورة دى للسجل المدنى عشان استخرج القيد العائلى ..
هل هتنفع ولا لازم اجيب وثيقة زواج كمبيوتر؟
وإزاى اطلع وثيقة زواج كمبيوتر بالشكل ده؟
هل أسجلها واطلعها بنفس التواريخ وخلاص؟ ولا يلزم التصحيح؟
انا محتاج اعرف اقل شئ ممكن لاستخراج القيد العائلى بغض النظر عن تصحيح التواريخ لو مش ضرورية او لو فيها خطوات إضافية
مش عارف ارفع للاسف صورة الوثيقة لعدم وجود 3 مشاركات ليا
ممكن ابعتها لاى مشرف محترم يحب يطلع عليها
مع الشكر
 

gamal gamal

محامى ومستشار قانوني
#2
عليكم السلام

للأسف لا يوجد أمامك سوى اثبات هذه الوثيقة
في مصلحة الأحوال المدنية على الكمبيوتر كما هي ...
لكى تتمكن من استخدامها في القيد العائلى ...

وسبب عدم دقة التواريخ يرجع الى صعوبة اثبات
الزواج من مسيحية الا بعد تغيير الديانة في الأزهر
ثم استخراج بطاقة جديدة ثم العقد الرسمي بعد ذلك ...
 

أعلى