ZizoIbra

عضو مشارك
التسجيل
6/8/15
المشاركات
8
الإعجابات
1
#1


دلوقتي مبدئيا كده انا بقالي فترة عايش في قلق لا يعلم بيه الا الله.

انا طالب في كلية صيدلة وهتم 28 سنة بكرة ان شاء الله 7 أغسطس 2015 ، والمفروض اني طالع سنة خامسة يعني آخر سنة بكالريوس.
وبقالي سنتين الحمد لله بنجح صافي من غير اي حاجه والسنة اللي فاتت جبت تقدير جيد كمان. يعني ماشي في الطريق الصح بفضل الله.

لحد دلوقتي مفيش حد بعتلي حاجه ولا حد كلمني بس انا عارف ان لما توصل 28 سنة بيتوقف القيد والمفروض ادخل الجيش سنتين كمان وبعدين ارجع اكمل السنة اللي فاضلة.

بس انا دخلت على موقع وزارة الدفاع : http://www.mod.gov.eg/Mod/Mod_TagnedServices03.aspx

ومكتوب :

"طلبة كليات جامعات جمهورية مصر العربيه والمعاهد العليا وما يعادلها فى داخل الجمهوريه أو فى الخارج حتى سن ( 28 ) عاماً .

إذا بلغ سن الطالب فى الفرق النهائيه الحد الأقصى لتأجيل التجنيد المشار إليه يستمر التأجيل حتى نهاية العام الدراسى بشرط أن لا يتجاوز سن الطالب 29 عام بالنسبه للكليات والمعاهد العليا المنصوص عليها بالبند (ج) .

وعلي الطلبة المؤجل تجنيدهم في جميع الأحوال تقديم أنفسهم إلي منطقة التجنيد والتعبئة المختصة خلال ثلاثون يوما من تاريخ زوال السبب لمعاملتهم تجنيديا بما يستحقون."


طيب دلوقتي بقى انا وضعي ايه؟؟
يعني هل ينطبق عليا البند اللي فوق ده اني المفروض رايح آخر سنة والمفروض يتمدلي سنة كمان لحد 29 سنة؟ ولا عشان انا هتم 28 سنة قبل بداية الدراسة فده يخلي البند ده لا ينطبق عليا؟ مع اني لما هتم 29 سنة ان شاء الله هتكون الدراسة السنة الجاية خلصت والنتيجة طلعت كمان.
الحاجة التانية ، المفروض انا اعمل حاجه من نفسي دلوقتي ولا استنى لما الكلية ولا التجنيد يبعتولي؟
انا امبارح رحت مكتب التجنيد اللي في الجامعة بس كان في عسكري معرفش يفيدني بحاجه وقالي تعالى يوم السبت الظابط هيبقى موجود واسأله. بس انا شاكك ان الظابط كمان هيبقى عارف .
ياريت تفيدوني .

شكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2
عليكم السلام

الغالب أنك ستستفيد من هذا الاستثناء
لانطباقه على حالتك ........
انتظر حتى يرسلوا لك ثم تابع معهم ....
 

ZizoIbra

عضو مشارك
التسجيل
6/8/15
المشاركات
8
الإعجابات
1
#3
ربنا يسمع من حضرتك ، لحسن الواحد خلاص مش عارف ينام

يعني معلش حضرتك شايف بلاش أروح مكتب التجنيد اللي في الجامعة تاني واستنى لما حد يبعتلي حاجه ؟؟؟
يمكني تيجي منهم ومحدش يبعتلي أصلا
 

ZizoIbra

عضو مشارك
التسجيل
6/8/15
المشاركات
8
الإعجابات
1
#4
بس في نفس الوقت مش عايز أضيع وقت عشان لو في حاجه تتعمل ولا في مواعيد لحاجات معينة ألحق أجهز نفسي
 

ZizoIbra

عضو مشارك
التسجيل
6/8/15
المشاركات
8
الإعجابات
1
#5
انا رحت مكتب التجنيد في الجامعة قالولي المختص هو مكتب الاتصال العسكري ، ورحت هناك النهاردة فعلا
قالولي انه هيتمدلي ان شاء الله سنة كمان لحد 29 سنة
بس قالولي انه مفيش اي مد تاني ، وحتى لو طلعت بمادة ولا حاجه مش هيتسمحلي امتحنها
 

ZizoIbra

عضو مشارك
التسجيل
6/8/15
المشاركات
8
الإعجابات
1
#6
حاجه كمان ، قالولي انه في بداية الدراسة الكلية هتطلب مني نموذج 2 جند هيتبعت للاتصال العسكري وهما هيكملو اجراءات التأجيل
 

أعلى