البرنس المنشاوى

عضو مشارك
#1
يأستاذ جمال لو سمحت أنا عندى سؤالين بس وأرجو الرد عليهم ضرورى لأنهم مهمين أوى بالنسبه لي

أولا انا عامل غياب بئالى 3 سنين دلوئت ووالدى سنو كبير وهو شايل فلوس فى البوسطه ليا أنا واخواتى بعد عمر طويل ليه

فهل او لا قدر الله والدى حصلوا حاجه وكنت أنا لسه مخلصتش موضوع الجيش هعرف أنا واخواتى ناخد الفلوس دى عادى ولا موضوع الجيش بتاعى هيأثر عليا فى حاجه مع العلم ان بطاقتى منتهيه بئالها حوالى سنه دلوئت وأبل ما أعمل غياب كان عليا حكم 6 شهور مع الأيقاف من المحكمه العسكريه لأنى مرحتش يوم سماع السلاح ورحت بعدها بحوالى 8 شهور سلمت نفسى

النقطه التانيه انا ان شاء الله كنت ناوى أروح أخلص موضوع الجيش لما أتم 36 سنه طبعا أنا هاخد الشهاده رديئه

فعايز أعرف هعد وئت أد ايه عشان أعرف أغيرها من رديئه لجيده لأنى سمعت ناس بتئول سنه واحده بس وناس تئول 3 سنين

وناس تئول 6 شهور فعايز أعرف بس الصح ايه وهل ممكن بعد كده أغيرها لدرجه أحسن من جيده ولا هى أخرها جيده بس

وهل موضوع ان هى رديئه ده يأثر على الشغل حتى لو فى القطاع الخاص ولازم أستنى لما اغيرها لجيده عشان أعرف

أشتغل حتى لو فى القطاع الخاص ولا ممكن أشتغل بيها وهى رديئه عادى وأصحاب الشركات مش بيدئئوا فى موضوع درجة الشهاده ده

أرجو من حضرتك توضيح النقط دى لأنها مهمه أوى بالنسبه لى أسف ع الأطاله وجزاك الله خيرا
 

new_yasser

new_yasser

عضو مميز
#2
بالنسبة لسؤالك الأول يترك للمتخصصين ......أما سؤالك عن تغيير الشهادة من رديئة لجيدة ...... بعد سنة لكن بشرط أن ترد اعتبارك عن طريق النيابة العسكرية ......أو بعد عامين مباشرة من السجلات بدون عمل رد اعتبار .....هذا ما قاله لنا مسعاد التعليم بالسجلات حين استلامنا للشهادة
 

البرنس المنشاوى

عضو مشارك
#3
شكرا أخ ياسر بس ياريت الرد من الأستاذ جمال بعد اذنه وياريت كمان يأستاذ جمال توضحلى لو سمحت موضوع رد الأعتبار ده بيتعمل عادى لأى حد ولا ليه شروط معينه ولا ايه وهل موضوع الشهاده الرديئه ده بيأثر ع الشغل حتى لو فى القطاع الخاص

أرجو الرد من حضرتك يأستاذ جمال وكل سنه وحضرتك طيب انت وكل اللى فى المنتدى .
 

gamal gamal

محامى ومستشار قانوني
#4
موضوع الأموال الموجودة في البريد
بإسمك ليس لها علاقة بالهروب من التجنيد
أو بالأحكام ...
والمهم فيها أن تكون معك بطاقة سارية فقط ...

والشهادة الرديئة يمكن تغييرها بعد سنة
من صدورها فقط .........

ولا أحد يهتم بالشهادة رديئة أم لا الا
في شركات الحراسة والأمن فقط ....
 

أعلى