musa farfoor

عضو مشارك
#1
اشتهر السودان بحب الثقافة والابداع
فالشعب السوداني شعب طيب
و ذواق للشعر
ومن شعراء الاغنية السودانية
ذلك الشاعر اسحق الحلنقي
الذي كتب
اقابلك في زمن ماشي وزمن جاي وزمن لسه
اشوف الماضي فيك باكر اريت باكر تكون هسة
وكتب
علي صفف العنب اسمين
كتبناهم بدمع العين
ومرت بينا غيمة فرقة
واتفارقنا مجبورين
ولما رجعنا من غربتنا
فرحانين مع العايدين
لقينا الريح محا الذكري
وبكينا علي ضياع اسمين
كتبناها الاسامي زمان
اشهدي يا ضفاف النيل
طفولتنا القضيناها
زغاريد فرحة شاقة الليل
سنينا تضوي بالامال
وكل العشنا زاهي جميل
ماشين في دروب الريد
نغني والاماسي تشيل
جاتنا الفرقة زائرة ديارنا
بي ليلا اللي ما بندار
مدت ايدا شالت زهرة
كانت ضاوية ساحة الدار
سواقينا الحنينة بكت
علي الريد الولفنا صغار
كبرنا الليلة جينا نشوف
حكاية حزينة لي قلبين
كنا زمان رسمناهم
علي صفف العنب طفلين
قايلين نلقي ماضي الذكري
فوقنا يلالي زي نجمين
لقينا الريح محا الذكري
وبكينا علي ضياع اسمين
 

أعلى