الشاعر نادر الأسيوطي

عضو مشارك
#1
المنطق مات :كلمات نادر الأسيوطي
المنطق طق ومات
من كتر البلوات
انتحر العقل إكمنه
شاف كل الحكايات
شاف الأكل لحم حمير
والهرمون في الفاكهه كتير
والفوسفات بقي ميّه ف زير
غير الصدا في الحنفيات
وآدي حوادث بالألوفات
وطرقنا سيرك بالذات
والقطورات سبب الآهات
والبلوة في المزلقانات
والراكب راكب فوق ميّه
والملعب ساحة لحرميّه
والكل حيغرق في الميّه
ودا عادي في العبارات
أقمارنا الصناعية تتوه
مصنعنا بالإيد قفلوه
راح ازعق وأقول يا هوه
العمال نايمه ف ثُبات
والوارد من بره مهول
من الإبرة حتي الكشكول
"الجات" كات أكبر غول
والصين لمه الغلات
تقاوينا من اسرائيل
والسرطان واخد التوكيل
والشعب عاشق التطبيل
يرحمنا رافع السموات
الكهرباء تيجي براحتها
والبوتاجاز مقطوع ف الحته
زبالتنا بنشم رحيتها
وعزمنا كل الحشرات
والمحمول جمّع ملايين
وشبكته بتجيب سردين
والنت بطئ وحزين
وبيجي عندنا ساعات
السرقه شغاله يوماتي
والرشوة سبوبة يا حياتي
والعالم شايفه وبتهاتي
والكل كاتم في سكات
وبلدنا في فسادها الخامسه
ف تحرش اولادها التالته
علي العالم في الخيبه الألفه
والتانيه في هتك الطفولات
بالكفته راح نصنع ذره
والتعليم حقق الطفره
العلما هربوا لبره
غيروا حتي الجنسيات
بنكرم الرقاصات
ونبارك للمثاليات (المثليات )
وبرغم كل اللي فات
لينا حضارة بالآلافات (^ـ^)
المنطق مات : كلمات نادر الأسيوطي

 

haleeim

عضو مشارك
#2

جزاكَ الله خيراً أخي الكريم ...
جعله الله في ميزان حسناتك إن شاء الله ...
تقبل تحياتي
 
osamaelkholy

osamaelkholy

عضو ذهبي
#3
جزاكم الله خيراً
 

أعلى