Adventure

عضو مشارك
#1
'',
تحية طيبة

أولاً : أتشرف بالسادة المشرفين والأعضاء الكرام

ثانياً : مشكلتي كالآتي :-

أنا من محافظة دمياط مواليد 14/04/1986 كنت في كلية الحقوق ورسبت فيها ثم فات أكتر من عام بعد الرسوب وبعدها تعبت جداً وقولت لازم أخلص جيشي وأشوف هايحصل إيه ، التجنيد بتاعي تابع لمنطقة المنصورة وبالفعل أخذت في إجراء كافة الإجراءات وحصلت شهادة فصل وأتممت إجراءاتي ولكن أثناء عرض مشكلتي الصحية وهي "غضروف في 3 فقرات" لم يسمع مني أي فرد بمنطقة التجنيد تماماً وأستمريت بالإجراءات الطبيعية كحال أي شخص عادي وسليم إلا أن تم إصدار نموذج 110 جند ليا ومذكور فيه :-

المواطن المذكور حضر لمنطقة التجنيد وتم تسجيله بتاريخ 12/07/2010 وعليه التقدم لمنطقة التجنيد ومعه هذا الخطاب ومؤهله الدراسي بتاريخ 14/10/2010 وذلك لإتخاذ إجراءات ترحيله للسلام الموزع عليه ومراعاة عدم التخلف حتي لايقع تحت طائلة القانون .
توقيت الشكاوي الطبية / اللجنة العيا بإدارة التجنيد 2010/07/13 وحتي 2010/08/15
توقيت تحليل فيروسات بالمنطقة 15/08/2010

وده كان آخر إجراء حصلت عليه من منطقة التجنيد ومن بعدها مباشرة حاولت أعمل إجراء طبي في "حلمية الزتون" ولكن بعد الكشف وبعدها تم الكتابة على الكارت اللي كان معي "لائق" وتحتها "أمر مدير"وبعدها رقم وتاريخ اليوم "29/7/2010"

بعدها لم أكن قادر على إكمال إجراءات ولم أكترث لأي حدث أو أي فعل ! غير اني أعيش وأكمل حياتي

أرجوا التوضيح بخصوص وضعي القانوني والجنائي نظراً لجدية الأمور حالياً بالنسبة ليا وممكن أحتاج لإصدار جواز سفر لفرصة السفر التي قد تكون متاحة لدي في وقت قريب جداً ولكن وضعي التجنيدي حاسس إنه متلخبط جداً ومش عارف أعمل إيه أنتظر 10 شهور لإتمامي 30 عام وأشوف الدنيا هاتوصلني إي أين ؟! أو أعرف الطرق والوسائل التي توضحي لي ماهي الخيارات المتاحة لدي !

وشكراً لسعة صدوركم وترحيبكم بإفادة كافة الأعضاء
 

Adventure

عضو مشارك
#2
تمام أنا متحيز أكتر لكده فعلاً لكن سؤالي كان لسبب لقدر الله إن إمكانية الفرصة للسفر ممكن تكون متوفرة قدامي في مدة أقل من 10 شهور لذلك حبيت أشوف الخيارات المتاحة أو ع الأقل الوضع الجنائي ليا إيه دلوقتي ... شكراً لردك
 

Mahmoud Morsy

عضو مشارك
#3
, انت لو عملت الجواز السفر هيطلبوا منك شهادة الجيش وبما انك معاكش شهادة يبقي ممكن ما يقبلوا يعملوا الجواز ولو قبلوا هيكتبوا في سن التجنيد او مطلوب للتجنيد حاجة كده, علي العموم مش هتقدر تخرج بره مصر الا لما تخلص موضوع الجيش تماما. مثال: تصريح سفر (أذن سفر) او اعفاء مؤقت او شهادة نهائية والكلام ده, بس من غير اي حاجة من دول للأسف مش هتقدر تخرج بره مصر.
اسف طولت عليك بس باين كده ان مفيش قدامك غير انك تستني سن ال30 وتبدأ اجراءات انهاء التجنيد للمتخلفين عن التجنيد وساعتها ان شاء الله لازم تقرا الموضوع المتعلق المرفوع علي الصفحة الرئيسية والتجارب الفعلية اللي انا واحد منهم.

حاجة تانية: اتأكد بردو انك متخلف مش متهرب لأنك عملت كشف طبي لأنك لو متهرب يعني سن ال 36.

نرجو مداخلتك سيادة المستشار

محمود مرسي
 

Adventure

عضو مشارك
#4
شكراً لإفادتك . ، وأرجوا من السادة المستشارين الإفادة أكتر لكي يتضح لي إذا ماكان موقف من التجنيد تهرب أو تخلف لكي أتأكد من الإجراءات المتبعة ولكي اكون مطمئن ... وشكراً لكم
 

saladino444

عضو مشارك
#5
حضرتك متخلف عن التجنيد طالما لم تسمع سلاح ولم يتم ترحيلك لمركز التدريب . وذلك عن تجربه شخصيه لنفس الحاله بتاعتك . وتقدر تروح تقد على محاكمه طالما سنك معدى 30سنه , و حاتتحاكم بملغ من 3000 إلى 10000.
ممكن ترجع للموضع اللى كاتبه الاخ max pain . من اللينك ده . وربنا ييسرلك الحال
تجربة فعلية لمحاكمة متخلف عن التجنيد بعد الكشف الطبي و سماع الارجاء
 

Adventure

عضو مشارك
#7
شكراً لإفادتك أخي الكريم ، وللأهمية بالنسبة لموضوع تمام سن الـ30 هل أقدر أروح أقدم على المحاكمة وأنا مطمئن وإتباع كافة الإجراءات عند تمام السن 30 سنة باليوم "اي 30 عام باليوم بالتمام والكمال " أم الأفضل الإنتظار حتي مرور بضعة أيام أو حتي تخطي ميعاد الفرز اللي هوا كان بتاريخ 12/7/2010 ... وشكراً جزيلاً لنصحكم وإفادتكم
 

Adventure

عضو مشارك
#8
شكراً لإفادتك أخي الكريم والله المستعان بإذن الله أثناء الإجراءات إن شاء الله
 

أعلى