امير زينهم

عضو مشارك
التسجيل
30/3/15
المشاركات
28
الإعجابات
4
#1


الإخوة الكرام أعزائي في منتدى داماس

تحية طيبة وبعد

كما تعلمون أنني قمت بإنهاء إجراء محاكمتي بالأمس فأحببت أن أطلعكم على أمر غاية في الخطورة

لقد قال لنا القاضي في المحكمة أن الذي لم ينهي موقفه التجنيدي لمن تجاوز الـ 30 عاما قبل تاريخ 1-6-2015 سوف يكون الحكم عليه حسب القانون الجديد الذي سيطبق في التاريخ السابق ( 10000 جنيه غرامه + سنة حبس على الأقل ) بتهمة خيانة الوطن حسب القانون الجديد

فأرجو أن تخبروا اي صديق لكم او أخ أنه اذا تجاوز الثلاثين عاما ينهي موقفه التجنيدي فورا لكي لا يتعرض لهذه العقوبة الشديدة

وأعتقد انه في هذه الحالة من لم يتجاوز هذا السن وبقي عليه فترة طويلة فعليه بتسليم نفسه أفضل من التعرض لمثل هذه العقوبة

طبعاً هذا الخبر صحيح بنسبة كبيرة إلى أن يطبق القانون فيمكن ان يأتي القانون بشيء أكبر قليلا أو أقل مثلما قال قاضي المحكمة

وممكن أن يكون هذا الخبر مسرب لكي يأتي إليهم الشباب ويدفعو المبالغ المالية لإحتياج الجيش للأموال حسب رأيي والله أعلم

وسوف نتأكد من ذلك بعد التاريخ
 

Amr486

عضو مشارك
التسجيل
28/12/14
المشاركات
26
الإعجابات
0
#2
10000 جنية و كمان سنة حبس ؟!! انا رائي يطبقوا القانون صح طالما هى قضية خيانة (وطن) بقا ويدونا عقوبة اعدام ارحم من يوم واحد فى البلد دى. حسبي الله ونعم الوكيل بجد
 

امير زينهم

عضو مشارك
التسجيل
30/3/15
المشاركات
28
الإعجابات
4
#3
ده سنة على الأقل لكن طبعا ده كل كلام لحد ما يفعلو القانون واكيد انا متابع لحد ما اشوف هيعملو ايه
 

selim999

عضو جديد
التسجيل
15/5/15
المشاركات
17
الإعجابات
0
#4
اللي اعرفه ان القانون الجديد اتطبق فعلا من يوم تشره في الجريدة الرسمية و ان الغرامة بس زادت ووصلت لحد 10000
و القانون الجديد بيقول حبس و غرامة او باحدي هاتين العقوبتين
و بعدين مفيش حاجة قانونا اسمها تهمة خيانة الوطن وعقوبتها حبس, تهمة خيانة الوطن دي عقوبتها الاعدام.
انا مش محامي بس ده اللي اعرفة ياريت لو في حد محامي يوضح المسالة دي, شكرا
 

selim999

عضو جديد
التسجيل
15/5/15
المشاركات
17
الإعجابات
0
#5
ياريت يا جماعه حد يتاكد من الموضوع ده و يقولنا
 

a_saaad

عضو جديد
التسجيل
16/5/15
المشاركات
7
الإعجابات
0
#6
صعب الكلام ده يحصل
التعديل علي قانون الخدمة العسكرية بيحصل كل فين وفين وهما لسه مغيرين في القانون من اقل من سنه
غير ان القانون اصلا فيه عقوبة المتخلف عن التجنيد الحبس سنه بس العقوبة مش بتطبق لانهم عايزين فلوس
ولما السيسي مسك البلد وكان في كلام انهم يخلوا سن الامتناع 32 سنه بدل 30 ما قدروش يطبقوه لانه هيضرهم لانهم محتاجين فلوس وبالطريقه دي هيكونوا بيقللوا الغرامات اللي بياخدوها

وكان وقتها في كلام كتير وتسريبات عن طريق قضاه وظباط بحوار مد سن الامتناع وطلع الحوار اشتغاله عشان يزودوا الغرامه مش اكتر

وعلي فكره ساعة تطبيق القانون الجديد قالوا ان العقوبه هتكون سنه حبس وغرامه ما تقلش عن 10000 جنيه وده ما حصلش

كل اللي حصل انهم زودوا الحد الاقصي للغرامه ووصل ل 10000 ومابقتش تطبق كمان

انا ليا اتنين اصحابي راحوا قدموا ورقهم بعد القانون ده واحد دفع 3500 والتاني 5000 اللي دفع المبلغ الاكبر كان بسبب انه شغال في السعوديه

زي ما انت بالظبط ما كتبت في موضوعك ان في واحد راجع من فرنسا دفع 8000

هما بيحددوا حسب حالة اللي قدامهم مش اكتر

صاحبي اللي دفع 5000 في جلسته القاضي قال اللي يعرف حد عدي ال30 يخليه يقدم علي طول عشان الغرامه من اول 2015 مش هتقل عن 10000

وجت 2015 ومحصلش الكلام ده وانت بنفسك مدفعتش 10000 جنيه

الحوار كله تسخين مش اكتر عشان يلموا فلوس في ظل ظروف البلد التعبانه

ورايي الشخصي ان لو زي ما بتقول العقوبه هتبقي 10000 وحبس سنه لو انا متخلف عن التجنيد ايه اللي هيخليني اروح اسلم نفسي واتحبس واديهم كمان فلوس !!!!

مستحيل طبعا ده يحصل لان الدوله هتكون بتخسر فلوس كتيره بتلمها كل سنه من الحوار ده ومحدش هيروحلهم اصلا
 

a_saaad

عضو جديد
التسجيل
16/5/15
المشاركات
7
الإعجابات
0
#7
moohamedgaber صاحبي اللي دفع 5000 بيقولي يومها في المحكمه كان معاه حوالي 80 شخص لو ضربت ال80 دول في متوسط غرامه 4000 يعني 320 ألف جنيه كحد أدني .. يوم واحد في السنه جايبلهم رقم زي ده !!!
تخيل يوم زي ده بيتكرر كام مره في السنه .. يعني بتتكلم في ملايين مستحيل يضحوا بيها .. انت لو العقوبه حبس وغرامه وناوي تسلم نفسك هتروح تسلم نفسك وتقولهم معاييش فلوس للغرامه واخرهم هيزودوا في مدة حبسك وطالما انت كده كده ناوي تتحبس يبقي مش هتدفعلهم مليم

حتي صاحبي اللي دفع 3500 كان رايح هو و2 قرايبه

عدد اللي اتخلفوا عن التجنيد كتير جدا بسبب ظروف اجتماعية او ظروف صحيه او بسبب نظام الاستعباد اللي في الجيش وعدد اللي متخلفين عن التجنيد في مصر بالملايين أصلا

نقطه أخيره .. أكيد بتسمعوا عن مشكلة بتحصل كل انتخابات مجلس شعب بسبب ان في نواب عايزين يترشحوا وهما ما أدوش الخدمة العسكرية وبيطالبوا ان الشرط ده ما يكونش موجود عشان يقدروا يترشحوا وبيرفعوا قضايا كتير بسبب النقطه دي

فمستحيل الجيش يقرر ان عقوبة المتخلف تبقي حبس خصوصا ان مش بس الناس العاديه هي اللي متخلفه ده في ناس كتير أصحاب نفوذ في البلد متخلفه وبدل ما بيزوروا شهادة الجيش بيستنوا سن الامتناع ويدفعوا الغرامة
فالحوار مش سهل يعني انهم يخلوا العقوبه حبس علي طول

والله أعلي وأعلم برضه ايه ممكن يحصل وع العموم أول الشهر مش بعيد وهيبان
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#8
أعتقد أن هذا تهديد لكم فقط !!!!

ولا يوجد أرخص من الكلام عند هؤلاء ...
 

a_saaad

عضو جديد
التسجيل
16/5/15
المشاركات
7
الإعجابات
0
#9
gamal gamal

أنجزت وأوجزت يا أستاذ جمال
 

امير زينهم

عضو مشارك
التسجيل
30/3/15
المشاركات
28
الإعجابات
4
#10
انا نقلت الكلام زي ما سمعته وحضرتك كلامك وتحليلك منطقي تماما
وزي ما انا قلت ممكن يكونو بيقولو كده عشان الناس تيجي وتدفع فلوس مش اكتر
 

hanyaly

عضو جديد
التسجيل
19/1/13
المشاركات
7
الإعجابات
0
#11
ياجماعة دة اى كلام عشان يلموا فلوس وخلاص وهو دة اللي يهمهم, مفيش اى حاجة وفى لجان عسكرية مسافرة للخارج فى شهر يونيو اللى جاى لتسوية مواقف الشباب في الخارج بغرامة 588 دولار, هما عايزين فلوس تدخل الكروش وبس.
 

alexh

عضو مشارك
التسجيل
19/5/14
المشاركات
40
الإعجابات
1
#12
استاذ جمال هل هذا الكلام صحيح
مع العلم اني انا سوف اخالف من الاعفاء المؤقت لاخي لانه في نفس السنه اللي هيخلص فيها الكليه انا هتم ال 30 سنه
وانا مقيم بالسعوديه .
هل بالفعل يوجد لجان عسكريه بتيجي السعوديه وبتسووي للمخالفين هنا ؟
وشكرا
 

عبدالرحمن

VIP
التسجيل
18/4/07
المشاركات
6,152
الإعجابات
1,569
الجنس
Male
#13
هو اصلا توجد حكومة معترف بيها
ثم انى سمعت ان ليميروحش للانتخابات هايكون هناك حبس وغرامة مالية
.
حكمة الاجداد
عيش تسمع
وحكمتنا احنا لعيشين الاحداث
عيش تسمع وتشوف
.
كل حكومات العربية مزورة كلها بدون استثناء
 

أعلى