new shadoowww

عضو مشارك
#1
ارجو افادتي حيث انني تزوجت من سبع سنوات في شقه بمنزل عائله زوجي وانجبت ثلاثه اطفال ثم طردني حمايا من شقتي اثناء سفر زوجي لطمعه في الشقه وصدر لي قرار بالتمكين من شقه الزوجيه ولكن لازال في مرجله التنفيذ واثناء قيامي باجراءات التمكين من الشقه بلغني من الجيران قيام حمايا بفتح شقتي ونقل عفشي ووضع عفشه مكانه لاثبات في اي معاينه ان الشقه سكن ليه هو مش ليا وطلبت اجراء معاينه للعفش اللي في الشقه لاطمئن علي حاجتي اللي في الشقه وبحضوري المعاينه اكتشفت اختفاء نص عفشي ودهبي وفلوس في الدولاب ومتعلقاتي الشخصيه فسجلتها في محضر منفصل واريد ان اعرف الموقف القانوني في هذه الحاله وهل سا اخذ حقي ام لا لان معاهم محامي حسبي الله ونعم الوكيل فيه بيقنعهم انه هيلغي تنفيذ تمكيني من الشقه واثبات انهم بلا سكن وان الشقه دي عقدها باسم حمايا وهو احق بيها مني انا واولادي يا اما يقعد معايا فيها هو وحماتي وبيقنعهم انه هيجيب شهود تشهد اني كنت بايعه عفشي وده محصلش طبعا وانا كنت سايبه الشقه فيها عفشي كامل ومبعتوش بس عشان ينفي من علي نفسه تهمه التبيد فهل ده صحيح ولا لا وايه الاجراء اللي ممكن اخده في الحاله دي وايه الحكم اللي هيصدر في الموقف ده مع محامي زي محاميهم مع العلم بان كل العفش مثبت في القايمه اللي معايا
 

gamal gamal

محامى ومستشار قانوني
#2
عليكم السلام

ارفعى جنحة تبديد منقولات زوجية
وستأخذى حقك كاملا ...

ولكن ارفعى جنحة مباشرة ( عن طريق محضر في قسم الشرطة )

زدعك من سفاهات إن معاهم محام ..... فالتوقيع على قائمة المنقولات
سيجبرهم على عرض المنقولات كاملة عليك .............

وأنصحك اللجوؤ الى محام تثقى فيه .......
 

new shadoowww

عضو مشارك
#3
شكرا لحضرتك
لكن هل الطعن في القايمه ممكن ياخر الاجراءات
وهل حضور شهود يثبتوا اني مملكش الحاجات في الشقه ممكن يتاخد بيه
لانهم بيلمحوا لكده
 

gamal gamal

محامى ومستشار قانوني
#4
الطعن في القائمة سيؤخرها وقت قليل فقط .
والشهؤد ليس لهم دور في ذلك ....
ما دام أن المنقولات موجودة تحت يده ...
 

أعلى