ما الجديد

ssamar

عضو مشارك
التسجيل
24/5/12
المشاركات
73
الإعجابات
2
الإقامة
مصر
#1
دى مشاركتى من فترة هل من حقى وانا الان رافعة قضية نفقة لطفلين واعيش مع والدتى ان اطلب حق الولاية التعليمية عشان ادخل ابنى حضانة حكومى فى منطقتى ولا لازم اكون مطلقة
لانقضايا الطلاق تاخد وقت
حضرتك رديت عليا

يمكنك اللجوء بطلب وقتى الى رئيس المحكمة
فى دائرتك بطلب يصرح لك فيه بالأحقية بإلحاق
ابنك فى التعليم .......
وقدمى ما يفيد النزاع القضائى بينك وبين زوجك ...

روحت محكمة الاسرة وطلبت منهم ان اعمل الطلب دا رفضوا وقالو مينفعش وطلبت من المحامى وقالى نفس الكلام لازم اكون مطلقة عشان اقدر ادخل ابنى الحضانة فى المنطقة اللى عايشة فيها
روحت سألت فى اكتر من مدرسة وروحت لتوجية رياض الاطفال نفسة واوضحت لهم الوضع اللى انا فية
قضية نفقة وانذار بالطاعة ومتجمد نفقة
ردو عليا نشرة القبول بالحضانة لازم حضوره اوعلى الاقل صورة البطاقة للاب

رفض يروح يقدم رفض يدينى صورة البطاقة وشهادة ميلاد الطفل
اعمل اية مفيش حاجة فى القانون تجبر الاب واعمل اية انسان معدوم منه الابوه حتى واولاده معاه
سهادة الميلاد هعمل مذكرة فقد فى قسم الشرطه انما صورة بطاقة الاب
لاتتعجب من الوضع دخول الحضانة عندنا صعب شويا لان الحصانات قليلة العدد وعدد الطلاب كثيرة
وشكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2


يا سيدتى ركزى معايا ......

ما تطلبينه حق ولكنه عريب في هذا البلد الذى نعيش فيه !!!

1-قدمى طلب ( أمر وقتى ) لرئيس محكمة الأسرة وهذا حقك
2-ارفقى صورة من الدعاوى المتداولة بينك وبين زوجك .

لكى يتخذ القاضى في الأمر الوقتى قرارا مكتوبا سواء بالقبول أو الرفض ...

لا تستمعى الى أى أحد يريد احباطك ( ثقى في كلامى )

وعلى الأقل ( حتى يكون هذا الطلب حجة لك عندما يأتى الزوج متبجحا
ويتهمك بأنك أهملت في ادخال ابنك الحضانة !!! ولا يوجد ساعتها معك دليل )

ولكن بهذا الطلب يكون معك دليل مكتوب على قيامك بواجبك ....

لا تعتمدى على أحد ...........

اذهبى مرة أخرى الى محكمة الأسرة واسألى رئيس القلم سؤال واحد فقط وهو ::

في حاجة اسمها أمر وقتى ممكن أقدمه للمحكمة ولا لأ ؟

فإن أجاب بنعم قدمى الطلب مرفق به المستندات وسيحدد له جلسة أمام القاضى

ثم أخبرينى هنا بما تم معك ؟
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#3
ويا سلام

لو أرسلت انذار على يد محضر أولا
الى الزوج لكى يحضر في يوم كذا ... حددى يوم معين .
ومعه صورة البطاقة للتقديم لابنه لرفض الحضانة
قبول الورق الا بحضورة ....

وهذا اجراء مهم ...

وأخيرا المحاماه فن واصرار وجهد
وقلما تجديه الان في الكثييييييير
 

احمد الياسرجي

عضو جديد
التسجيل
25/3/13
المشاركات
134
الإعجابات
0
#4
شوفى قسيمه الزواج بتاعتكم اللى فى المحكمه الاسرة فى دفاتر القسايم احتمال كبير تلاقى صورة بطاقته متدبسه مع القسيمه ممكن تصوريها
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#5
صورة البطاقة لا ترفق مع القسيمة يا غالى ....
 

ssamar

عضو مشارك
التسجيل
24/5/12
المشاركات
73
الإعجابات
2
الإقامة
مصر
#6
ورحمه الله وبركاته
أشكرك أخى الفاضل على اهتمامك
على الرغم ان المحامى الخاص بى إنسان محترم وعلى نفس إتجاه حضرتك
الا أن موضوع الولاية التعليمية جديد عليه
المهم ذهبت لمحكمة الاسرة بنفسى وقولت على طلب لقاضى الامور الوقتية رد عليا اللى هناك وقالى لازم يثبت نية الاب فى عدم ادخال ابنه الحضانه لان لو من بدرى ممكن القاضى يرفض
بمعنى لاما يعدى 3 او4 ايام من التقديم وبعدين تقدمى الطلب انما قبل ميعاد التقديم مينفعش
انا صحيح بعت للاب علشان اعرف هيقدم ولاء من بدرى ودا لانى متاكده من تصرفاته
التقديم هيبدأ 1/6 وينتهى25/6

هل استطيع فى هذه الفترة الحصول على اخذ راى القاضى ولا بتعد زى جلسات النفقى كل 3 اشهر

كه انا همشى صح ونصيحتك استاذ جمال
اسفة للاطاله وجزالك الله الف خيرا
و ورحمه الله وبركاته
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#7
قلت لك

انذار للزوج للحضور يوم كذا ... وليكم 1/6 مثلا

واذا لم يحضر يوم 2/6 قدمى الطلب ....

زالطلب يحدد له جلسة قريبة ...
والقرار يكون فى نفس الجلسة ...
 

ssamar

عضو مشارك
التسجيل
24/5/12
المشاركات
73
الإعجابات
2
الإقامة
مصر
#8
ورحمه الله وبركاته
ذهبت اليوم لقاضى الامور الوقتية وقدمت له امر على عريضة بخصوص طلبى بحقى كام للتقديم لابنى فى الحضانة دون الاب المتعنت
اخذت ميعاد 20/6 القادم وطلب ارسال اعلان على يد محضر لحضور الزوج هذه الجلسة
اعمل ازاى الاعلان وضيغته وتقدم قلم المحضرين
وشكرا للاهتمام والافادة
 

ssamar

عضو مشارك
التسجيل
24/5/12
المشاركات
73
الإعجابات
2
الإقامة
مصر
#9
امر العريضة ملوش رقم زى اى قضية وقع القاضى فقط باعلام الزوج لجلسة 20/6 فقط
 

ssamar

عضو مشارك
التسجيل
24/5/12
المشاركات
73
الإعجابات
2
الإقامة
مصر
#10
ورحمه الله وبركاته
وكل سنه وحضرتك طيب ورمضان كريم استاذ جمال
اتمنى من الله ان تكون بخير لغيابك عنا منذ فترة
احب ان ابلغ حضرتك ان النهاردة كان ميعاد الجلسة والحمد لله القاضى وافق على اعتبارى ان ولي الامر ومن حقى التقديم بنفسى وبالغد ساذهب اخذ القرار انشاء الله
وعملت بنصحتك وتوجيهات حضرتك والف شكر ا على تعاونك معى واهتمامك وجزالك الله الف شكرا
 

ssamar

عضو مشارك
التسجيل
24/5/12
المشاركات
73
الإعجابات
2
الإقامة
مصر
#11
استاذ جمال وكل سنه وحضرتك بخير
احب ان اشكر حضرتك كثيرا عملت زى ما قولتلى بالظبط والحمد لله اخذت امر على عريضة بنقل الولاية التعليمية للحاضنة اشكرك
 

أعلى